قرعة إفريقيا تضع الاهلي والترجي والهلال في مجموعة واحدة

[demyate]

قرعة إفريقيا تضع الاهلي والترجي والهلال في مجموعة واحدة



الأهلي المصري يتوج بكأس دوري أبطال إفريقيا
زيورخ/ أجريت في العاصمة السويسرية زيورخ صباح اليوم قرعة دور الثمانية لبطولتي دوري أبطال إفريقيا وكاس الاتحاد الافريقي (الكونفدرالية)، أسفرت قرعة الابطال عن وقوع اربعة فرق عربية في موجموعة واحدة وهي المجموعة الثانية التي ضمت النجم الساحلي التونسي و الجيش الملكي المغربي وشبيبة القبائل الجزائري والإتحاد الليبي.
وجاءت المجموعة الأولى ساخنة حيث ضمت الأهلي المصري والهلال السوداني و آسيك ميموسا العاجي و الترجي التونسي.
ويعلب الهلال مع الاهلي المصري في اولى مباريات المجموعة الاولى واسيك والترجي في المباراة الثانية.
وستقام أولى لقاءات المجموعات أيام 22 و23 و24 يونيو القادم علما بان مباريات المجموعات تقام بنظام الذهاب والاياب ويتاهل اول وثاني المجموعة لدور الاربعة.
وأوقعت قرعة كاس الاتحاد الاسماعيلي المصري والمريخ السوداني في المجموعة الثانية الى جانب فريقان من نيجيريا هما دولفين وكوارا، وضمت المجموعة الاولى اندية مازمبي الكونجولي والصفاقسي التونسي ودوالا الكاميروني وصن داونز الجنوب افريقي.
وستقام مباريات الكونفدرالية في شهر يوليو.
منقول من موقع نسيج
http://sports.naseej.com/Detail.asp?InNewsItemID=224766

[النزير محمد شريف]

نسال الله التوفيق للقمه السودانيه

حقيقه

اخوانا الاهله ربنا يكون في عونهم


تاني الترجي ومعاه فريق القرن في افريقيا الله وتاني اسيك العاجي



ربنا يكون في العون

وكما يقول حسن محجوب اللييييييييييييلا


المريخ مجموعته بعض الشئ خفيفه
وان كنت اومن تماماً ان جميع الفرق التي تاهل يجب ان تكون في مستوي واحد



مع مودتي

[هيثم بابكر]

الهلال هلال الاقوياء هلال الملايين باذن الله منتصرين ونحن مابننتصر الا على الاقوياء

[النزير محمد شريف]

اتمني ذلك اخي هيثم لكن !!!!

دحن الاهلي راح تغلبوه

والله نسيت استاذ المنزه بتونس

اكيد سرتو ما تعجبكم !!


مع مودتي

[معتزودمدنى]

والله الهلال الضحك شرطو
الاهلى والترجى حتة واحدة؟؟؟
غايتو الله يستر من الخمسات والسبعات
وحكاية الهلال ما بينهزم فى استاده دى ما بتجيب كاسات ولا بتأكل عيش

[النزير محمد شريف]

معتز ودمدني


سيب الشماته دي وما تسبق الحوادث


زريبه العيش دي هم قالوا مغبره للخصوم والابطال

اهو الاحلام مشروعه ........





تعريجه


خمسه مسته شنو هم يتحمال صلاح ادريس يخلق له سبب ينسحب بيه هي الانخابات مش قربت

[Madanawi]

نتمنى التوفيق للفريق القومي السوداني كما نتمنى البطولة للهلال والمريخ ،

بالتفاؤل والعمل الجيد .. ودعوات وهتافات المشجعين .. سنحصد كل الكؤؤس بإذن الله .. ما نريده الآن هو نبذ العنصرية .. وتفهم أن كل من يلعب من أنديتنا أفريقياً أو عربياً فهو يلعب باسم السودان .. ويتوجب على الجميع مساندته .. فلا يخيفنا الاهلي ولا الاسماعيلي في البطولتين .. فهذا جيل هيثم مصطفي والعجب يعني (سيدا و سيدو)

لنرتقي لمستوى الأحداث .. فالفائز الأول والخاسر الأول هو الشعب السوداني المحب لهذه اللعبة ،،

[مدنيّة]

واحد معانا في الشغل قال المفروض اللي بتهزم من المجموعة الاولي ( اللي فيها الهلال ) مفروض انه ينزل للمجموعة التانية

ربنا يوفق الهلال والمريخ لمواصلة النهضة الرياضية المشهودة هذه الايام

[demyate]

على قدر أهل العزم تأتي العزائم

وتأتي على قدر الكرام المكارم

وتعظم في عين الصغير صغارها

وتصغر في عين العظيم العظائم

يكلف سيف الدولة الجيش همه

وقد عجزت عنه الجيوش الخضارم

ويطلب عند الناس ما عند نفسه

وذلك مــا لا تدعيه الضراغم

هل الحدث الحمراء تعرف لونها

وتعلم أي الســـاقين الغمائم

طريدة دهر ساقها فرددتهـــا

على الدين بالخطى والدهر راغم

وقفت وما في الموت شك لواقف

كأنك في جفن الردى وهو نائم

تمر بك الأبطال كلمى هزيمة

ووجهك وضاح وثغرك باسم

تجاوزت مقدار الشجاعة والنهى

إلى قول قوم أنت بالغيب عالم

ضممت جناحيهم على القلب ضمة

تموت الخوافي تحتهـا والقوادم



نتمنى ان تكون انديتنا على قدر التحدى ونتفاءل ولو قليل

[محمد مصطفي]

طيب انا داير اقول حاجه صغيره لي النزير ومعتز ودمدني

انو وبزات انت ةيا معتز انو الهلال ده لو انغلب ما بقولو مشجعي الهلال انغلب او فريق الهلال لا بقولو الهلال السوداني عشان كده انا بشوف انو لو وقفنا معاهم بكون اخير

اخير من نقعد نشمت ولا الري شنو


ودمتم بود ،،،،،

[مدنيّة]

طيب انا داير اقول حاجه صغيره لي النزير ومعتز ودمدني

انو وبزات انت ةيا معتز انو الهلال ده لو انغلب ما بقولو مشجعي الهلال انغلب او فريق الهلال لا بقولو الهلال السوداني عشان كده انا بشوف انو لو وقفنا معاهم بكون اخير

اخير من نقعد نشمت ولا الري شنو


ودمتم بود ،،،،،

صح كبك
كلنا سودانين في حالة التمثيل الخارجي

[روبش]

وكلنا اهلاويه أو اتحادويه أو اي فريق داخل مدني في حالة التمثيل الداخلي

[النزير محمد شريف]

اخوتي هوي سلام كتير ومحبه معاهو
السودان بلدنا ومنو البقدر ابقي سواه
برحونا بفديه وبرضو ما بنلقي جزاءه
لكن في الكوره الناس بداعب كل زول بهواه

هلال مريخ بالجد اسطوره حلوه شديد
انشاء الله كل واحد منهم يبقي صنديد
عشان البلد تسعد وتصبح ايامنا عيد

خرمجه

كبك ومدنيه احبائي

انت عارفين لو واحد مريخابي قال ليك قلبي كلو مع الهلال وبتمني ان ربنا يوفقه ويشيل الكاس يبقي .........

والعكس كمان يودي نفس الدور في الرصيف الاخر


مع مودتي

[معتزودمدنى]

طيب انا داير اقول حاجه صغيره لي النزير ومعتز ودمدني

انو وبزات انت ةيا معتز انو الهلال ده لو انغلب ما بقولو مشجعي الهلال انغلب او فريق الهلال لا بقولو الهلال السوداني عشان كده انا بشوف انو لو وقفنا معاهم بكون اخير

اخير من نقعد نشمت ولا الري شنو


ودمتم بود ،،،،،

حبيبنا كبك
كلامى كان من باب العككنة ليس إلا
ويشهد الله انى بشجع الهلال فى البطولات الخارجية من كل قلبى.
لكن بينى وبينك كان اتغلب حنسككم. ودا برضو من باب العكننة وليس شماتة لانو الهلال فى النهاية بيمثل الكرة السودانية زى ما انت قلت.
(بس اهم حاجة ترباس ما يمشى مع الهلال اى مباراه خارجية عشان مايمشى يغسل ايدو ويجى يلقاها خمسة).
اللهم وفق الهلال فى دورى مجموعات الاندية الابطال.
اللهم وفق الزعيم وجالب الفرح فى دورى مجموعات الكونفدرالية.
اللهم وفق المنتخب الوطنى فى تصفيات امم غانا.
اللهم وفق اندية مدنى فى الممتاز الاهلى والاتحاد والجزيرة.
ولك كل الود
اخوك معتز

[محمد مصطفي]

يا النزير هو كلامك ده الحاصل لكن ما مفروض احصل يعني لمن فرق من السودان لاعب بره نقيف معاهو وقفه صاح

ده المفروض احصل



حبيبنا معتز ما تخاف ترباس ما ماشي معانا الدوره دي ماشي معانا محمد الامين
ههههههههههههههههههههههههههه


ودمتم بود يا غالين ،،،،،،،،،،،،

[النزير محمد شريف]

كبك اخوي

سلام من قلب يهوي الوطن


اكيد والله هي الحقيقه المره المذاق ولكن !!!

كما ذكرت لابد ان يتغير هذا الفهم وانشاء الله كلنا منتصرين


مداعبه

ترباس لو ما ذهب ومشي ابو اللمين بترجعوا بالخمسات او الاربعات وذلك اضعف الاحتمالا ت
ود اللمين ما بغني خمسه سنين واربعه سنين

هههههههههههههههه



مع مودتي

[محمد مصطفي]

هههههههههههههههههههههههههههههه


مشكور اخي النزير