الاسبير كلمة تعنى (الاحتياطى ) لاى شئ وهى كلمة واسعة فى معناها ومضمونها واخص بها هنا (الاسبير مان - والاسبير ومن) يعنى الرجل الاحتياطى والمرآه الاحتياطى .
كتير من الشباب بكون عندهم (اسبير ومن) احتمال واحدة تكون بنت اهلو ودى بكون جادى معها والتانية المسكينة بتكون زميلة اوبت حلتم ودى تمثل شخصية (لاسبير ومن ) وقد يكونوا الاثنين مامن اهلو لكن واحدة اسبير والتانية اصلى ياربى السبب شنو ؟
اما بنات حواء(والله مظلومات لكن) بقولوا الواحدة بكون عندها ( 3 اسبير مان) ( واحد للف - واحد للسف واحد فى الرف ( (وده الضحية الكبرى) ) .
عموماً خلونا من قلنا وقالوا عايزين نناقش قصة الاسبير دى
طبعاً ظاهرة الاسبير بنوعيها قديمة قدم التاريخ لكنها انتشرت بصورة كبيرة فى الاونة الاخيرة
ليه السبب شنوا ياشباب ؟
اناغايتو راى بدل الواحد اوالواحدة افتش للاحتياطى اكون صريح مع نفسه و مع الطرف التانى ويبحث عن البديل . وقبل كده مفروض يحاول يعالج عيوبه وعيوب الطرف التانى (والكمال لله وحده) واذا فشل ممكن اكون صريح وانهى العلاقة ويقول (دايرة تبقأ خوه) وبيحث عن شخص تانى يكون جادى وفئ ومخلص معه ويكون ليه بكل حاجاته
ولانتو رايكم شنو مش احسن من قصة الاسبير دى ؟
ويظل التساؤل الاصلى فى موضوعنا
لماذا انتشرت ظاهرة الاسبير يصورة واسعة بين الجنسين (اللطيف و .......) وفى جيلنا تحديداً ؟
ودمتم بود
رد مع اقتباس
المشاركة الأصلية كتبت بواسطة DANY
المفضلات