طوالي ظروفك صعبه

[انيس التوم]

المسكين شغال قدر حاله وشائل هموم البيت وهموم االدنيا وبحبها من كل قلبه تجي بكل بساطه تقول لي طوالي انت ظروفك صعبه انا والله جاني عريس يقول ليها خلاص اصبري علي سنه بس بعد سنه بجي بعمل ليك عرس ماحصل زيه ويسافر المسكين لي بلد لا ترحم ويقعد سنة والتانيه والتالتة والايام تمرر وصاحبنا يكون لا قادر يجي يعرس ولا قادر يرسل لي اهله وده كلوا بسببها وهي من اول سنة بتكون عرفت مصيرها وحرمت المسكين ده من مساعدة اهله

[خالد النور]

الأخ أنيس التوم والله دا الحاصل فعلاً والخلا معظم الشباب يسافر

[هشام السماني إبراهيم]

المسكين شغال قدر حاله وشائل هموم البيت وهموم االدنيا وبحبها من كل قلبه تجي بكل بساطه تقول لي طوالي انت ظروفك صعبه انا والله جاني عريس

مالك بتفتح في جرووووووووح يادوب اتلملمت



والله انتا عزاااااااااااااااااااااااااااااب

[مختار بازى]

ويسافر المسكين لي بلد لا ترحم

والله ما ظنيت في بلد بترحم يا انيس غير بلدك عشان كدا نلملم اطرافنا ساااااي ونبقي مارقين
وهاردلك في المرات القادمة ان شاء الله

[انيس التوم]

الأخ أنيس التوم والله دا الحاصل فعلاً والخلا معظم الشباب يسافر

دي حقيقه يا خالد وتسلم والله

[انيس التوم]

مالك بتفتح في جرووووووووح يادوب اتلملمت



والله انتا عزاااااااااااااااااااااااااااااب

اخوي يا Doom99 نعمل شنو ده حال الدنيا كده

[انيس التوم]

والله ما ظنيت في بلد بترحم يا انيس غير بلدك عشان كدا نلملم اطرافنا ساااااي ونبقي مارقين
وهاردلك في المرات القادمة ان شاء الله

ما ظنيت نبقى مارقين يا ود خالتي لي منوا عليك الله وبعد شنو

[ابوالنور]

ما لســــــه وتـــــــراي للــي

في سجـــــــن الغرام مكتوف

الحـــــــــال التوصفــــو فيـه

ظاهـر وللعيون مكشــــــــوف

والله العظــــــــــــيم كان تبكو

لو شفتــــو الدفين في الجوف

داجـــــــــــــــي علي ياخلايا

اهيم البال علي مغــــــــروف

مـــــــــــــا جايب خبر للدنيا

زي فاقد السمـــــــع والشوف

ناحل جسمــــــي شاحب لوني

زي زهرا ضبل مقطوف

راسي من الهمـــــــــــــوم والحسره

زي الضاربي فوقــــــي دفوف

ياخلا البريـــــــــــــــــده قليبي

يوم لقياها ما معـــــــــــــروف

املتا وكتيــــــــــــــــر راجيها

خاب ظني ورجع مكـسوف

ماقادر اقـــول خلــــــــــــــتني

او جارت عليـــــــــها ظــروف

ولا قــــــــــــادر اطمن نفســـي

من فارق الظنــــــــون والخوف

بقيــــــــــــــت اشـــــــتاق واحن لليل

اقول يمــــــــــكن خيالا يطوف

يرجع لي صوابــــي افيــــــــق

يعـــــــــود عقلي القبيل مختوف

تمر ســــــــــالت دغيش نسمات

عبير طيـــــــــبا يفوح مسروف

يرد روحي و يبل شـــــــــــوقي

ويصيب جـــرح الاسي المخلوف

يعود الليـــــــــل واعــــود لبكايا

في ليلا طــــويل مــــــــــردوف

يا انيس اخوي دي حال الدنيا

[انيس التوم]

مشكور اخونا وحبيبنا ابو النور علي الابيات الشافيه والكافيه وتكرم يا خوي
فوق


فوق


فوق


فوق


فوق

[خالدعمرحسين]

والله لو كانت هى بنت تمام وأنسان عندو صبر وقناعة كانت أنتظرت الرجل لكن الذمن تغير والبنات يحبو الجهاز ودة الوقاع الان وظروف الأنسان أشكال وأنواع ودة مخوفنا ذاتو ولك التحية أخى على الموضوع ياأنسسسسسسسسسسسسسسسسسسسسسسسسسسس

[ود المطامير]

أسمع .. السياره المتكى عليها دى حقتك ؟ ولأ حقت الكورى ؟ .

[ابوندى]

والله يا ود التوم الشغلانة من الاول ناقصها الاتفاق والرضا بالقليل والقناعة كنز لايفني
شنو يعني لو بسطو الشغلانة , وشنو يعنى لو جيت ظروفك صعبة وعرست ,,,الصينية الفي البيت مكفية السبعة والتمانية, وكلام الناس لا بودى ولا بجيب وكان حصل كلو بيروح في الايام الاولي ,
من اهتم بالناس مات هماً
ارجعوا واتوكلوا وربنا يسهلها , والمسافر يخلي الاحلام الوردية لان (كذبة )الخليج انتهت زماااااااان والحال من بعضه