الفايده شششششششششششششنو

[الريانه]

السلام عليكم اول شى شكرا ليك للمرور ولو ماحاتعمل بالكلام دة يلا بسرعه شوف موضوع تانى وماتكمل بصراحه فيه شى لاحظته وقلت انبه ليه وهو الردود البنكتبه فى المواضيع يعنى مثلا (موضوع جميل ومشكور ) الواحد لما يكتب عاوز رد تشاركه فى الراى اما بالاختلاف او الاتفاق يعنى انا بقرأ الموضوع بس لما اقرأ المشاركات بحس بى ملل سريع يعنى زى القاعد فى مقابله رسميه وبتضحك ه ه ه ه حقوا ياناس شويه ندى كاتب الموضوع حقه ومانحسسه بمرورنا وبس لانحسسه انو مرينا وقعدنا وشربنا معاه جبنه وشاى (بس ماكل يوم عشان ماتقدوا جيبه)واديناه راى وناقشناه وله شنو؟؟؟؟؟

[abuwaad2]

يطول عمرك الريانة
حقيقة كلامك سليم 100% ربنا يجزيك خير لأن فعلاً لابد من أعطاء كل ذي حقه
لشئ بسيط وهو تشجيعة ودفعه للإبداع وأخراج المزيد من ما يخفي في حناياه
عموماً أنا ودي أشارك ببعض الأشياء ولكن لا أعرف ما هي الطريقة لكتابة المواضيع وأي صفحة أختار إذا لديك فكرة أن تمديني بهاعلى abuahmed_20062007@hotmail.com

[عثمان جلالة]

الريانة ... لك التحية

هو دا المعني الحقيقي للمنتديات الرأي والرأي الآخر ... واختلاف وجهات النظر وزي ما عارفه اختلاف الرأي لا يفسد للود قضية .. كلامك عين العقل.

[معتز الريح]

ده الكلام الغلبنا نقولو ..
منطقك سليم 100%
وفعلاً الماعندو مشاركة وما عندو فكرة مناقشة
حقو ما يتداخل في الموضوع ..
برافو

[صديق بلال]

وأنا أؤيدكم جميعا..... فياليت البقية يركزوا على هذه اللفتة الطيبة...

[مختار بازى]

الريانة ... لك التحية

هو دا المعني الحقيقي للمنتديات الرأي والرأي الآخر ... واختلاف وجهات النظر وزي ما عارفه اختلاف الرأي لا يفسد للود قضية .. كلامك عين العقل.

لو ما في الراي والراي الآخر يبقي دي المجاملة القاناها ذااااااااااااااتا مع انك انتة ما مجبور علي رايك حاجة بمحد ارادتك
تسلمو والله وما عدمناكم والي الامام باذن الله

[معتز الريح]

هاك الرابط ده كمان ..
http://wadmadani.com/vb/showthread.php?t=18102

[عوض الكواكب]

السلام عليكم اول شى شكرا ليك للمرور ولو ماحاتعمل بالكلام دة يلا بسرعه شوف موضوع تانى وماتكمل بصراحه فيه شى لاحظته وقلت انبه ليه وهو الردود البنكتبه فى المواضيع يعنى مثلا (موضوع جميل ومشكور ) الواحد لما يكتب عاوز رد تشاركه فى الراى اما بالاختلاف او الاتفاق يعنى انا بقرأ الموضوع بس لما اقرأ المشاركات بحس بى ملل سريع يعنى زى القاعد فى مقابله رسميه وبتضحك ه ه ه ه حقوا ياناس شويه ندى كاتب الموضوع حقه ومانحسسه بمرورنا وبس لانحسسه انو مرينا وقعدنا وشربنا معاه جبنه وشاى (بس ماكل يوم عشان ماتقدوا جيبه)واديناه راى وناقشناه وله شنو؟؟؟؟؟

المنتدى لو ما كان فيه ردود من الشاركين لكل المواضيع حسب وجهات النظر وان اختلفت وتقييم للموضوع ما بشد الواحد عشان يدخل المنتدي تاني ومن الردود والاقتباسات اكيييد تلخيص الموضوع من قبل المشرفين بكون غاية الروعة

[الريانه]

ياجلاله مرورك سرانى جدا والاتفاق والاختلاف ده زاتو المطلوب عشان الناس تتناقش وتطلع بى حاجات جديده

[الريانه]

يامعتز كونك تمر وتدى رايك دى شهاده اعتز بيها لانى متابعه الملاحظات وتايدك لى باكد انى ماقسيت عليكم وشكرا ياصاحب الكيبورت الجرئ

[الريانه]

مرحب بيك صديق جلال وانشاء الله المنتدى يرحب بيك ومنتظرين همتك معانا فى المنتدى وكونك عضو جديد زينا ماتنقطع ونشوف حروفك عما قريب

[الريانه]

ده رايك يابازى بصراحه كده؟؟؟؟؟؟؟؟؟؟؟

[الريانه]

ياعوض خلى المشرفين فى سهرم ومتابعتم اكان ماهم ماكان منتدى ود مدنى المفروض انحنا نساعدم وله شنو؟؟؟؟

[مختار بازى]

ده رايك يابازى بصراحه كده؟؟؟؟؟؟؟؟؟؟؟

اكيد في شك ؟؟
فلو بقي مافي راي وراي آخر كدا القضايا ما بتنحل والله ولكن بوجودهم اكيد الناس بتصل لي حل لنقل مرضي لكن اخش اجامل واجي طالع لو سالوني قالوا لي القضية دي بترمي لي شنو اتلفت طبعا لا لازم اخش وابدي بي راي من باب فهمي للقضية المناقشة ولا ما كدايا الريانة؟؟

[الريانه]

يابازى ده العاوزين نسمعه وكده ونص وخمسه

[مختار بازى]

يابازى ده العاوزين نسمعه وكده ونص وخمسه

يلا نرمي لي قدام

[مدنيّة]

والله ياريانة ماقلتي الا الحق
وياريت ندي كل موضوع حقه
حتي لو ببضع كلمات

[aluas202]

كلام جميل بس فى مواضيع مرات ما تستاهل الرد عليها ولا حتى تكملة الاطلاع عليها يعنى على حسب الموضوع

[الريانه]

شكرا مدنيه على المرور ومبروك وسام المنتدى

[الريانه]

يا aluas202 لو قريت الموضوع بتمعن كنت انتبه انو فى البدايه قلنا لو ماعجبك الموضوع ماترد ولاتكمل * تانى شى ماتبخس مواضيع زملاك فى المنتدى وتقول مافى موضوع بيستاهل ممكن يكون مره عليك قبل كده لاكن مافى شئ فى الدنيا اسمه مامهم كل ماتلاقى روحك فاضى حاول راجع المواضيع القديمه