نقنااااااااااااااااقه

[امنية بكري]

يا خوانا انا بالجد الليله ما عارفه انا مع منو

هل الكلام الانا حاطرحو صحيح ولا هو كلام يطلق علينا جميعا

المهم انا حاخش في الموضوع

انا لاحظت انو الوحده ما تقول ليها كلمتين على بعض الا راجلا يقوليها كرهتينا النقه

ياخي انت نقنااااااااااااقه وما عندك شغله غير النقه مرة الجيران نقناقه ست الشاي نقناقه

مرة الواحد نقناقه امو نقناقه اختو نقناقه حبيبتو نقناقه يعني نمشي وين اي مرة نقناقه

اها رايكم شنو صحي النسوان نقناقات او انو الراجل بشوف كده لانو بيتكلم طول النهار في الشغل وبيجي هلكان من القالو والسمعو

اما احنا ساكتين النهار كلو ومنفكر والوحده ما بتصدق راجله يجي عشان تفتح معاو المواضيع دي

اها الحل شنو ننقنق وتستحملونا ولا زي ناس الهيلاهو قال ليها نقناقه تنقنقي ومافي حل غير ( تطلقي )

وانا صراحه معترفه اني نقناااااااااااااااااقه

[مجاهد]

اختنا امنية ,.. والله النقة حاصلة اليومين ديل .. بس انت شانة حملة شديدة على الرجال .. طيب لو المرة ما كانت نقناقة البخلي الرجال يتكلمو معاها شنو .. وبعدين نحن في عصر النقة .. ليس للصمت محل بيننا ... ولا شنو يا شباب ..

[امنية بكري]

بالعكس انا ما شانه اي هجوم

انا بلتمس لنا العذر وانا المره دي معاكم ما ضدكم ولا ما كان اعترفتا اني نقناقه

بس بلتمس العذر للنساء و لو مانقيناكم حنق منو يعني

[هشام السماني إبراهيم]

اختنا امنية ,.. والله النقة حاصلة اليومين ديل .. بس انت شانة حملة شديدة على الرجال .. طيب لو المرة ما كانت نقناقة البخلي الرجال يتكلمو معاها شنو .. وبعدين نحن في عصر النقة .. ليس للصمت محل بيننا ... ولا شنو يا شباب ..

والله يامجاهد كلام جميل


يا امنية ياختي ولا يهمك النقة دي اهم شي الرجال بقولو كدا حركات ساي



تخريمة "
حسي اجو اقولو لي انتا عزابي العرفك شنو

[هشام السماني إبراهيم]

بالعكس انا ما شانه اي هجوم

انا بلتمس لنا العذر وانا المره دي معاكم ما ضدكم ولا ما كان اعترفتا اني نقناقه

بس بلتمس العذر للنساء و لو مانقيناكم حنق منو يعني

امنية اختي لكي العتبى

نقي ولا يهمك

[امنية بكري]

تسلم يا هشام

ودمت لينا والف تشكرات

[عبدالرحيم سعيد]

هو يااختي امينة لو المرا مانقت علي الراجل الطلبات بتجي كيفن مع قفة الملاح النقة احيانا ليها حوبتها والمرا التجم اخير منها النقناقة !!!!!!!

[مدنيّة]

النقة دي من العلينا ياامنية ياختي

[مختار بازى]

وانا صراحه معترفه اني نقناااااااااااااااااقه

ما عايز اقول باين عليك

لكن بامانة شكلك بتنقي فــــــــــــــي المفيد وواضـــــــــــح في مواضيعك,,

[Madanawi]

يا أمنية المقصود من النقة الكلام الكثير والمثير للجدل

أم هو تكرار نفس الموضوع حتى يمل الرجل من سماع المرأة

هل النقة محصورة على النساء .. أم أن هنالك رجال نقناقون؟؟

[القيصر]

كويس انك معترفه انك نقناقه
ودي حاجه جميله فيك
لكن دايما بقولو النسوان نقناقات
ممكن اعرف السبب

[nasir]

تعرفي يا ام مجاهد
انو النقة دواها الطناش او تسوق المرة سوق العدة والملايات بالطريقة ده النقة تروح ليها
مع تحياتي

[امنية بكري]

اخي العزيو عبد الرحيم سعيد

والله رايك جميل جدا وانا بشكرك عليو

وكتر خيرك انك بتتحمل نقة النسوان

والف شكر

[امنية بكري]

الحبيبة مدنية

والله العلينا ما شويه والعليهم ما شويه

وزي ما هم بتحملوا نقتنا احنا بنتحمل عصبيتهم

وحاجات كتيره تانيه اي واحد بكون عارفه

والله يديم العلاقات الطيبه والمعامله الجميله

[امنية بكري]

اخي العزيز مختار بازي

باين علي

كتر خيرك انا من الليلة بهلكم نقة

انتوا ما شفتوا حاجه لسه

وتسلم لمرورك الرائع

[امنية بكري]

العزيز مدناوي

والله النقه الكلام الاكتر من الكتير

وفي نفس الوقت هو اعادة الكلام اكتر من مره

ولكن ليس ليمل الرجل ولكن ليلبي ما لم يحسم طلبه

مدام هو موافق على الطلب المفروض تنفيذه عشان كده منعيد

وفي كمية من الرجال النقناقين لكن النسوان اتسموا بالصفه دي اكتر فلازمتهم

والف شكر ليك

[امنية بكري]

اخوي العزيز القيصر

الاعتراف بالذنب فضيله ولا شنو

وانا قلت انو النسوان نقناقات لانهم ما عندهم زول ينقوهو طول النهار

وعلميا النسوان بيتكلموا اكتر من الرجال

دي واحد

اتنين من الهموم والمشاكل والمسؤليات العليهم ده برضو سبب

[هيثم عبدالعال]

الغاليه امنية
بصراحه النقه حاصلة والقاسم المشترك فيها الطلبات كما ذكر كثير ممن سبقوني وهي أحياناً نقه إيجابيه لأنها تجبرك على إيقافها بالنظر في الطلب وهل هو مهم فعلاً فتستجيب ولو تبقى حاوي أم لا فتحسمها وتتحمل لوية البوز لحين طلب آخر .
سؤال : يعني مافي ونسه حنينه بدون جيب جيب دي ؟

[امنية بكري]

اخي ناصر الف شكر ليك

بعدين في دوا احسن من الملايات والعده وانصحك بيو


سوق الدهب

[moh_alnour]

تخريمة "

حسي اجو اقولو لي انتا عزابي العرفك شنو

شنو يا أبو الهش أنت بقيت تذاكر من ورانا ولا أيه

[moh_alnour]

سؤال : يعني مافي ونسه حنينه بدون جيب جيب دي ؟

في يا هيثم زي ( هاك أملا الأسطوانة دي الغاز كمل )

[امنية بكري]

تسلم اخوي العزيز هيثم

والف مليون شكر ليك

وبعدين في هاك الورده دي الشكولاته دي الهديه البسيطه دي

لازم تكون لغيت حاجه كده ولا شنو

[هيثم عبدالعال]

في يا هيثم زي ( هاك أملا الأسطوانة دي الغاز كمل )

والله التقول كنت معانا لأنها حصلت اليوم ، تقولي لي ورده وشوكولاته يا أمنيه !!

[امنية بكري]

هههههههههههههههههههه

الاسطوانه زي القميص

انت بتقدم شنو ورده تتشم ولا قميص يتغسل غسلي ده واكوي ده

وخيتي دي شرابي وين

الجزمه السودا
والحزام وين

اها ما متعادلين ولا شنو

[مختار بازى]

اها ما متعادلين ولا شنو

لالا ما متعادلين كدا خمس واحــــــــــد


انتي لســــــــــــة مدورة نقـــــــــــة

علي العموم استفدنا كتير من نقتك دي بعـــــــــــدين ندخل وصامين اضنينا بي طين