الطير المهاجر...!
صلاح أحمد ابراهيم
**********************
وحيد في غربته
حيران يكفكف دمعته
حزنان يغالب لوعته
ويتمنى ....بس لعودته
طل بيه الحنين
فاض به الشجن
واقف بردد من زمن
بالله ....بالله
يالطير المهاجر للوطن زمن الخريف
تطير بسراع تطير ما تضيع زمن
اوعك تقيف وتواصل الليل بالصباح
تحت المطر....وسط الرياح
وكان تعب منك جناح...في السرعة زيد
في بلادنا ترتاح
ضل الدليب
أريح سكن
فوت بلاد...وتسيب بلاد
وإن جيت بلاد
وتلقى فيها النيل بيلمع في الضلام
زي سيف مجوهر بالنجوم
تنزل هناك ...وتحي باطير باحترام
وتقول سلام ....وتعيد سلام
على نيل بلادنا.... سلام
وشباب بلادنا ....سلام
ونخيل بلادنا....سلام
بالله ياطير
قبل ماتشرب...تمر على بيت صغير
من بابه
من شباكه بيلمع الف نور
تلقى الحبيبة بتشتغل منديل حرير
لحبيب بعيد...
تقيف لديها وتبوس ايديها
وانقل اليها وفائى ليها
وحبي الاكيد...!!!!
عاشقة الهلال
ِ
رد مع اقتباس
المشاركة الأصلية كتبت بواسطة جلالة
المفضلات