سألنى احدهم بعد نهاية المباراة ظناً منه انى من عشاق الازرق بغضب شديد ( عليك الله دا فريق دا ) فقلت له قلبى على هذه البلد كلما ينصبوا ليه سيد يطلع ماقدره
بدون شماته نقول خرج الهلال وكان يستحق الخروج بادائه الهزيل المتواضع جداً لان البقاء دوماً للاقويا فقط بدون غرور ولا كبريا اغتر لاعبى الهلال ظناً منهم انهم بلغوا مصافى العالمية وكانت الخديعة الكبراء فريق يتكون من احدى عشر لاعباً فقط يتاثر باقل غياب ،،،
ابوبكر الشريف لو( دردقو ليه) لستك عجل يجئ قوون ،، وسلم لى على الشرميطى ؟
فى الطريق من النادى الى المنزل كنت لا ادخل البيت إلا خفيه هروباً من دفع الله صاحب الدكان لانه كان يعتقد ان اى انتصار للهلال هو على المريخ ولاشنو ماعارف بالله الراجل دا لما يكون الهلال منتصر مايبيع ليك ويسمعك كلام يسم البدن اذكر يوم انتصر الهلال على الاهلى المصرى صاحبنا دا لما دخلنا الاجاويد حتى فتح دكانوا بعد الكورة بيومين قلت ليه ياابو الدفاع انت بتعمل كدا مالك ياخ تغفل الدكان وماتبيع للناس قال لى بحرقه الحله دى كلها مريخاب عشان كدا !!! قلت ليه نحن شفنا الناس لما فريقم ينتصر يوزعو الحلاوه والبيبسى مجانى انت ياكافى البلاء تقفل دكانك عشان مافى دكان غيرك ولاشنو صاحبنا قال لى بس خلينا نصل النهائى وشوف لو مارحلت من الحله دى قلت ليه حاتمشى وين يابوالدفاع نحنا اتعودنا عليك وعلى عوارتك دى ،،،،، وطوالى نحنا بالحال دا حتى أمس راجع البيت بعد الكورة لقيت صاحبنا ابو الدفاع يتصايح والله ابوبكر الشريف دا ماعارف ايه ونحنا ........ والتصنيف ......... ورابع افريقيا ....... قلت ليه انت وين طار القمرى وسقط الدباس واوصيته وصيه مريخابى متمرس انو يبقى عشرة على الدورى الممتاز طوالى مجموع الهلالاب الحردانيين وقاعدين فى دكان دفع الله ردوا على بصوت واحد ذى المظاهرة كدا انتو تعالوا لينا ونحن بس حانغلبكم انتو وبس مادايرين كأس من بره قلت ليهم كويس انو المريخ بديك دافع تلعبو اتخيلوا لو البلد دى مافيها مريخ بعد ضربتكم فى تونس دى تانى بتجو بس فكرتوا انو فى حاجه اسمها المريخ املكم الوحيد عشان كدا نحن نطالب مجلس المريخ ترك بطولة الممتاز لهليل العرضة ونتفرغ لبطولاتنا المحموله جواً فى العربية والكنفدراليه ,,,,
وفى سوسه ظهرت المدسوسه && وسقط كل القمرى والدباس والقبور && ويبقى سيد هذا الوطن معلوم && وتبقى قاعدة الصفوه وحدها مواصله للنشوه والابتهاج .
كونوا كالنجوم فى العوالى وانشدوا
عالى يامريخنا عالى
وانت فوق العالى عالى
ياهدى الناس فى الليالى
ياتو ذى نجمك يلالى
كل الود وخالص الاحترام
رد مع اقتباس
المشاركة الأصلية كتبت بواسطة مدنيّة
المفضلات