[I][SIZE="4"][COLOR="Blue"]من تسعة سنين كانت احلي ايام عمري والله !!!!!
بناكل في صحن واحد ونشرب من ماسورة واحدة
وياما وياما شفنا اصعب ايام في عمرنا لكن كان ليها طعم فريد في نوعو بالرغم من الصعوبة
الواجهتنا في تلكم الايام ياه ياه ايام ما ظنيت انها تتنسي
ايمام معسكر الخدمة الوطنية
والغريب في الامر قضينا الخدمة الوطنية في مكان واحد في منسقية الخدمة الوطنية بولاية الجزيرة ومن بعدها انتقلنا الي منطقة الجزيرة العسكرية وكنا في المنسقية شغالين في مجال واحد في الشبكة شفتو كيف الايام من هناك فرقتنا هو مشي في وادي وانا مشيت في وادي تانيمن تسعة سنين اخبارنا اتقطع خالص لا هو عارف انا وين ولا انا عارف هو وين والسبب مشاغل الدنيا الكتيرة!!
وجينا اتلمينا في المنتدي بعد الزمن دا كلو ولا شعوريا كل واحد فينا ارتاح للآخر من خلال كتاباتو وبدينا من جديد في علاقة جديدة كونا لينا منتدي ودمدني لكن كل منا كان في نفسة عدة اسئلة ياربي لية الزول دا من دون الناس في عدة قواسم مشتركة بتجمع بينا
المهم ضفتو معاي وبدينا علاقة جديدة وطيل الفترة دي كلها وانا بيراودني سؤال ؟؟؟
الزول دا شفتو وين ؟؟؟وهو كذالك كان بيراودو نفس السؤال ؟
المهم في الامر كلو يوم امس بس فكرنا ننبش الاسئلة دي !!!
وبمجرد ما زكر لي اسمو رباعي اتعرفتة عليهو .
صحبي ومتصور معاي واخوي واي شيء
والله كنا لالالالالالالالالالالا ما بقدر اوصف ليكم الحال داك كيف شيء كدا يعجز الواحد عن وصفو والله والله والله خوة لدرجة ما تتصوروها خالص والله !!
شفتو كيف بعد الزمن دا كلو ما عرفنا بعض الا امس والله الفترة دي كلها نحنا مع بعض
وممكن تراجعوا مشاركاتنا وتحكموا عليها والله دي كلها لسة ما اتعرفنا علي بعض والسبب
الاسامي الكودية المسجلين بيها انا مسجل بي اسمي ولقبي وهو مسجل بي اسمو واسم جدو الرابع
شفتة يا معتز الاسامي الكودية عملت فينا شنو
ولسة ابقو قراب في كتيييييييييييييير وكتيييييييييييير
رد مع اقتباس
المشاركة الأصلية كتبت بواسطة مدنيّة
المفضلات