مدخل أول :
تعبان يا شعبي ومتحمل
بطش السفاح المسترجل
الشايف الفيل وطعن في الضل
فالح في الضل الليلو نزل
فاكر بهلاك شعبي بيرجل
أو امكن شاف في نفسه بطل
لملم لجيوشه وبيها وصل
للأرض الطيبة وعنوة دخل
ينهب خيراتا سريع ويصل
للمجد الضايع منو وضل
هو أصلو إعتاد دايما يدخل
بالقوة دوام بطشه بينزل
من زمن الهندي الأحمر داك
الضاعت سيرته بدون تكمل
واصبح تايه مفقود الأصل
والشعب الطيب مستحمل
موعود بالفرج المستهبل
بس لينا إله جبار يمهل
للظالم أبداً ما بيهمل
مدخل ثاني :
يا ليل العزاب والهم
ويا الظلم اللئيم والغم
ويا السفاح أقيف ألزم
حدودك لم كلابك لم
ويا الدمر بلادنا هدم
ويا الخوف السكن والصم
ويا لسان الشتات والنم
ده الشتت ولاد العم
وفي غرب البلاد لملم
جيوش لي شعبي كان أظلم
ويا الفرقة الأبت تتلم
ويا الفقر العنيد وأصم
ويا الجوع والمرض والسم
ويا الخير الوقف وقسم
محال يدخل بيوتنا يعم
ويا الحال الببكي بدم
ويا دموع الكذب والخم
أقيفوا بعيد عشان نسلم
كفاية عزاب بلد مهدم
اساسه متين بدور يتلم
نمد إيدينا ليه نلم
عليكم الله سيبو يتم
رد مع اقتباس
المشاركة الأصلية كتبت بواسطة ابوالنور
المفضلات