أيها الأحباب
من فتره والمنتدى ككل حالو ما بتسر عدو ولا صديق
وكل يوم ماشى بالنازل وكل يوم سكون وركون وفقد
الكتير من ألقه ورونقه وجاذبيته !!!
أها .. فى الفتره الأخيره دى كترة حكاية النسخ واللصق
من غير ما يقول إنو الموضوع دا تعب وعِرق فيهو فلان الفلانى
والكتير من البوستات إتكلمت فى الموضوع دا ولكن لا حياة لمن تنادى
أنا كنت لما ألقى موضوع منقول برسل رساله خاصه لناقل الموضوع
لكى يكتب عليه منقول وما لقيت غير الطناش بل مره رد علىّ واحد وقال لى
_ انت مالك دا المنتدى العام مش النفاج
أها .. من يومها وأنا أقسمت أى موضوع منقول واللى ناقلو ما موضح إنو منقول
طوالى أخت ليهو الرابط اللى يوضح إنو الموضوع منقول والرهيفه التنقد.
نقل المواضيع مش عيب بل بها فوائد جمّه ولكن العيب هو أن ننسبها
لأنفسنا ونهضم حقوق الآخرين .
قد يقول قائل .. إحتمال ناقل الموضوع ينسى أن يكتب كلمة منقول
ما رأيكم فى عضو ناقل كم موضوع من غير ما يوضح إنو المواضيع دى منقوله.
هذا ما قاله اخونا ود الطامير.
وكلنا نعلم ان المواضيع المنقوله لها فائده جمه والعضو الناسخ غالبا لا يكون ملما بكل خبايا الموضوع لذا طرات فكرة انشاء بوست خاص للمواضيع المنقوله ليكون لنا مناره ونسال الله ان يوفقنا جميعا في اختيار المواضيع التي تنفعنا دنيا واخره.
رد مع اقتباس
المشاركة الأصلية كتبت بواسطة محمد يوسف
المفضلات