شكله مع خواجه

[ود المطامير]

أمس الصباح كنت واقف فى أعلى قمة جبل عندنا فى الجزيره
وعُمالى معاى وكنت بصور فى معالم الجزيره .. يا حليلها قاعدين يعملوا ليها فى إعادة تدوير بدل ماهى محميه طبيعيه خلابه للحيوانات ح تكون محميه طبيعيه للخواجات
فلل , ملاعب تنس مفتوحه , شاليهات , حمامات سباحه , قصور , حدائق عامه . منتزهات , والشئ داك اللى بيمشى من جبل لجبل بالسلك .. والله مش عارف بس التقول على تلفريك بارات , فنادق .. كل ما يسر الخاطر

أها قلت أصور الغابات والحيوانات علشان بعد 20 سنه لو الله مد فى العمر أجى أبيع الصور دى وأنا واقف بصور جا خواجه وقف هناك وضرب لى بورى وأشار لى بيدو قال لى تعال .. عاينت ليهو كدا وقلت ليهو .. إنت قايلنى هندى شغال فى مطعم ؟ خلى ولى
أها صاحبنا نزل من السياره وجانى وقال لى .. ها وار يو ؟
قلت ليهو تمام والحمد لله باللنقليزى طبعا .. أى والله سلام الخواجات حافظو تب
أها .. أكان صاحبى دخل ليك فينى وشبكنى بإنقليزى أصلى التقول قالوا ليهو ود المطامير دا درس فى إكسفورد , قلت يا ولد .. على شنو وشبكتو ليكم يس .. أوكى .. نو بروبلم
وطبعا الخواجه بتكلم فى وادى وأنا برد ليهو فى وادى تانى وفجأه شفت ليكم الوش حقو بقى ذى الفشفاش وقصقص جبينو وقلب عويانتو الخدر و .. شتمنى .. أى والله شتمنى وقايل نفسو أنا مسطح قال يشتمنى , بس هو شتمنى شتيمه أنا حافظها عن ظهر قلب عشان مرت على مليون مره فى الأفلام الأجنبيه وقلت كدا قمت فوق وأديت الكاميراء للهندى اللى معاى ومديت أصبعى جمب عينو وهجت ليكم فيهو وقلت ليهو
_ هوووووى ها .. تفك يونى أنا ؟ أفكك فك نزار للسفروق زمان إنت أهبل ولأ شنو ؟
والله هسى أقد ليك عينك الخدراء دى الذى ضراب البلّى دى .. شوف دا عليك الله
وشديت عضل يدى اليمين وضربته تلاته مرات بيدى اليسار وقلت ليهو
_ أنا سودانى .. حفيد محمد أحمد المهدى وإنت حفيد قردون باشا والله الليله أبشتنك فى الجبل دا بشتنه جد .. طبعا كلامى ليهو كلو باللنقليزى بس لو كتبتو باللنقليزي اللى بيترجم لناس ود البشير منو ؟ الأفغانى ؟
أها الخواجه قام رفع يدينو وأنا طوالى عمرت بُنيتى
أكان أسمع ليك أيام سورى رقدت هبطرش ومشى ركب عربيتو وإتلفت كدا وشال ليهو
علبة بيره بااااااااااااااااااااااارده فتحها ومع برودتها وبرودة الجو طلّعت بوخ
ومشى وخلانا نتمنطق .

[GREY MAN]

قلته لي يا ود المطامير حرارة قلب ساي خليتو يرجف.عفيت منك ودي المحريه فيك شيال تقيله.
لكن بيني وبينك الخواجه ده ود قبايل ولا لوتري.

[عمر البشير]

هوووووووووووووووووووي ياود المطامير الخواجه ده تحت تحت عايز يرسل قوات للنفاج اها ضيعتو علينا

[نزار حسن محمد]

والله ياخوانا ...انا متخيل شكل ود المطامير وكلامه مع الخواجه ..ومصارينى اتقطعت من بالضحك....اتصلت على ود المطامير وحكيت له حكاية محمد القروى الكان ساكن فى قريه وشابك ناس القريه بانه ملك الانجليزى وطبعا ناس القريه ما فاهمين شى من البقوله شابك لك الناس(( هلو.. هواء ريو.. بنسون انذ هدجز..بكوص دظ)) آها ناس القريه سموه محمد الخواجه ..وفى يوم جاهم خواجه بالجد فى الحله الجماعه قالو الوحيد البقدر اتفاهم مع الخواجه ده محمد ..جاء محمد وشبك الخواجه ((هلو..بنسون اند هدجز وهلم جر ..الخواجه ما فاهم حاجه قال لمحمد ..((وط ..ساى)) ..ماذا تقول
ومحمد مواصل(( هلو هواء ريو كنت ..كوكولا ..دظ )) يازول الخواجه عاين لمحمد ذى نظرة الخواجه بتاع ود المطامير ورفع يده وطاخ ضرب محمد كف ..ناس القريه قالو لى محمد يازول الخواجه ده مالو ضربك كف ..رد عليهم محمد وقال ليهم الخواجه قال لى انت ما دام بتعرف انجليزى قدر ده المقعدك شنوا مع البجم ديل))

[ود المطامير]

قلته لي يا ود المطامير حرارة قلب ساي خليتو يرجف.عفيت منك ودي المحريه فيك شيال تقيله.
لكن بيني وبينك الخواجه ده ود قبايل ولا لوتري.

المصيبه يا حبيب قلبى
ود قبايل
العيون الخدر بتقول كدا
والرداء رغم إنو الجو بارد
هع هع هع هع

[ود المطامير]

هوووووووووووووووووووي ياود المطامير الخواجه ده تحت تحت عايز يرسل قوات للنفاج اها ضيعتو علينا

هع هع هع هع
النفاج ؟
إنت مسافر
والكاشف أخوى حالف
الله يكون فى عون النفاج بس

[ود المطامير]

والله ياخوانا ...انا متخيل شكل ود المطامير وكلامه مع الخواجه ..ومصارينى اتقطعت من بالضحك....اتصلت على ود المطامير وحكيت له حكاية محمد القروى الكان ساكن فى قريه وشابك ناس القريه بانه ملك الانجليزى وطبعا ناس القريه ما فاهمين شى من البقوله شابك لك الناس(( هلو.. هواء ريو.. بنسون انذ هدجز..بكوص دظ)) آها ناس القريه سموه محمد الخواجه ..وفى يوم جاهم خواجه بالجد فى الحله الجماعه قالو الوحيد البقدر اتفاهم مع الخواجه ده محمد ..جاء محمد وشبك الخواجه ((هلو..بنسون اند هدجز وهلم جر ..الخواجه ما فاهم حاجه قال لمحمد ..((وط ..ساى)) ..ماذا تقول
ومحمد مواصل(( هلو هواء ريو كنت ..كوكولا ..دظ )) يازول الخواجه عاين لمحمد ذى نظرة الخواجه بتاع ود المطامير ورفع يده وطاخ ضرب محمد كف ..ناس القريه قالو لى محمد يازول الخواجه ده مالو ضربك كف ..رد عليهم محمد وقال ليهم الخواجه قال لى انت ما دام بتعرف انجليزى قدر ده المقعدك شنوا مع البجم ديل))

هع هع هع هع
أبوسفروق رفيق السلاح
وحاة الله لو الخواجه دا مد يدو على
أكان أدردق بيهو من الجبل لحد الخليج

لكن لو هو مشى معاى لقدام كنت ضربت تلفون
لخواجتنا .. عزيز عيسى .. يمنطقوا لينا باللنقليزى تمام

[ريانية]

مرحبا ود المطامير.. والله جامد لقيتك لان في بعض الاحيان اللي بسوي السويته دا مع خواجة ثاني كان راح فيها وكويس ان انت اديت الخواجة دا العين الحمرة واتأسف ليك يا سلاااااام عليك بس ما قلت لي الخواجة دا ماله متسبب جايك ياخي اتقول علي قاصدك عديل كده...
تقبل تحياتي .. ريانية..

[باسطه]

هههههههههههههههههههههههههه

ياود امي شكيت محنك

الخواجه بتاعك ده made in china ولا شنو بالميت كده مفروض يكون عندوا حصانة دبلوماسية يعني كان ممكن يدردق بيك عااااادي وإنته التروح فيها

وكمان ده لو إتشاكلته معاهوا وكسرته فيهوا حاجه قطع غياروا غاااالية هههههههههههه

[ود المطامير]

مرحبا ود المطامير.. والله جامد لقيتك لان في بعض الاحيان اللي بسوي السويته دا مع خواجة ثاني كان راح فيها وكويس ان انت اديت الخواجة دا العين الحمرة واتأسف ليك يا سلاااااام عليك بس ما قلت لي الخواجة دا ماله متسبب جايك ياخي اتقول علي قاصدك عديل كده...
تقبل تحياتي .. ريانية..

مرحب حباب أختنا .. ريانيه
والله صدقتى .. التقول محرش
بس خليتو إجرى ويتلفت
هع هع هع هع

[ود المطامير]

هههههههههههههههههههههههههه

ياود امي شكيت محنك

الخواجه بتاعك ده made in china ولا شنو بالميت كده مفروض يكون عندوا حصانة دبلوماسية يعني كان ممكن يدردق بيك عااااادي وإنته التروح فيها

وكمان ده لو إتشاكلته معاهوا وكسرته فيهوا حاجه قطع غياروا غاااالية هههههههههههه

شكيت محنك يا الحبيب
كتلتنى بالضحك
يازول ها .. أنا اليوم كلو خاتى يدى فى قلبى
لو هو وصلها المكتب كان طيارتى قامت
هع هع هع هع هع هع

[جنيـــــدو]

هههههههههههههههه

ود المطامير


بترمي لي قدام

حكاية الصور دي عملة واحد مصري قبلك .


- لكن الخواجة ده لو اشتغل معاك كونفو تعمل شنو -

[ود المطامير]

هههههههههههههههه

ود المطامير


بترمي لي قدام

حكاية الصور دي عملة واحد مصري قبلك .


- لكن الخواجة ده لو اشتغل معاك كونفو تعمل شنو -

هع هع هع هع
العكاز قاااااعد

[ابوموده]

ود المطاميرالشكية لي اللة الخواجة دة بخيل كده مالو اكان بعد ماقال سوري عزمك علي قزازة بيره تبرد جوفك وتفش غبينتك فات وخلاك تتمطق اقعدو عافية ناس النفاج

[ود المطامير]

ود المطاميرالشكية لي اللة الخواجة دة بخيل كده مالو اكان بعد ماقال سوري عزمك علي قزازة بيره تبرد جوفك وتفش غبينتك فات وخلاك تتمطق اقعدو عافية ناس النفاج

هع هع هع هع هع
والله يا حبيب قلبى كتلتنى بالضحك
تقول شنو عاد وعُمّالى يلكزوا فينى علشان أشحدو علبه
هع هع هع هع
يا أبو موده
الله يخليك لى يا رب

[المسافر]

عافي منك تب
وعارفك ما بتقصر كان في الشكلة
ولا كان في علبة البيرة
الجابا ليك .

[راسكال]

ود المطامير

كان تنادينى انا والتيمان

نوضبو ليك

[ود المطامير]

عافي منك تب

وعارفك ما بتقصر كان في الشكلة
ولا كان في علبة البيرة

الجابا ليك .

هيييييييييع أنا أخوك إت

بس ما جابا لينا شفطها براهووووووووو

[ود المطامير]

ود المطامير

كان تنادينى انا والتيمان

نوضبو ليك

أى والله يا حبيب قلبى
دى فاتت علىّ

لكن ما عليك جماعتك دول ملوا الجزيره
وأخوك شليق عشان كدا خليكم جاهزين

[ابودجانه العباس]

و .. شتمنى .. أى والله شتمنى وقايل نفسو أنا مسطح قال يشتمنى , بس هو شتمنى شتيمه أنا حافظه وقلت ليهو
_ هوووووى ها .. تفك يونى أنا ؟ أفكك فك نزار للسفروق زمان إنت أهبل ولأ شنو ؟
.

حبيب قساي بعدالسلام عليكم ومشتاقين وحاجات تانيه حامياني بناقشك فيها بعدين
عاوز أقول ليك والله ما عجبني ليك.
علا العمبلوق دا اريتو إنشاءالله بالتفكك عينو وتفكك عضامه عضم عضم وتخليهو زي قالب الجلي الجني دا آبيعرفنا نحن وقت الحاره بنسوي شنو.
عليك امان الله دا من طرف اللسان لحدى ما ألم فيه في (سمول ستريت). وبوريك شغله كويس.

[ود المطامير]

حبيب قساي بعدالسلام عليكم ومشتاقين وحاجات تانيه حامياني بناقشك فيها بعدين
عاوز أقول ليك والله ما عجبني ليك.
علا العمبلوق دا اريتو إنشاءالله بالتفكك عينو وتفكك عضامه عضم عضم وتخليهو زي قالب الجلي الجني دا آبيعرفنا نحن وقت الحاره بنسوي شنو.
عليك امان الله دا من طرف اللسان لحدى ما ألم فيه في (سمول ستريت). وبوريك شغله كويس.

وررررروووووووووك
دا منو دا ؟
أبودجانه العباسى ؟
أنا فى حلم يا ربى ولأ فى حلم ؟
ياخى بالغت عديل كدا
والله مشتاقين يمين بالله مشتاقين

عليك أمان الله انت فكفكتو فكفكة الجن اللحمر
والحاله دى من طرف اللسان والله عفيت منك

والله يا حليلك وحليل الدُعا اللى الرساله ما تحصلك فيهو

إشتقنا ليك يا زول يا سمح
عليك الله تانى ما تطول الغيبه .. عليك الله

[ابودجانه العباس]

و .. شتمنى .. أى والله شتمنى وقايل نفسو أنا مسطح قال يشتمنى .

NTER]

هايا البتشبه الخنزير
تشتم أخوي ود المطامير
دا سيد سيدك يا العوير
ما سمعتو ساعة الزئير
أسداً راجيك يا البعير
يلم فيك بعد وقتاً قصير
أها لمن يشوفك وين تطير

[/CENTER]

[ام لارا]

انت يا يابه اريتك ولدي واعقر عليك عفيت منك يالدكران

[ود المطامير]

NTER]

هايا البتشبه الخنزير

تشتم أخوي ود المطامير
دا سيد سيدك يا العوير
ما سمعتو ساعة الزئير
أسداً راجيك يا البعير
يلم فيك بعد وقتاً قصير

أها لمن يشوفك وين تطير

[/center]

والله عفيت منك
أى أديهو والله هو قايلنى ما عندى ضهر
والله عندى الشعراء والدعايين .. عفيت منك والله

وكمان عندى أخوى الخواجه عزيز عيسى والله أناديهو ليهو إلا يمنطقوا باللنقليز
لما يحتار هو مشى السودان لما يتكلم مع ناس البيت اللنقليزى برااااهو يدفق من خشمو
من كترتو .. وأكان قام جارى من الخواجه حقنا يلم فيهو حبيب الكل ود الماحى
ولا بيتعب نفسو معاهو بس يفك ليهو حبيبنا ( عمورى ) إلا يخليهو يقول السودان دا مقاطعه فى بريطانيا وأنا ما عارف ؟
هو قايل ما عندى ضهر ؟ وحاة الله أكلم ليهو أبوسفروق يديهو فى حنكو بالروسيه
لما يقول قورباتشوف دا الجابو صير بنى ياس شنو ؟
عاين المقفل دا عليك الله , والعجب لو ناديت ليهو حبيب قلبى أنيس يلم فيهو
بالتى ونج كنج تو لى لما يقوم جارى
عامل لى عيونو الخدر ديل .

[ود المطامير]

انت يا يابه اريتك ولدي واعقر عليك عفيت منك يالدكران

هييييييييييييييييييييع
أبشرى والله
وحاة الله طرت فووووق وأديت ليك الواطه بكراعى لما الفى الشارع جو جارين
قايلين همبوبة الغاز حقتى ضربت والحاله دى حفيان
هع هع هع هع

تسلمى يا أم لارا وربنا يحفظ ليك لارا وكل عزيز وغالى

وحاة الله كلامك دا ... أسعدنى سعاده أسكتى ساااى