منو القال ..

[مازن الجمّال]

منو القال للسحاب إتلم

واهطل يا مطر ألوان

وأروي سهول غشاها عطش

واسقى غصون شجرة البان

شجرة البان دي أصل الخير

جزورا عميقة في الوديان

وكلها حب ولامة كمان

حواليها الزهور بحنان

حنان امي حنان مليان

وقلبها بالفرح رويان

شجرة البان دي ما امي

ومشتاق ليها يا انسان

والاشواق بسوقا سحاب

وتهطل بالدموع في البان

وأخواني الصغار ازهار

مشبعة بي نداها حنان

بجيك يا يمة اصبري لي

بجيك اشبِع قليبي امان



يتبع ..

[مازن الجمّال]

منو القال للشمس تطلع

تغازل بي خيوتا زهور

تمد النور عشان يوصل

يغطي سهول ويدفي بحور

شمس ما حارة حراقة

شمس دفاية مشتاقة

وحبها للجميع مجهور

شمس بالخير تنادييلنا

ووصفها بالجمال زي حور

وحور من جنة ضواية

بتلمع في ضلام مسحور

شمس تبعد ضلام الليل

وتنصر كل حزين مجبور



يتبع ..

[هشام السماني إبراهيم]

ياسلام عليك

في انتظار الباقي

لك تحياتي

[كاظم]

تحياتي يا مازن .. هذه الكلمات نتداولها بشكل يومي ولكن اذا طلب منا ان نرتبها هذا الترتيب الانيق لنخرجها في قالب شعري لن نستطيع ذلك .. هذه الاحرف يصفها ويرتبها بهذا الجمال من أحسها فقط .. البساطة في التناول دونما تعقيد او تجريد أضفي على هذا النص عذوبة ورقة وصدق نفتقده جدا ..
شكرا يا جميل
أبقى واصل

[مازن الجمّال]

ياسلام عليك

في انتظار الباقي

لك تحياتي

العزيز دووم

ما في اجمل من التمعن في الحاجات الجميلة


كن بخير دوما

[مازن الجمّال]

تحياتي يا مازن .. هذه الكلمات نتداولها بشكل يومي ولكن اذا طلب منا ان نرتبها هذا الترتيب الانيق لنخرجها في قالب شعري لن نستطيع ذلك .. هذه الاحرف يصفها ويرتبها بهذا الجمال من أحسها فقط .. البساطة في التناول دونما تعقيد او تجريد أضفي على هذا النص عذوبة ورقة وصدق نفتقده جدا ..
شكرا يا جميل
أبقى واصل

كاظم الزعيم
وجودك معاي في البوست زاد الجمال حلاوة

خليك قريب دايما
كل المودة والحب

[مازن الجمّال]

منو القال للدموع تنزل

تبل وجه الفرح احزان

وتعصر في القليب اهات

بتطلع حارة من وجدان

ما دموع الفرح حلوة

وطعمها بالسعادة أمان

واما طعم دموع الحزن

مرة ومالحة من الكان

لكن في النهاية دموع

وكلها للقلب سيان


يتبع ..