كلام سوداني( مية في المية)!!!

[انوريكا]

كل زول يقول كلمة يشرح معناها بالدارجي يشرح معاناها
وبرضو نحاول نمشي على المناطق والاحياء ونقول او نناشد الاخوه (الكماسره الموجودين بالمنتدي دا إذا كان في ونقول ليهم إيديكم معانا )
حا ابدأ ليكم بي التكل
التكل هو المطبخ
الكذلك = السكين
الكنش = المفراكة
الخدرة = الملوخية
بصل المكادة = الثوم
الفندق= المدق(يستخدم لسحن البهارات والثوم ....والخ)
المقشاشة= المكنسة
حلة الفلاته= إناء يستخدم لنضاج (البليله) وغيرها من (الملحات)
والمصطلحات دي كانت متعلقة بالمطبخ

****************** *********** ************************
الزاموك= البنت
الجاحه= البنت
البقاقه= البنت
السنقنق= البنت (عمر 19 سنه)
قرمبوزه= بنت عمر 15 سنه
التتي= البنات
الحسس= البنات
سحسوح= مدلل
حنكوش= مدلل
صبره= ولد وسيم

****************** ************ *********************
هوي يا التلب ما تشعبط في دفار ما دفارك اقصد شغلة ما شغلتك
اها يافرد انشالله مرطبين
نجي لرندوق الكماسره
بلف = كمساري
جوكي = السواق
جلابي = صاحب الحديدة
الحديدة = الحافلة او البص او اي وسيلة مواصلات
رقعة = عطية بلا داعي
بيجازك = شتت
شتت = اتفكفك
اتفكفك = امشي
فردة = صاحب للطيش


************* ***************** *****************
يكوضم = ياكل
سرسف = ملاه فل (ملاه فل دي زاته ملخبته عري وانجليزي )
حود = ابعد او زيح
انتر لا غادي = زيح شويه
زيح شويه = ابعد قليلا
يعني انتر لا غادي وحود وااااااااااحد
ال كع = اسرع
الجضوم = الخدود
حظيرة البهائم = الزريبة

الفانوس = اللمبة

مكان حصاد الذرة = التقا
الجفير = بيت السكين او السيف
المشلعيب = يعني بمثابة التلاجه
والتلاجه زاتو سودانيه = الثلاجه او البراده
النضمي = الكلام = الحديث
المرق = عود في العرش
عود = خشبه
العرش = السقف
ويا كل النجوم مافي عوجة تب بنكملك النضمي جت

************** ***************** *******************

سجمممممممنا الرندوق التاني ده منو ؟
ولييييييييييييييييييييييييييلة وووووووووووووب

نجي لكلام الحريم
سجمنا ما لاقي ليها مرادف في اللغة لكن ممكن نقول عليها كلمات استغراب
ووووب نفس الشئ وممكن نطلق عليها كلمات هجيمه
اجي = كلمت تعجب
كر علي = ؟؟؟؟
والله حقو الحاجات دي نخليها لاخواتنا ناس اميمة عشرية، وغيرهن من المعانا في المنتدي والبنات الفي الراكوبه والرواكيب المجاوره يتناقشو فيها في برلمان النساء اقصد في بيت البكاء .......


وحنجيكم بالجديد........... تابعونا
جااااو.......... قاطع وشي منكم.......... ما اكون قديتكم.............

مع السلامه ما تنسو لي تردو وتدونا العندكم من رناديك (جمع رندوك) جديده ودمتم......!!!!!!

na_hosha@hotmail.com

[مختار بازى]

الفارات = دي الناس الماناقشين حاجة اي بمعني ما عارفين اي بمعني غيرمفتحين اي بمعني ما اولاد سوق اي بمعني اولاد راحااااااااااااات اي بمعني ما مدردحين اي بمعني ما احتكوا بالخشنين اي بمعني اولاد ماما وبابا,,,,

[mahagoub]

يا اخوى فى حاجات ما دارجيه ولا حاجه .
جبتهم من وين ما عارف
لانو لغتنا الدارجيه او ( العاميه ) هى عربية فصحه
الظاهر هى لغة هذا العصر

ودمتم

[انوريكا]

معقوله كلهم يكونو ما (قانشين)حاجة، والله عوجه انت عارف المتزوجين منهم بكونو مشغولين بي مسؤليات البيت ومططلبات( الولية) الما بتكمل، وبمناسبة المتزوجين ديل ،عندنا خالنا مفتح شديد فيوم ضرب تلفون لي صاحبو وانا كنت جنبو سامع الحوار الدار بيناتهم ودا جزء منو:
يا عثمان ازيك
انشاء الله( مريش) أقصد كويس
والله انا (زيتي)طالع
اسمع : ياخ انا الايامات دي( فلسطين)شديد
وبعدين الولية دي عامله( حامد بريمه) في الثامن والله
وهي مقبلة علي (نفيسة محمد احمد)
وبعدها اكيد (سمية عبد اللطيف)
والايامات دي (ابو اربعه) بقي غالي للدين
وانت عارف دا كوم( ونسيبه عبد القاسم)كوم تاني
لسانها منجل بس وكشافة حال
انت عارف بتقول لي من هسع اسمع هوي انا ما بعمل (شحاتة احمد شحاتة) من زول يعني حاجاتك كلها تكون جاهزة
شفت جنس دا، وانا هسع ضارب ليك والله (خوجلي عثمان) لكن اعمل شنو؟ مافي اليد حيلة
ودايرك تعمل لي (صلاح الدين)
ياخ كتر خيرك اها اجي اشيلها منك متين؟
اسمع عليك الله ما تعمل لي( شرحبيل)
يلا يا عثمان كتر خيرك
اها مع السلامة

طبعا خالي قايلني مسطح زي ناس المنتدي ديل وما فاهم حاجه ؟؟؟؟؟ فيا تري جد انا ما فاهم حاجة ولا انتو الطلعتو مسطحين...
فذي ما قلت ليك يامختار بازي إحتمال الناس دي تكون ظروفها زي ظروف خالي دا ،،،،، وهم اكيد مفتحين وحيشاركونا في ونستنا دي.........!
ودمتم

[انوريكا]

والله يا خال محجوب دي لغة اولاد السوق ، في بعض الناس ما عندهم علم بيها فقلنا نوضحها ليهم عشان بعدين ما يهزلو بيهم في الاسواق (بالراندوق).... ودمتم

[mahagoub]

فعلاً دى لغة سوق, لغة عصر .
لغة جماعة متفاهمين عليها !!
لغة افراد , وهلم جر

ودمتم

[هشام السماني إبراهيم]

الهبووووود = الرماد



موضوعك جميل

تقبل مروري اخي العزيز

دمت في رعاية الله وحفظه


لي عودة مرة اخرى

[ود المطامير]

طبعا خالي قايلني مسطح زي ناس المنتدي ديل وما فاهم حاجه ؟؟؟؟؟ فيا تري جد انا ما فاهم حاجة ولا انتو الطلعتو مسطحين...

حبيبنا الغالى .. أنور ..
أنا شخصيا مسطح ومافهمت أى كلمه من كلامك
وبابا رجل أعمل كبير وعشنا حياتنا كلها فى فيلا فى المهندسين
وعمرنا ما سمعنا بالطايوق والواسوق والسريقه ولا بنعرف أبو الجندى المعذب
ناس مدنى اليومين دول .. وما حصل شفنا المدقاق ولا المدرار ولا المحويب
حصل فجيت موية الترس فى البلدات تزح أبوالضبضوب جاى جاى وشربت ؟
حصل لميت بعر الحمير وعملتو زباله حوش بيتكم ليست ؟
نحنا مسطحين ؟
قايلنا من وين جاين ؟
نحنا أولاد زرايب البقر والكمائن وخمج الطين

[مختار بازى]

حبيبنا الغالى .. أنور ..
أنا شخصيا مسطح ومافهمت أى كلمه من كلامك
وبابا رجل أعمل كبير وعشنا حياتنا كلها فى فيلا فى المهندسين
وعمرنا ما سمعنا بالطايوق والواسوق والسريقه ولا بنعرف أبو الجندى المعذب
ناس مدنى اليومين دول .. وما حصل شفنا المدقاق ولا المدرار ولا المحويب
حصل فجيت موية الترس فى البلدات تزح أبوالضبضوب جاى جاى وشربت ؟
حصل لميت بعر الحمير وعملتو زباله حوش بيتكم ليست ؟
نحنا مسطحين ؟
قايلنا من وين جاين ؟
نحنا أولاد زرايب البقر والكمائن وخمج الطين

علي اليمين يا أنورقـــــــــــــــدام الدكشنري دا انت طلعت ولد ماما وبابا

[mahagoub]

حبيبنا الغالى .. أنور ..
أنا شخصيا مسطح ومافهمت أى كلمه من كلامك
وبابا رجل أعمل كبير وعشنا حياتنا كلها فى فيلا فى المهندسين
وعمرنا ما سمعنا بالطايوق والواسوق والسريقه ولا بنعرف أبو الجندى المعذب
ناس مدنى اليومين دول .. وما حصل شفنا المدقاق ولا المدرار ولا المحويب
حصل فجيت موية الترس فى البلدات تزح أبوالضبضوب جاى جاى وشربت ؟
حصل لميت بعر الحمير وعملتو زباله حوش بيتكم ليست ؟
نحنا مسطحين ؟
قايلنا من وين جاين ؟
نحنا أولاد زرايب البقر والكمائن وخمج الطين

الحمد لله انك اتراجعت فى اخر دقيقه من تربية الخواجات والاكل بالشوكه
والعوده لملاح ام بقبق والمقشاشه والمحراكه وهو لبلب شد واركب

[mahagoub]

الهبووووود = الرماد



موضوعك جميل

تقبل مروري اخي العزيز

دمت في رعاية الله وحفظه


لي عودة مرة اخرى

كترخيرك العرفت الهبود يا ود الاغتراب

[ود المطامير]

علي اليمين يا أنورقـــــــــــــــدام الدكشنري دا انت طلعت ولد ماما وبابا

هههههههههههههه
والله يا مختار شكيت محنك
ضحكتنى لما دمعت

[ود المطامير]

الحمد لله انك اتراجعت فى اخر دقيقه من تربية الخواجات والاكل بالشوكه
والعوده لملاح ام بقبق والمقشاشه والمحراكه وهو لبلب شد واركب

عمّى الحبيب
بمناسبة الأكل بالشوكه
مره فى رمضان دا عزمونى عيزومه فاخره
وجمبى الأكل أشكال وألوان لكن صحن العصيده بالنعيميه كان بعيد منى
ومارفعت عينى منو والجماعه ولا شغالين بيهو قام واحد كبير لاحظ لى
وقال ليهم أدو الجنا صحن العصيده داك والله يعاين ليهو وداير يبكى .

[انوريكا]

شكرا علي المشاركه، بس انتو عشتو زمنكم وكان ليكم لغتكم، والزمن دا اكيد زمنا،، وفي حاجات كتيره احتمال تكون رايحة ليكم؟
وريحتني شديد ياود الفلل والناس الهاي، ناس الشوكه والسكين، يالقبضتو الجراد، يالشركتو في الخيران!

[انوريكا]

انتو عارفين داير اقول ليكم (السر قدور) والكلام دا ما يعمل(طلايع الجهاد) لي بره،عارفين انو الايامات دي مدني(عبد الله الترابي)و(الحردلو)مسيطرين علي اجواء مدينتنا الجميله،فالواحد لو عمل (طلعت فريد) بره البيت الايعمل(فاتن حمامة) عشان يعمل(إقبال عبد القدوس) لي حبيبتو! ويعزمها(عشه الفلاتية)!!!!!!

[انوريكا]

الما فهم نحن موجودين واخوانا كمان يعني ممكن تستشيريهم في اي شي ما قدرتوا تعرفوا وافتكر انو المعني واضح!!!!!
وتابعونا وسوف ناتي اليكم بالجديد


انوريكا والراندوقيكا الغريبكا ! وطبعا يااخوانا دي اللغتيكا الجديدتيكا

[مختار بازى]

انتو عارفين داير اقول ليكم (السر قدور) والكلام دا ما يعمل(طلايع الجهاد) لي بره،عارفين انو الايامات دي مدني(عبد الله الترابي)و(الحردلو)مسيطرين علي اجواء مدينتنا الجميله،فالواحد لو عمل (طلعت فريد) بره البيت الايعمل(فاتن حمامة) عشان يعمل(إقبال عبد القدوس) لي حبيبتو! ويعزمها(عشه الفلاتية)!!!!!!

اها النفتو ليك
عايز تقول سر والكلام ما يطلع لي برا والجو اليومين دي في مدني تراب وحروانت لوعايز تطلع تقابل الحناااااااااااااااااان لازم تاخد دش عشان ما تعزمو لي العشاء

ولا شنو يا حـــــــبة

لكن شكلك انت تفتيحــــــــة كرت كرتون الكلام دا اقدم من حفر البحر

[انوريكا]

انا ما تفتيحة بس داير اوري الما (ناقشين) وانت الظاهر عليك ..............!
مشكور

[zukibush]

السلام عليكم اخواى اللزاز
والله مانى بت بابا وماما لكن والله العظيم ما فهمتا حاجة
ممكن تفسروا
تحياتى

[ود المطامير]

[quote=anwar6;249014]التكل هو المطبخ
الكذلك = السكين
الكنش = المفراكة
الخدرة = الملوخية
بصل المكادة = الثوم
+++++++++++++++++++
يا سلااااااام
والله فعلا ( ( كلام السودان الوطن الواحد ) )