شايلك معاي و ادفق بطيبة العيون
وكتين أسير مشوار براي
و اتاتي زي رمشاً حزين بكى الصباح
واتمسى بي حزنو المساء
وابقى الوحيد
زي بلبل فقد الجناح هاجر جناه على الصقيع
كاس لبوادي مِشمِسة
وارحل شواطئ الغربة مغلوب بالرياح
وانحت حروف فوق الصخور و اتحسسا
وابعث غناي مع كل آها و كل زفرة
وكل ضحكة مونسة
شان تمشي لعيونك تعيش وتونسا
واتخيلك وكتين اشوف أُماً تهبب لي عروس
وقت الزفاف و ترقصا
وارحل بعيد فوق شعرها
زي مركب نشوان مشى
فوق موج و شلالات
و آخر المطاف فوق شط حنان
مهجور زمن راح واتنسى
وزي ريس الساري الغريب
غالَب ليالي الشوق على الساري إتكى
ورش الدموع بي رعشة الغيم البكى
ودس الانين فتق جراحات الحنين
في الغربة باسة و وَشوَشا
واتذكرك وكتين اشوف لارنجة تتحدى الرياح
عِز السموم صدر الشتاء
وتمد غلالها على الهجير تفرح تفّرِح في الرياح
و توسوِسا
واستمتعوا بالنغم المشحون دفء
والشبعان مزيكا
ومراكب الشوق من ابداع الشارع محمد الحسن
وروعة الموسيقار محمد الامين
Download click here
رد مع اقتباس
المشاركة الأصلية كتبت بواسطة hamad2
المفضلات