admin

[ابوالنور]

وياحليلك ويا حليلى ..
كيف مصير البكره راحل ؟؟
لملم أشلاه الحزينة ..
وفارق الحب والمدينة ..
والصبية الفى عيونها
باقة من أشواق حنينة
والبلاسم والمواسم ..
والمشاعر الجد أمينة ..
وياحليلك ويا حليلى ..
يا حليل زولا بحبك ..
كل مناه يسعد بقربك ..
يا وطن مهرك دمانا ..
وجرتقك أجمل هوانا ..
والضريرة مزيج وفانا ..
والحريره الريده ذاته
والحنين خرزه فى سمانا

معزومين معانا كلكم يا ناس مدني حفل وداع ابوبكر محمد المبارك (admin)
بنادي الخريجين يوم الاحد الموافق 12/8/2007 الساعه السابعه والنصف مساء

[عثمان جلالة]

ود العم ... تحياتي للآدمن وكل من سيحضر في حفل وداعه

ومين اللقال إنو الشمس لامن تغيب تقصد تجافي
وإنو الحبايب لما تغشاهم سحابة فرقه تبقى الفرحه مافي

أصلو الشمس .. بتغيب عشان من تاني تشرق وتمنح الضو للمرافي
ونحن نبض الألفه رغم الفرقه في جوانا صاااااااااااااااااااااااااافي

[محمد أحمد الشيخ]

بقيتو شعرا يا أبو النور و جلالة
لكين بيني وبينكم الريس بستاهل

[هيثم عبدالعال]

يا أبوبكر ..... يا أدمن ... والله تستاهل ... بس أعمل حساب الباسطه
لكن يا أخوي كدي رأيك شنو في تلج أبوالنور ده ؟ الحاله هو مسخن شديد

[ابوزيد محمد نور]

شنو يا ابو النور نحن هنا

[نزار حسن محمد]

المبروك ..الادمـــن
الوصيه فى الذمه
آها ماتنسى تجيب معك الطلبات البسيطه دى..

طيب اولا فى تبادى" عدد 3 صفائح زيت سمسم (( ديل طلبات ناس امريكا ودالماحى والخواجه عزيز))
2/ عدد 3 شولات صعود عمارى ممتاز (( ديل وصية ود الماذون وكل الجماعه بدون فرز طلع الحريم الصغار بس))
3/ عدد غير محدد من زجاجات الكريستال ..من البلح الجديد ((ديل طلبات ود المطامير والمجموعه ))
4/ شطه غبانيت + دكـــــــــــــــــوه (( كل الاعضاء بدون فرز ))
5/ طلح وشاف وخمره ودلكه وبالعدم(( ودك)) (( كل المتزوجين ))
6/حلوه مر+ ورقاق (( كل الفاطرين بدون فرز))
7/ ويكه + شمار+حرجل+ بن +((كل العزاب بدون فرز))
ماتنسى يالمبروك لمن نتذكر الباقى بنكتب لك ..اهآ قبال ما انسى شرئط فيديو كل الاعراس
عشان اخوك زول فرده بدور عروس"سمح يالمبروك ..فتك بعافيه

[ابوالنور]

جلاله باسطه هيثم ابوزيد نزار ربنا يخليكم انشاءالله
قلت لي شنو يا هيثم التلج ده لو ما كسرناها ما بسيح ولا شنو
نزار لو اتصل علي ادمن يجي يشوف طلباتك دي انشاءالله
اها نشوف ليكم الجديد شنو وبجيكم

[عوض صقير]

قلوبنا معكم

و

الوفاء لأهل العطاء

[مدنيّة]

الادمن دا كتروا ليه من الباسطة ياانور
باقي جايباه جوعة هو

[خالد أحمد الصول]

عزرا أبني أبو النور
فاليكن تكريم الريس و كل الطيور المهاجره ... سواح ... خالد هاشم ... هيثم عبد العال ... أبو رجاء .... وكل من هو في ظهرانينا و لم نذكره
هذا رجاءا و ليس أمرا

[بورتبيل]

المبروك ..الادمـــن
الوصيه فى الذمه
آها ماتنسى تجيب معك الطلبات البسيطه دى..

طيب اولا فى تبادى" عدد 3 صفائح زيت سمسم (( ديل طلبات ناس امريكا ودالماحى والخواجه عزيز))
2/ عدد 3 شولات صعود عمارى ممتاز (( ديل وصية ود الماذون وكل الجماعه بدون فرز طلع الحريم الصغار بس))
3/ عدد غير محدد من زجاجات الكريستال ..من البلح الجديد ((ديل طلبات ود المطامير والمجموعه ))
4/ شطه غبانيت + دكـــــــــــــــــوه (( كل الاعضاء بدون فرز ))
5/ طلح وشاف وخمره ودلكه وبالعدم(( ودك)) (( كل المتزوجين ))
6/حلوه مر+ ورقاق (( كل الفاطرين بدون فرز))
7/ ويكه + شمار+حرجل+ بن +((كل العزاب بدون فرز))
ماتنسى يالمبروك لمن نتذكر الباقى بنكتب لك ..اهآ قبال ما انسى شرئط فيديو كل الاعراس
عشان اخوك زول فرده بدور عروس"سمح يالمبروك ..فتك بعافيه

ماكنتا مفتكر السنين **** ذي اي زول بتغيرك ****

يعني نسيت التمباك الناشف والعطرون يا ابو النيز ... ولا جايبم رضا
طبعاً قالو رضا راكب عربيتك وحايم بيها في مدني على كراع كلب

تحياتنا للارباب ,, الاجازتو كملت وجاي منقلب

[ابوالنور]

قلوبنا معكم

و

الوفاء لأهل العطاء

والله يا استاز عوض بي زيارتك بوستينا نور ولا نور كل منتدي
ويسلم قلبك من كل شر يا رب
وخليك متابع

[ابوالنور]

الادمن دا كتروا ليه من الباسطة ياانور
باقي جايباه جوعة هو

يا مدنيه اختي انتي ما شفتي الباسطه امس محوما مدني كلها علي اساس انو جاين نشرب معاه شاي المغرب
طبعا الايام الفاتت دي مشاءالله بسحرونا كل يوم شاي مغرب في بيت
اها يا المطره تقومي تخربي الرصه وحياتك زول بقي يأكل فينا الباسطه بي التلفون
لحدي ما رصيدو خلص والباسطه بتسلم عليك
الحكوه دي بي مناسبة الباسطه طبعا

[ابوالنور]

عزرا أبني أبو النور
فاليكن تكريم الريس و كل الطيور المهاجره ... سواح ... خالد هاشم ... هيثم عبد العال ... أبو رجاء .... وكل من هو في ظهرانينا و لم نذكره
هذا رجاءا و ليس أمرا

يا صول سودان والله البركه الشفناك طيب وحمدالله علي السلامه وكده
الهدف الاساسي من الدعوة اللمه والمناسبه الادمن
اما البقيه القلتهم ديل كلهم طبعا حايجو عدا هيثم طبعا سافر الجمعه المضت
ويا للاسف الشديد ما قدرنا نعمل ليه حاجه وامسحا لينا في وشينا ياهيثم عبد العال
وحقيقه انا بعتزر نيابه عن اخوتي لك

[ابوالنور]

ماكنتا مفتكر السنين **** ذي اي زول بتغيرك ****

يعني نسيت التمباك الناشف والعطرون يا ابو النيز ... ولا جايبم رضا
طبعاً قالو رضا راكب عربيتك وحايم بيها في مدني على كراع كلب

تحياتنا للارباب ,, الاجازتو كملت وجاي منقلب

كنتا مفتكرا شنو يا بورتبيل صاحبي
ربنا يخليك لينا وتحياتك وصلت لي الارباب

[صالح ابوشوارب]

انتي مهما تغيبي عني
لحظة ما بتفوتي مني
وتبقى يا حلم الاماسي شمعة ضاوية في كل دار
وزهرة في كل المواسم كل يوم بتزيد نضار
تهفو ليك الامنيات
وتسهو بيك الامسيات
ليك تفرح وليك تغني
****
بكرة ترجع حليمة لى قديمة
والشعر يطير وربنا يحلك من الكفيل

[مختار بازى]

الوفاء لاهل العطاء بالسلامة ان شاء الله

[جيفارا]

الوفاء لاهل العطاء بالسلامة ان شاء الله

صحيح الوفاء لاهل العطاء بالسلامة ان شاء الله

[ابوالنور]

انتي مهما تغيبي عني

لحظة ما بتفوتي مني
وتبقى يا حلم الاماسي شمعة ضاوية في كل دار
وزهرة في كل المواسم كل يوم بتزيد نضار
تهفو ليك الامنيات
وتسهو بيك الامسيات
ليك تفرح وليك تغني
****
بكرة ترجع حليمة لى قديمة

والشعر يطير وربنا يحلك من الكفيل

سأنحر لمقدمك كل القرابين ..
وأوقد شموع العمر بكل انحناءاتها ..
سأرتدي تلابيب الليل كما تركتها لي ..
وأرتل قرآن السكون في غيبتك ..
كي ألتقيك بهدوء ..
يناقض أشيائي العاصفة لك ..
أكيدة .......... سأنتظرك فى سكون

[ابوالنور]

الوفاء لاهل العطاء بالسلامة ان شاء الله

مافي كلام يا مختار

[ابوالنور]

صحيح الوفاء لاهل العطاء بالسلامة ان شاء الله

وزي ما قلت يستاهل اكتر من كده

[عمر سعيد]

عوداً حميداً لأبننــا أبوبكر

وهنيئاً لك هذا الحب ( المســتحق ) الذي يكنه لك أبناء ودمدني ، الذين وسعتهم بخلقك ، ونبلك ... وشكراً لكم أيها الأحباب في ( ست المدائن ) لكل ما فعلتموه لهذا الأبن البار ...

وفي ميزان حسناتكم إن شاء الله .

[ابوالنور]

عوداً حميداً لأبننــا أبوبكر

وهنيئاً لك هذا الحب ( المســتحق ) الذي يكنه لك أبناء ودمدني ، الذين وسعتهم بخلقك ، ونبلك ... وشكراً لكم أيها الأحباب في ( ست المدائن ) لكل ما فعلتموه لهذا الأبن البار ...

وفي ميزان حسناتكم إن شاء الله .

ربنا يخليك لينا يا والدي العزيز واسعدني مرورك لهذا البوست وكن بي عافيه دوما

[zoolfrda]

طبعاً يا أخوانا سعادتو مختفي الأيام دي

قال داير ينجّم ويرجع الكم كيلو الفقدم في الإجازة

عشان لمن يطلع في المناسبات الرسمية الناس تعرفوا ما تغباهو

[نزار حسن محمد]

طبعا ..ياخوانا ..وصل من البلاد متخفيا ..الادمن ...بعد ما ..قطعه قلبه ناس مدنيه
بالفته بوش وناس صول سودان بالنبق والدوم ...وقد علمنا بانه فقد اثنين من ضروسه
وكتر خير ابو النور مشى معه وما خلاه الا بعد ما تم صيانة الضروس...
الان هو فى معسكر مقفول من اجل تعويض كل الاضرار الماديه والمعنويه والجسديه
حمدالله على السلامه ،،،
وفى انتظار التقارير وادق التفاصيل خاصتا موضوع حفلة الوداع وذلك الانجاز الرائع