السلام عليكم يا ناس المنتدى....في الموضوع دة حبيت اعرف اخبار المناقل وناس المناقل الزمان ....ويا ريت يكون في واحد منكم مشا المناقل قريب.....وبعرف فيها ناس....
يا ربي الناس القدام قاعدين ولا مشوا ورحلوا....جدنا احمد قسم الله والحاج علي قسم الله ...وناس محمد احمد دفع الله ....وما ننسى ناس الهلالي....ولو فيكم زول بعرف ناس كشكوش....كويس وعمنا السنجك بتاع الشيشة....ودراج لسة عندو حصان بلف في السينما ...والاساطير الكانوا بيحكوها الناس زي قصص ابو زيد الهلالي وعنتر بن شداد...ااااااااه يا سلااام كانت ايام....واخونا الصحفي ابو المعالي الزين.....ومصانع البسكويت لسة قاعدة......وخلوة الشيخ احمد في مربع 3 وصوت الطلاب بعد الصبح .....في قراية القران ....
المدارس اخبارها شنو؟؟؟مدرسة الشرقية والغربية والهلالي طبعا الابتدائي....ومدرسة واحد واتنين وتلاتة....المتوسطة....والمناقل الثانوية.....وعمنا الاستاذ النابغة محمد امام(كارلوس)والاستاذ الحاج حسين ....والاستاذ احمد علي الريح مدير البنات.....
واخبار الكورة لسة نادي المريخ زي ما هو والاهلي والموردة.....والمنافسة القوية .....
كان لما يغلب المريخ الاهلي الدنيا كلها تساهر للصباح وتلقى الناس شايلين عبد الحفيظ كابتن المريخ....وخالنا فيصل علي قسم الله زعلان عشان الناس مالين العربية وراكبين مع اللاعبين الى النادي....(شباب انزلوا انا امس مغير للعربية دي ريش....) وتلقى الناس ماشة من دار الرياضة الى النادي (كداري) ويغنوا (فوق فوق مريخنا فوق).....وعمنا الجنيد وعمنا خوجلي صاحب الصوت المميز شغالين.....للعم حلاج.......والمناظر الحلوة والنسوان ذغاريد شديدة.......
والله يا ناس المناظر دي مشتاقين ليها شديد.........
الا ليت تلك الايام تعود ........
رد مع اقتباس
[/]
المشاركة الأصلية كتبت بواسطة السباعي
المفضلات