عن..مدنيه انا بحكى لكم

[نزار حسن محمد]

الاحباب ...
هل تعرفون مشرفتنا مدنيه ...هل شاهدتم مشرفتنا مدنيه ..تعجز الحروف والكلمات عن وصف هذا الانسانه والتى افتخر بانها من ام المدائن ودمدنى فهى كالبلسم الشافى التقيتا بها..فى زيارتى الاخيره للوطن ..فاكنت هى الوطن..مدنيه
اختارة اسم مدنيه لانها تعشق هذا الاسم ..واقول لها
سموك مدنيه فارسه تشد الحيل*** سموك مدنيه فارسه تصد الخيل
سموك مدنيه فارسه تعد الكيل*** سموك مدنيه صايمه تقيم الليل
سموك مدنيه بتغير بهجعة ليل*** قاهره والله وللعاصى باقىه نكير
احبتى فى حضرة مدنيه ...بمكتبها جلست معها ...لااخفى عليكم سرا
عند مقابلتى لى اى عضو اتصور له صوره فى خيالى ..وهنا تاتى متعت
اللقاء ...عند مقابلتى لمدنيه ...وجدته نفسى وجها لوجه شبها وطباعا
التقى شقيقتى بنت امى وابى دكتوره نهله ...وللحديث بقيه

[بورتبيل]

بالله عليك هي مدنية دكتورة

ما شاء الله عيني باردة .. وربنا يزيد ويبارك

[رضا حسن محمد]

بالله سمحة للدرجة دى
جيت ليها والله
كدى نشوفا فى الاجازة دى

[صلاح ودالطاهر]

بالله عليك هي مدنية دكتورة

ما شاء الله عيني باردة .. وربنا يزيد ويبارك

مشاققه
هوووووووووووووووووي يابرتبيل المطرطش ا فهم الكلام ولا الكرسي مسخن بيك وهو قال ليك نهله اختي !!!!!!!!!!!!!!!!!!!
كدي يودحسن مدنية كلامها براه دي مابت عبدالسلام الرجل الهمام اخوانا معتصم وحمدالنيل رجالاً يسد الشمس كان لكرم اسكت ساااااااااااااااااااااااااااااااااااااااااااي وكان للعلم اسكت ساااااااااااااااي ما شاء الله عليهم وربنا يحفظهم ودي ما ناس الحوبه اخيها حمدالنيل زميلي بالدراسه هذا الرجل تختو في الجرح يبره
وانا اقول ليك ..............................................
طرق يا لسان القول سمع القاعدين
قولا مافشر شعراً رصين ورزين<O
قولا فوق مدنية تملا وتكيل العين<O
مدنية يحفظك الله قولي امين <O
..........................................<O
انت مابنت ناساً عزاز اهل خيول وقرايه<O
وقالو العز اهل والعز نحاس وسعايه<O
ابواتيك قبيل اصحاب فهم ودرايه<O
وفي دنيا العلم نالوا الشرف والرايه
مشاققه
اه انشاء الله شربت شاي لبن نص النهار<O

[Bet-alsudan]

ما شاء الله .. الله اكبر ما يحسدووك يا مدنية .... الله يحفظك

[غيداء نورالدين]

الله اكبر يامدنية ماشاء الله عليك........يحفظك الرحمن من كل حسد
آآمـــــــــيـــــــــــــــــن..يارب العالمين

[الفارس البنفسجي]

مدنية هي بت جيرانا
تسكن معي في ذات الحي
ولا يبعد بيتنا عن بيتهم سوى خطوات

أعرفها حسبها ونسبها

فهي أصيلة من أسرة أصيلة
وما فعلته مع ود حسن
ليس غريب على أصالتها

[Jamal Elmahi]

مدنيّه..مدنيّه ... وما أدراك ما مدنيّه
لمّا تشوفا تقبض فرامل وتلف صينيّه
ريقك ينشف وتقعد تفتش للزمزميّه
يغلبك الكلام زي البتحل في غلوتيّه

عند مدنيّه يقف الكلام ...ويقطع الارسال إششششششششش....ونبقي جميعاَ خارج الشبكه ...
مدنيّه أقل ما يقال عنها ...إنها مدني تمشي علي رجلين ...
كان للطيبه يمين مكملاها ..وكان للاصاله علي الطلاق كاسياها من راسا لي أخمس قدميها...
وكان للادب والحياء طوالي تتذكر سيرة الصحابيات ...ولاّ يجرّك شيطان حقيبة الفن وتقعد تترنم ...
من حور الجنان هل أنتا إنسان الكمال
أم أنتا ملاك جيت توري الناس الجمال
كان لي الشرف بالتعرف علي مدنيّه وسط أسرتها الصغيره ..زوجها ومدنيتين صغار ...
وعند عودتي قلته أقول كلمتين في حق الملاك مدنيّه فغلبني وقلته أكتفي ب ..الصمت في حرم الجمال جمال ...لكن العرق دسّاس وكلام أهلي الغبش حرقني ووقف لي في حلقي ...القحّه ولا صمة الخشم ...فقلته أقح حاجه في مدنيه ...لكن حتي القحّه غلبتني برضو ...ودي شوية عشراقه ما قدرتا أحبسا ...أو عشراقه لزوم تطريق الصوت لاقول وما يليق بست الحسن والعفاف الاصيله مدنيّه ...لها ولاسرتها الكريمه كل الود والتقدير والمحبه ...

مشاققه...
ود حسن ليك وحشه وحمدلله علي السلامه ...البضوق شاي مدنيّه نصت نهار برجع ليها تاني...زي مياه توتيل ...بختك بشوفة البلد ومدني ومدنيّه ...وبصراحه البلد كوم ومدنيّه براها كوم ...وياريت كل أخواتنا زي مدنيّه ...

ود الماحي

[Bet-alsudan]

وينك يا مدنية عشان تشوفي شنو حكو عنك ... في حفظ الرحمن يا غالــــــــــــيــة

[المكاشفى]

ده بس فوق مدنيه انتو كان كدى ماعارفين
حاجه تب مدنيه دى حكايه والكمال لله
انا قابلتها بالتلفون بس لكن اجازتى الجايه
دى بصلها تب ام البنات وست البنات


وهمسه :-
ازعلو خالد هاشم بس من مدنيه من زارتو ترب قام شديد
هى بلسم جراحات المنتدى وهى عيييييييييييييييييييييييك
مابتتوصف.

[مختار بازى]

مــــــــــــــــــــــدنية مـــــــــــــــــــــــــــــــــــــــدنية مــــــــــــــــــــدنية

[المكاشفى]

مــــــــــــــــــــــدنية مـــــــــــــــــــــــــــــــــــــــدنية مــــــــــــــــــــدنية

تيت تيت مدنيه حديد
تيت تيت مدنيه حديد
تيت تيت مدنيه حديد

تيت تيت مدنيه حديد

[Bet-alsudan]

يا مدنية الحكاية شنو ... ههههههه بخري نفسك وحصني نفسك كلو ولا العين والحسد .. ماشاء الله تبارك الرحمن

[نزار حسن محمد]

الاحباب ..جيتكم.. راجع عشان نواصل مع مشرفتنا.. مدنيه...
طيب ذى ماقلت لكم..عند.. لقاء..اعضاء المنتدى تتكسر الحواجز سريعا وتشعر بانك تجلس مع انسان تعرفه من زمن طويل .. المهم جلسنا ومن غير مقدمات وجدنا انفسنا نتسابق فى احاديث مختلفه وانا مشغول معها بالحديث اذا بالباب يفتح ويدخل احد العاملين لدى اخوتنا مدنيه وهو يحمل تلك الصينيه السودانيه ويضعها امامى وكان وقت.. فطور .. لم اتوقع ما اشاهده امام عينى وسوف اوصف لكم ماتحتوى تلك الصينيه اولا صحن ..لحمـــه محمره.. صحن ..كبده ..صحن..دجاج بروست..صحن..سلطه خضراء ..صحن فول ..صحن طعميه ...صحن جبنه .. شطه بالدكوه..صحن به طحنيه وذبده... طبعا اول تعليق قلت لى مدنيه ده شنوا يامدنيه قالت لى دى حاجه بسيطه يانزار ..طوالى اتذكرت البوست بتاع انتو يالمغتربين قالت ليها يامدنيه طيب انتى عايز تغتربى لى شنوا ...اذا كان ده فطوركم ..ابتسمت وقالت لى حراق روح يانزار..والاكل متوفر لكن الكتحه دى نعمل معها شنوا...وقطع الكهرباء نسوى ليها شنوا وعشان تانى ماتقول مدنيه جابت لى شاى لبن نص النهار ...طبعا ياخوانا مدنيه لاتختلف فى كتابتها عن شخصيتها الواقعيه الا قى شى واحد الجميع ينادون مدنيه بى خالتى وحبوبتى وهى برغم انها لديها عروستين ولكن صغيره جدا فى السن وكبيره جدا..جدا فى الوعى ..يحفظك لينا الله يامشرفتنا التى نفتخر بها كثيرا ...وباقى الشمارات فى الحلقه القادمه....

[zoolfrda]

ماشاء الله

ماشاء الله

ماشاء الله

ماشاء الله

ماشاء الله

[مح السنى مد]

ياجماعه راعو لى مشاعرنا شويه شوقتونا نشوف البنيه دى

[Bet-alsudan]

خلاااص بعد ده لازم نشوفك يا مدنية .. ما معقول هههههه

[رضا حسن محمد]

صعيب وصفك لانك هاله كلك ضى

[abu_ola]

بسم الله ما شاء الله
بسم الله ما شاء الله
بسم الله ما شاء الله
بسم الله ما شاء الله

اللهم أحفظها من كل عين و من كل حاسد و من كل شيطان يا رب العاليمن

اللهم احفظ اختنا مددنية و أدم عليها ثوب الإيمان و العفاف و الكرم

[الشريف الهندي]

دائما نجد كل الذوق والادب بتخفى وراء الاريحية والصدق في المشاعر
هي كذلك دون ان نراها ... وشكرا لهذا المكان الذي يسعى كل يوم .. كل يوم
ليكشف كل الحجب عن من هم مثل مدنيه .... شكرا ليك كل بهائك هذا يامدنيه
وماشاء الله ...
ألف حمدا لله على السلامه ياود حسن الف حمدا لله على السلامه
ومازلنا ننتظر الباقي ... فالجلوس في مثل هذه الحضرات يطول

[المكاشفى]

ياجماعه راعو لى مشاعرنا شويه شوقتونا نشوف البنيه دى

يامدوون انا قررت ابقى ليك
سكرتير خاص واى زول عايز يقابل
مدنيه يضرب لى انسق ليه مواعيد
تلفونى صفر صفرين تلاته اصفار دامه شيريه

[بورتبيل]

حقيقةً يا مدنية قالوا الما بعرفك بجهلك

ولكم تشوقت للقائكم..

[zukibush]

ماعارفة اقول اختى صديقتى كل النعوت شوية
الله اكبر عليك والله انا واكيد بنات المنتدى فخورين بيك ورفعتى راسنا غاليتنا مدنيه
ربنا يخليك لينا يارب

[جيفارا]

كيف يقولوا اهلنا الله لا يجيب يوم شكرك .

[السلامى]

والله ياود حسن من ما حكيت لى بفطور مدنيه بالتلفون عرفتك ماحتمشى معانا لفول كشك