للاسف خرج الهلال من المجد السوري

[القيصر]

خروج الهلال علي حساب المجد السوري

[بورتبيل]

الهــــــــلال خرج من البطـــــــــولة التعبانة للبطـــــــــولة الاهم يا فردة

[عوض صقير]

نأسف جداً لخروج الهلال ونتمنى له الأهم وهو الكأس المنتظر

( من مريخابى )

[مدنيّة]

[FONT="Courier New"][SIZE="5"][COLOR="Red"]معليش والجاي احسنFONT]

[القيصر]

القيصر الكلام دا ابدا ما رياضي ولا بيشبه الرياضة في شئ

اتمني ان تعتذر عنه
لا هو من اخلاقنا ولا من شئمنا

والله يا أخت مدنيه افتكر انو القسم ده اسمو الرياضه للجميع
يعني الناس تخلي روحها الرياضيه عاليه جدا


ودمتي..........

[القيصر]

خــــــلي البوست دا فاتح لحدي يوم الاحد

والكلام يقلب نيجيـــــــــــري وبس

الهــــــــلال خرج من البطـــــــــولة التعبانة للبطـــــــــولة الاهم يا فردة

والله يا بورتبيل نحنا لاعبين صايمين لكن انتو اللعبتو
بعد الفطور سويتوا شنو
بعدين انتو ماشين تونس ما تنسي,,,,,؟؟؟؟

[القيصر]

والله ياشباب من يقبل التهانى بخروج أى فريق سودانى من أى بطولة

حقو يعيد النظر فى وطنيته !!!!!!!!!!!!!!!!!!!!

نأسف جداً لخروج الهلال ونتمنى له الأهم وهو الكأس المنتظر

( من مريخابى )

مع الاسف يا أخ عوض واحترامي ليك لكن لعيبة الهلال
ما بستحقوا إقيفو معاهم والعجيبه كمان جماهيرهم متفلهمين
ومفترين وعاملين ليك الهلال برشلونه
ده الكلام الزعلني وخلاني انزل البوست ده

ودمتم بود......... يا غالين,,,,,,,,,,,,,,,,,,,,

[مدنيّة]

والله يا أخت مدنيه افتكر انو القسم ده اسمو الرياضه للجميع
يعني الناس تخلي روحها الرياضيه عاليه جدا


ودمتي..........

مااعتقد انه من الاخلاق الرياضية اننا نعاير بعض بخروج - او هزيمة - فرق سودانية من منافسات خارجية

وبالمناسبة انا مريخابية وعلي السكين زي ما بيقولوا
بس الكلام دا ما من الاخلاق الرياضية في شئ

[hesho]

خروج الهلال علي حساب المجد السوري
والكلام بالس و ر ي وبس

راجع وطنيتك مع كل احترامي ليك لكنك مشجع من منازلهم

[ابراهيم]

التشجيع ذوق قبل اي شي يا قيصر ..
نحن هلالاب وبنحب المريخ
ولمن نشوف الفريق القومي بلعب بتروح لينا حتة هلال مريخ دي .. والله عالم انا فرحت كيف بانتصار المريخ على الاسماعلي في مصر حتى نسيت الهلال في وقتها ..
فما معني انك مريخابي تشمت في الهلال
وما معني اني هلالابي اشمت في المريخ
هسع عندك مدنية دي مريخابيية وبراك شايف اللون الاحمر بس فالانتاين لكن بتقيف معانا لما نلعب باسم السودان وتطبطب علينا لو اتنكبنا وعادي جداً بحصل الكلام دة.. فما تصعبها يا فردة وخليك سوداني

[محمد مصطفي]

يا ايوها القيصر ما عهدناك هكذا
لكن دي اخلاقكم يا المريخاب ما قاعده تفرق معانا كتير لانو انحن عارفنكم


لكن ما مشكله

وبرضو منتمني ليكم التفوق والتقدم
وان شاء الله جايبين لينا الكاس يا مريخاب


ودمتم بود يا رياضيين،،،،

[حبيبة ودمدني]

انتو يالهلالين ما عندكم روح رياضيه لي الزعل دا كلو من كلام القيصر الفوز والخساره دي قسمه من ربنا واحنا يا المريخابين اكيد زعلانين لي خروج الهلال لانو احد الفرق السودانيه يعني وطنا بنزعل لي زعلو ونفرح لي فرحوا
وبالتوفيق للهلالابين

[خالد عبدالماجد]

العزيز القيصر
مايهمك ياحبيب شماتة المريخاب تحسسنا دائماً بحلاوة الفوز ودي واحدة ليك ..
وشكراً لكل المريخاب الخلصاء الذين أزالت كلماتهم مرارة الخسارة من صدورنا ..
شكراً عوض صقير ..
شكراً مدنية ..
وياحبيبة ودمدني الروح الرياضية متوفرة وكلام القيصر ( الماقريناه ) لن يغضبنا لأنه شئ معتاد كما ذكر أخي محمد مصطفى ..

[بورتبيل]

انتــــــــــــو عارفين المريخاب ديل ليه بشمتو فيــنــا ؟؟؟
لانهم ما بقدرو يوصلوا للمراحل البصلا الهــلال
والهلال في الترتيب الافريقي افضل منهم بكتير
والهلال في الترتيب العالمي اكتر منهم بكتير

وبعدين نحنا لو طلعنا من دور الاربعة - يبقى ناس المريخ لمن يوصلو نفس الدور في نفس البطولة يبقو يتكلموا تاني

ناس اميـــر عبد الباقـــــــي فالحيـــن بس في تعديــــل مشاركات الهلالاب بس ؟؟؟ ما شايفين القيصر دا بكتب شنــو؟؟؟؟

ولا الحكـــــــــاية فيهــا ميول مريخيــــــــــــة (( وخلى اخلاقك ريـــاضيــــــــــــة))

[القيصر]

أول حاجه ده كلام ليكم يا مشرفين ويا مراقبين
المفروض تستشيروا الشخص قبل ما تغيروا اسم الموضوع بتاعو وممكن توروني الحصل شنو؟؟؟

انا نزلت البوست لاسباب يعني ما مشكوك في وطنيتي لانو دي حاجه ما بتعرفوها انتو
ودي الاسباب:
1-الهلالاب ما مقتنعين انهم مهزومين
2- الكوره البلعبوها هنا ما بلعبو ربع منها بره
وتقول ليهم الكلام ده بزعلو شديد جدا
3- الواحد قدر ما إحاول إخفف عنهم بعتبروك شمتان فيهم...جماهير الهلال ما بقبلو إورهم الصاح من الغلط تقول ليهم الهلال عندو تيم واحد برضو ما راضين هم قايلين الهلال ده برشلونه ولا شنو

المفروض اخلو روحهم الرياضيه عاليه جدا جدا
واتقبلو الهزيمه بصدر رحب(اللهم لا شماته ولكن مصير القدر هو مايضحك)

ودمتم داعيمين للرياضه وكرة القدم بصفه خاصه
والاخص المريخ والهلال والمنتخب القومي...

[المدلل]

السلام عليكم ورحمة الله وبركاته
مثل ما قيل رحم الله رجلاً أهدانا عيوبنا ،،، نحن نقول وفق الله فريقاً كشف نقاط ضعف فريقنا (مباراة الهلال والمجد السوري) التي اتضح من خلالها أن فريق الهلال كله نقاط ضعف حتى المدرب

[بورتبيل]

اول حاجــــــــــة لو الهـــلال عنــدو تيم واحد دي ما شغلتــك برشلونة تيمو واحد D: D:

الشي التــاني بركــة الاحترفتا انــو نحنــا بنعلب كورة هنــا مش بنفوز بالتحكيـــم البوتسوانــي ؟؟؟!!

تانــي حاجــــــــة الشماتــه وعرفنـــــــــها ولا عندنا فيها شغلة ( ونحنا لا بنشجع المريخ ولا الفريق القومي رايك شنــو نحنا بنشجع الهــــــــــلال حتى ولو اتغلب من كمبـــــــــو حليمــة 20 / صفــر)

** على فكــــــــرة كمبو حليمة ديل بلعبــو مبارياتهم الســاعة واحدة ظهــراً .. وجرايين جري اسكت ساااي

[خالد عبدالماجد]

يابورتبيل بالله إنت من زمان وين ؟ ..
الناس ديل عذبونا عذاب وعمرهم كلو يتشابوا لينا أول مايطلعوا ليهم خطوة يبدأوا المسلسل المريخي المعتاد ( إنزل من فوقك بدل الصعود إليه )..
قالوا الهلال تيموا واحد الهلال لديه لاعب إحتياط على أحسن مستوى في كل الخطوط : أبوبكر الشريف ، مرق ، جوليت ،زرياب ، وخليفة ياسر رحمة منير أمبدة في الدفاع
أما الوسط فالجميع يعلم بتوفر أفضل لاعبي الوسط بالسودان في الهلال (مهند ، حمودة ، علاء يوسف ، هيثم مصطفى ، مساوي ، كرنقو ، عمر بخيت ) .
أما الهجوم فبجانب الثنائي النيجيري المرعب لدينا معتز كبير وأفضل هدافي الممتاز الموسم السابق صالح عبدالله .
فكيف يكون تيم الهلال واحد ؟
السودانيون عموماً ينادون دوماً بثبات التشكيلة ويعتبروها مذمة لإرسال سهامهم للمدربين وفي حال ثبات التشكيل يقولون لايمتلك البدلاء (عجائب ) .
أيها المريخاب أتركوا الهلال وشأنه فهو الأقدر عليه ولكم فريقكم المتخبط الذي تتحدثون عن قوته وهو الفريق الذي لايمتلك (طابعاً) للعب حتى الآن ولتوضيح الطابع المقصود ،المريخ يصل للمرمي بطرق عشوائية متقلبة المهم ناس جارية ومعاهم كورة عايزين يدخلوها الباب .
تخريمة للمدلل :
دائماً ماأتحفظ في الرد على المشاركة رقم واحد للأعضاء المسجلين بأسماء رمزية ولكني أشك في هلاليتك .
للجميع ودي

[محمد مصطفي]

مشكورين اخواني خالد وبورتبيل ما قصرتو قمتو بوالواجب وزياده


كنت داير اجي اعلق لكن بعد ده لا تعليق



ودمتم

[hesho]

هكذا المريخاب والغريبة يطلقون على انفسهم الصفوة لايسهم انتصارات سيدهم وسيد البلد هلال الملاين .
قالوا الهلال تيموا واحد ولنفرض الهلال تيموا وحد استلف من المريخ لاعب سيبوا التيم الوحد ده وخليكم في اتيامكم فالهلال مع الكبار وليس في دورى سنترليق قال كونفدرالي

[مدنيّة]

سبحان الله

مع انه اي مريخابي دخل البوست دا كان ضد اخونا القيصر لعدم روحه الرياضية
ولكن كل هلالابي دخل البوست كان يشمل بكلامه كل المريخاب

لكم الشكر الجزيل


وبرضو بنشجع الهلال لما يلعب باسم السودان ودي حاجة ما مشحودين عليها احنا

[نزار حسن محمد]

اى ..اى .. اى.. ده الشغل ..ده الشغل..
اها ياخوانا ..الغالب ..منووو..شايف
الرياضيه مدنيه ماسكه البوست على
حسابه ...
كدى ورونا الغالب منو الرابطه
ولا جزيرة الفيل ...

[محمد مصطفي]

نزار حسن جزيرة الفيل والرابطة دي ماتبع القسم ده

بعدين يا اخت مدنية في مقولة بتقول
الخير يخص والشر يعم


ودمتم بود ،،،،،

[جوجو22]

المشاركة الاصيلة كتبت بواسطة محمد مصطفى
ياايها القيصر ماعهدناك هكذا لكن دى اخلاقكم يامريخاب



ماعهدناك هكذا انتت ياكبك وين الروح الرياضية
نتمنى للمريخ والهلال . او( العكس) التقدم والمزيد والا الامام
( من مريخابى)

[القيصر]

والله بكرر اسفي واعتزاري ليكم يا شباب
بس كنت في لحظة غضب شديده جدا
وأسف مره اخري.

ودمتم..........