ممنوع دخول النساء

[شبارقة]

يا جماعة .. أصلي ا فكّرت أعمل دراسات عليا في حب المرأة للشمار،،،

وقلت أعمل بوست بعنوان (ممنوع دخول النساء) عشان أعرف مدى حب المرأة للشمار ..

حتى لو ما علّقتو على البوست يا (النواعم ) حنعرف عدد الداخلين على هذا البوست ،،،

ويلا نشوف!!

[نور عبدالله]

انا فزت بالمركز الاول .ههههههههههه

[ريموز]

المراه تحب الشمار ما اختلفنا دى فيها بس حب من لى حب يفرق
اول حاجه انت منزل الموضوع فى قسم المراه
تانى شى العنوان مستفز كيف يعنى تجى فى عقر دارهم وتقول ليهم ما تدخلو
بس انا لما دخلت عشان اعرف شنو الممنوع على النساء انهم يدخلو
يعنى بنحب نستفيد لما ندخل ونتشمر

[الطويل]

يا جماعة .. أصلي ا فكّرت أعمل دراسات عليا في حب المرأة للشمار،،،

وقلت أعمل بوست بعنوان (ممنوع دخول النساء) عشان أعرف مدى حب المرأة للشمار ..

حتى لو ما علّقتو على البوست يا (النواعم ) حنعرف عدد الداخلين على هذا البوست ،،،

ويلا نشوف!!

هن كم ؟

[نهارك سعيد]

انا اشكر الاخ شبارقة علي هذا الموضوع الهام جدا
ولك التحية مني نهارك سعيد

[شبرقية]

جاينا فييييييييييييي نص بيتنا
وتقول ماتخشوا
بنخش
وشمشارين
وبنحب الشمشرة

انت عندك حل

[hibbo]

هههههههههههههههههههههههههههههههههههههههههههههههههه هههههههههههههههههههههههههههههههههه
والله عرفته ليهم يا شبارقه

[غيداء نورالدين]

وانا معاك ياشبرقية

[جيفارا]

شبارقة يا رهيبوالتحية لصاحبة المركز الأول


صورة مقلوبة لازم نعدلهــــــــــــــــــــــــا



الشمار ما نوع من أنواع البهار بالنسبة للنساء والنساء يعتبروه ضروري في المطبخ

[شبارقة]

ستة وأربعين واحد تاوق في البوست الى الآن ، ما عارفين عد د النسوان كم .. لكن خلونا نحسبها بانصاف
فالنفترض انو التاوقو ومشو نصهم رجال ، يعني الباقي أربعين مره ..

40 إمرأة + نور عبدالله + بت أهلي شبرقية + ريموز (انشاء الله ما أكون غلطان، واختلف علي الاختساس)+غيداء نور الدين يعني المجموع = 44 إمرأة تحب الشمار والباقي رجال!!

[ابن الجزيره]

وما أحلــــــــــــــــــــــــي الشمار...................بس في الفول.

[بدرينا]

شبارقة موضوعك حلو جداً..
لكن شيرقية دي زعلانة كدا مالا..

[محمودأحمد]

وانا معاك ياشبرقية

نعمل شنو نحن ذاتو دقسنا وخشينا وقلنا الشمار شنو ؟
بالمناسبة الزول دا البوست بتاعوا مستفز شديد واي زول بقراه يعني حيخش حيخش

[hibbo]

هههههههههههههههه
شبرقيه غلبتها
هدي اللعب شويه

[abdo_alrhman]

لوكان الحب جريمه فانا اول مجرم فى العالم

[ترنيمه حزن]

والله دي مشكله قال البيت بيت بيت ابونا ويجي الغرب يطرودونا ....
جنس حاااااااااااااااااااااااله غايتو ,,,, وبعدين هو اسموا نواعم وفي خواشن لييييييييييييييه؟؟؟!!!!!!

[عاشق ابوالسيد]

هههههههههههههه
فكره جامده جبتها ليهن في دارهن لكن هن غير الشمارت ما بيقدرن اعيشن
يدك العافيه

[hibbo]

والله الا يقللو الشمار في الاكل

[زيزي]

يسلموو على الموضووع والله يديك العافيه
زيزي

[هنا مدني]

أقترح للنواعم يعملوا جواز سفر خاص يمنع دخول بعض الرجال زي أخونا لمنتداكم

وياشبارقة اظنك فكرتا تحطم الرقم القياسي في عدد الزيارات والتعليقات وختيت الموضوع دا
بيني وبينك الكلام دا صاح

[هنا مدني]

والله دي مشكله قال البيت بيت بيت ابونا ويجي الغرب يطرودونا ....
جنس حاااااااااااااااااااااااله غايتو ,,,, وبعدين هو اسموا نواعم وفي خواشن لييييييييييييييه؟؟؟!!!!!!

لوكان في منتدى للخواشن كان مشوا ليه
ولكن والله المستعان طلعتوا تقولوا مظلومات مظلومات لحدي ما شلتو الجمل بما حمل

[مصباحيه]

لى شمار وما تقول عايزين نعرفكم اكثر ونوثق علاقاتنا انتو الشمار الكتلكم ودخلتوا حسى الرجال اكثر من النسوان وبعدين دا كلوا حقنا نحن كيف تدخل بيتنا وتقول لينا ما بدخلوا بتجى دى
اها يا جداد الحله الطرد جداد البيت

[شبارقة]

يا للنواعم !!

أمركنّ يا بنات حواء أغرب من أمر (ستونة) ست البليلة !!

حب الشمار جننكم ..
الشمار .. الشمار .. الشمار
عادة الممنوع مرغوب ، والمرغوب ممنوع !!
لا تعتقدن يا النواعم أن الرجال أقل منكنّ حباً للشمار!!
أبداً ...
الكل يعشقه .. الكل بلا استثناء ...
نومن قفا...
ودعتكم الله

[شمس الامل]

اول ما قريت الموضوع بديت انتقد فيك كنت حانبهك وانبه اولاد آدم على انو اذا عملوا بوست (ممنوع دخول الرجال) لكنت انت اول واحد دخلت بس لقيتك اعترفت بالحاجة دي
مشكووووووووووووووور

[moh_alnour]

والله أنا أذا كنت المشرف على دراستك دي حاديك على طول درجة Bhd بدرجة أمتياز مع مرتبة الشرف الخاصة جدا لأنك أثبت للبنات أنو الزمن دا الأولاد بهتمو بالشمار أكتر من البنات ، ولا أقول ليك والله أنت تستاهل درجة الأستاذية في بحثك دا . وماتزعل يابروفيسور شبارقة