عايز اسرة المنتدي في موضوع بس خايفهم ما يهتمو بي كلامي ده عشان انا اكتر واحد فيكم عارف انوفاقد الشئ لا يعطيه بس اظن كلكم بتعرفو سامي الحاج الهو قبل ما يكون مصور لقناة الجزيرة القطرية هو سوداني الاصل طيب برضو في حاجة مهمة شديد نحنا ما عارفين موقف حكومتنا شنو اتجاه مسالة اعتقال سامي الحاج و 10 سودانيين تاني معاهو في غوانتنامو ولا يكونو ارهابيين جد جد و نحن ما عارفين احتمال يكونو هارشين من الامريكان ما اظن ديل وقفين معاهم الف احمر في كثير من المسائل السودانية البحتة و اخرها قضية مصنع الشفاء .
طيب سيدنا محمد عليه الصلاة والسلام قال في حديث شريف ( من راي منكم منكر فاليغيره ...... و ان لم يستطع فبلسانه ) من المفترض نحنا كاسرة منتدي واحد نصوت جميعا بالافراج عن المعتقلين السودانيين في غونتنامو ان لم تثبت ادانتهم بشكل رسمي و اناشد الاخ ابوبكر محمد المبارك بالاهتمام بالامر و اقلاها انزال صورته او اي تعليق في الصفحة الرئيسية . للمعلومية الضابط الوحيد المتهم بقضية فضائح سجن ابو غريب بالعراق افرج عنه عشان هو برئ طيب ليهم غفور رحيم ولينا شديد العقاب و لا كيف .
بس اتذكرتها كنت ح انسي نحنا زاتنا معتقلين فكريا من قبل حكومتنا ... عشان كدة قلتا فاقد الشئ لا يعطيه .
تضامنو معي عشان يتحرر سامي الحاج و المعاهو و نحنا برضو .
رد مع اقتباس
المفضلات