عيادة لكن مجانية ...!!!
والله ياجماعة عندي فكرة ياريت تدوني رايكم فيها شنو؟
ليه مايكون عندنا في المنتدى قسم خاص بالطب وليكن مثلاً اسمو (عيادة المنتدى) ويكون تحت مسئولية ذوي الإختصاص من الدكاتره في المجال ده , يطرح فيهو الأعضاء الأسئلة عن مثلا بعض المشاكل الصحية وبعض الإستفسارات ويقوم الدكاترة المسئولين عن القسم بالإجابة عن الإستفسارات وماشرط كل يوم ممكن تجمع الأسئلة ويتم الإجابة عليها في يوم محدد أسبوعياً وربما يكون من الأعضاء المعانا في دكاترة أو طلاب كلية الطب فيستفيدو من المواضيع دي وفي نفس الوكت الدكاترة يدونا توجيهات وإرشادات ونصائح عن بعض الأمراض الخطيرة مثلاً كالسرطانات والايدز وما إلى ذلك حمانا الله وإياكم ويكون في توعية مستمرة من قبلهم بطرح نشرات وصور للأمراض الخطيرة في قسم العيادة وعشان الناس تكون في حالة توعية دائمة لأنو أنا شايف في المنتدى هنا الجانب الطبي يكاد يكون مهمل بالرغم إنو مهم كتوعية
وياريت نشوف رأي الأعضاء والسادة إدارة المنتدى
ولكم فائق الإحترام والتقدير
رد مع اقتباس
المشاركة الأصلية كتبت بواسطة السفير
المفضلات