والله ما عندي اااااااي موضوع وقلت الليلة بس اعمل البوست ده عشان تاني كلما احس اني ما عندي موضوع وزهجان اخش هنا افكها في روحي بدل امش اخش بوستات الناس واعمل ليهم نفسيات .. لا لا ما تقولوا عندي نفسيات لكن مش مرات كده الواحد بكون حاس انو راسو فااضي وما عندو مزاج يعمل شي ؟؟؟ وانا عااارف انو الناس الذيي كتااار بالذااات اخواني المغتربين الواحد فيهم بكون ما نايم كويس او جا الشغل من الصباح قفلت معاهو وبكون مزاجو معكر .. يعني هو زول طبيعي بس في اللحظة دي ممكن تقول النفسيات قااايمة عليهو ومتضايق .. خلاص اااي زول متضايق يخش هنا ويبري في روحو بدل ما يمش يبري باقي الاعضاء ويجيب ليهم هم زاتهم نفسيات تطفشهم من المنتدي .. اااااااي ممكن تقول ده ركن النفساويات اها قلتو شنو ؟؟ اي زول عندو هترشة والا خرمجة يجي يفكها هنا ما يمش يملا بيها المنتدي .. اخير نلمها هنا والبوست ده نكلم المشرف يعمل عليهو Block لغير الاعضاء عشان ما يشوفو حرمجتنا وبكده المتصفح ما يشوف فضايحنا ..
واي زول عندو قضية مع زول يجي يفكها هنا .. وهس انا مختار بازي ده عندي معاهو قضية .. زعلااان منو عشان ما جا ورانا شمارو .. وشايفو حايم في المنتدي. اخونا ود المطامير عاوزين نبارك ليهو هو زااتو وما لامين فيهو .. ااي باركنا ليهو في بوستين كده لكن قالو سمح الكلام من خشم سيدو .. والا شنو
رد مع اقتباس
كلها ايام صبرتة الكثير باقي القليل وان شاء الله لما صل بالسلامة بفتو ليك كلو اها كدا كيف
المشاركة الأصلية كتبت بواسطة انيس التوم
المفضلات