خفيف خفة !!! ..

[معتز الريح]

الموضوع لا علاقة له بالوزن بتاتاً ..
ولا دخل للديناميكا نهائياً هنا ..

ولكن له علاقة بإنعدام الركوز القلبي ..

[معتز الريح]

كل من تطابقت شخصيته مع هذا البوست .. فما ذنبي ..

وما يلوم إلا نفسو ..

[معتز الريح]

عينها جات في عينو ..
والله صدفه ..

ألّف الحكايات والأساطير ..
وحلف أنها كانت بتعاكسو ..

[معتز الريح]

إتصال غلط على الموبايل ..

هي : السلام عليكم ..
هو : وعليكم السلام ..

هي : خالد النور ..
هو : لا معتز الريح ..

هي : معليش الرقم غلط ..
------------------------

قال لنفسه ..
البت دي قاصده .. وعايزاني أنا ..
لكن دي حركات منها ..

[معتز الريح]

صديقة أخته ..
غلطت وقالت ليهو ..

إزيك يا فلان .. مشتاقين ..
-------------------------
ما نام الليل ..
قال شنو .. بفسر في مشتاقين دي ..

[معتز الريح]

العينه دي ..
أي بت تضحك معاهو ..
معناها اتكسرت فيهو ..

[خالد النور]

إتصال غلط على الموبايل ..

هي : السلام عليكم ..
هو : وعليكم السلام ..

هي : خالد النور ..
هو : لا معتز الريح ..

هي : معليش الرقم غلط ..
------------------------

قال لنفسه ..
البت دي قاصده .. وعايزاني أنا ..
لكن دي حركات منها ..

يا معتز البت قالت ليك خالد النور. ما كان تقول ليها اى خالد النور ما عادى الزمن دا الناس بقت تتقمص شخصيات الغير

[خالد النور]

صديقة أخته ..
غلطت وقالت ليهو ..

إزيك يا فلان .. مشتاقين ..
-------------------------
ما نام الليل ..
قال شنو .. بفسر في مشتاقين دي ..

كيس نايلون وهواء شايلو. دا داير ليهو حبوب حنانومايسين

[خالد النور]

العينه دي ..
أي بت تضحك معاهو ..
معناها اتكسرت فيهو ..

والله دا خفيف خفة السنين

[معتز الريح]

يا معتز البت قالت ليك خالد النور. ما كان تقول ليها اى خالد النور ما عادى الزمن دا الناس بقت تتقمص شخصيات الغير

حسه أمكن طالباك قروش ..

[معتز الريح]

دا داير ليهو حبوب حنانومايسين

حنانو مايسين ..
دي حبوب الحساسية العاطفية ..


أسمع .. وصف لي مكانها

[خالد النور]

حسه أمكن طالباك قروش ..

أنا الطالبة قروش؟؟؟

[خالد النور]

حنانو مايسين ..
دي حبوب الحساسية العاطفية ..
على حسب الدوز بتعالج، سلاح ذو حدين

أسمع .. وصف لي مكانها

من صيدلية العشاق. فى الجامعة الأهلية جنب حديقة البروف

[معتز الريح]

طبعاً هذا الدنجوان ..
مفهم كل من له به علاقة ..
بأن بنات الجيران ..
وبنات الأعمام وبنات العمات ..
وبنات الخيلان وبنات الخالات ..

كلهن جاريات وراهو وساكنو..
وهو بيني وبينكم ..
كلب الجيران ما بسكو..

[هشام السماني إبراهيم]

والله دي بالغت فيها يا ود الريح

[هشام السماني إبراهيم]

طبعاً هذا الدنجوان ..
مفهم كل من له به علاقة ..
بأن بنات الجيران ..
وبنات الأعمام وبنات العمات ..
وبنات الخيلان وبنات الخالات ..

كلهن جاريات وراهو وساكنو..
وهو بيني وبينكم ..
كلب الجيران ما بسكو..

بس والله مرات الحركة دي بتنشف الريق

اوع تكون حصلت معاك ياقريبي

اكتم

[وائل]

والله يامعتز في ناس كتير كدا بيعانو من مشكلة الركوز القلبي أو بمعني تاني خفيفين جدا وكلمة إزيك ووينك ماظاهر معناها خلاص الحب الطاهر
ده النوع البيكون ماخالط الجكس والبنات أو يكون ماعندو أخوات أو بنات خالات ودي مشكلة بالجد بيعانو منها كتير من الشباب وهي قلة اجتماعهم بالبنات وكيفية مخاطبتهم والتعامل معاهم ...

[GREY MAN]

ود الريح
انت حكايه...ربنا يخليك

[المكاشفى]

معتز جيب من الآخر ..........
انت مالك ياخوى الحاصل شنو ؟؟؟؟؟
واوريك ليهم البعانو من العمى الجكسى
والارق المتناول بعد كلو بسمه.....
..
..
..
..
..
ديل المغتربيين..
وله شنو ياهشام السمانى؟؟؟؟

[معتز الريح]

والله دي بالغت فيها يا ود الريح

بالغ الزول الوهمان ده ..

[معتز الريح]

اوع تكون حصلت معاك ياقريبي
اكتم

كتير ..
ولو كنت بكتم ما كان جيت عملت البوست ده ..

[عوض صقير]

أخى معتز الريح

يبدو أن الشخصية التى يتناولها هذا البوست مصابة بمرض وهذا النوع من المرض يسمى بالوهم وهو مرض من الأمراض الروحانية ... وهو مايقع فى الذهن من الخاطر ويقوم بتضخيم الواقعة إلى عدة أضعاف غير حقيقية .. سواء كانت الحالة من الظن أو التخيل ..... نسأل الله أن يشفيه

[معتز الريح]

بيعانو من مشكلة الركوز القلبي ...

ونحنا كمان بنعاني معاهم ..
عشان الزول العندو المشكلة دي بكون برررررررررراي

ده النوع البيكون ماخالط الجكس والبنات أو يكون ماعندو أخوات أو بنات خالات ودي مشكلة بالجد بيعانو منها كتير من الشباب ...

بالعكس .. ديل بكونوا يومهم كلهم مع الجكس لكن عدم الثقة بالنفس بتمها كضب ..

------------------------------------
جيب أضانك .. عشان ما نظلم الأولاد
في بنات عندهم نفس المشكله ..
العندو شجاعة يجي يحكي عنهم ..

[معتز الريح]

انت حكايه...ربنا يخليك

الحبيب ..
بالله الشخصية دي ما قابلتك كتير ؟؟

في شخصية تاني .. مرت عليك؟؟
البكون عامل ليك فيها منقط الكورة ..
وهو ما عندو أي كوره وبتمها مشاكل ..


هوي .. أنا ما قاصدك ..

[معتز الريح]

معتز جيب من الآخر ... ديل المغتربيين..
وله شنو ياهشام السمانى؟؟؟؟

الحبيب المكاشفي ..
أنا جايب من الآخر ..
وبصراحة أنا ما قابلت العينة دي في المغتربين ..
ولا قاصدهم ..
-------------------------------------------
لكن تعال قول لي ..
هشام السماني ده قابض عليهو حاجه ؟؟؟؟
تعال لي بالخاص ..