إزيكم يابنوت
كثير من عاداتنا وعادات حبوباتنا الكانت زمان إختفت وإندثرت وأصبحت لا أثر لها ... بقينا نسمعها ونسه في خشوم (خشوم جمع خشم) حبوباتنا وأمهاتنا...
من العادات دي ... الكركار ... وهو عبارة عن دهن وشمع ... ويستعمل كدهن للشعر لما فيه من غذاء للشعر ،،
وزمن حبوبتي ما كان في وحدة بتسرح شعرها إلا بالكركار ,,, والشعر كان ماشاء الله وتبارك الخالق... حاجة جميلة شديد
لكن البنوت في زمنا دا أظنهم زاتو مابعرفو الكركار دا عبارة عن شنو ؟؟؟؟
وحتى لو بعرفوه ... الواحدة تقول ليك يخييييييييييييييييي كركار !!!! كركار شنو دا البسرح بيهو شعري !!!! مالو كريم باراشوت !!! مالو كريم بالمرز !!! مالو كريم صانسيلك !!!! ومالو........ ومالو............ ومالو............ ؟؟؟؟؟
وبعد الكريمات دي كلها تلاقي الشعر زي ضنب الفار!!!!
ياحليلك يالكركار !!!
يابنوت أرجعو لي قواعد حبوباتكم ،،، وكدا جربو الكركار !!!!
رد مع اقتباس
المفضلات