اكيد بجيـــك

[كف المطر]

احترت فيك
وبسأل عليك
ومستني غيمة تمر عليك
برسل مراسل شوقي ليك

واحترت فيك
كل الحروف كتبت اسم من غير رسم
لما المداد طلب الذوات
حتى القليب حِس بسمتك , بقي ليهو زاد

احترت قيك
زي القمر بدر فى يوم
او النجوم غاشيها نوم
حتى الزهر ترك الندي وقرر يصوم

تلقيني فرحان يا مناي
من الحصل
وكيف القلب بقي روحو فيك

احترت فيك

زى رضعة فى كف الصغير
عطشان يرطب حلقو فيك
او لحظة من صمت الكلام
او نظرة لو نظرة خجل
محجوبة بادب الوقار
او كلمة من قاموس عتاب انا راضى بيك

احترت قيك
قلبى اتنحل من يوم شعر بحبو ليك
وعيونى شافت كمال عبر الاثير
احترت فيك وبسال عليك واكيد بجيك
برسمة في جدران فؤاد
بلمحة من عشق السنين
اكيد بجيك ومعاي مراكب شوقي ليك
اكيد بجيك ومعاي مراكب شوقي ليك ...

[سواااح]

كف المطر ..

اكيد تعال وتعال
ومعانا مراكب الشوق
نمد ضوء الشمس رسول
ونرمي عذابات السنين الفاتت
الفاتت وضاعت .. حزن .. ووهم .. وحسرة ..

[تسنيم خالد]

كف المطر
كما عودتنا وبعد طول الغيبة اتيت لاري اكفك تحمل معني الكلمات والشفافية في القول
ويديك العافية
بعد غبت دة كلو جيت لقيتك كنت غايب شكلك ما لقيت مشاركات كتيرة مع اني كنت حريصة اقراها



يديك الف عافية

[كف المطر]

سوااح
لك عابق الود على ما اتحفت من حروف رشرشت اريج

[كف المطر]

تسنيم

لم يكن غياب بقدر ما هو انشغال , يبهرني اسمك حين اجده
فنادراً من نجد الشهد وسط العسل ودي الخالص فى الانتظار