حنكشه مصطنعه

[omerahmed5]

الحاج فلسفه بقول انو الحنكشه الما با ها بترمي سيدها فى الواطا و بطب منكم اى واحد لاقاه موقف حنكشي مصطنع يوريه لينا يعني زي شنو :
طالبة جامعية ذهبت لزيارة زميل لها من ابناء القرية شافت ليك عجل عمر اسبوع ينطط في الحوش يمين وشمال زي رونالدينهو قامت قالت لام زميلها (دا ود الغنماية ) علما بان هذا المتحنكشه بتقرا زراعه؟
حنكوشه بتقول لي باباها ( لو ما اشتريت لي سيارة اقدمها هدية لزميلي في الجامعه بمناسبة عيد ميلاده والله امشي مع صاحبتي القروية و تاني اكل معاهم (الويكة) علشان انتحر واريحكم ) ممكن يكون عندنا زي دا ؟ .......ارجو الافاده

[علياء]

الاخ عمر لك التحية والاحترام

انا لمن اشوف ليه بنت بتصطنع الحنكشة او الدلع بقعد اضحك عليها عارف كيف هي مابتدلع بتتاهبل وبتحاول قدر ما

تصتطيع تظهر للحوليها انها رقيقه ورشيقه ودمها خفيف لاكن للاسف العكس

بعدين للدرجات دي الويكة بتسمم هههههههههه ظريفه

[محمد موسي الصديق]

يا اخي عمر ممكن يكون في زي دا لكن مابالدرجه الإنت بتتكلم عنها دي و مسألة العجل دي ممكن لان في ناس من ماولدو ماشافو حيوانات لكن دي مصتنعه أكيد لانها يتدرس زراعه...وصاحبتكم العاوزه تنتحر بالويكه دي حقو تسوقها لينا الجزيره عشان ما تتلقي في قبرها..لكن في ناس الي الان يكونوا ما اكلو ويكه ولا بعرفوها ولاشافوا بوزرعوها كيف مع العيش...