دعيني أحبك....
من تكوني...!؟
ما إنت كون وهم...
وكبسولة خرافة...
موروثة من حبوبة ناسبت التتر...
مكتوب في عينيها محرقة المطر....
بتكفر بي فلسفة الخريف...
شاداها ملحمة النزيف....
شيطانة طلعت في السماء...
تسمع كلام الله البكره نكهتها....
متكية فوق عصب السحاب...
سليمان وقع... والجن قبض روح القمرا....
قلنالوا لا...
قال لينا لا... لو درتوها ادفعوا مهرها
قلنالوا كم مهرها...
انصت وقال.....
أول شعاع من القمرا يوم الله خلقك يا أرض...
وضلام أمس ونور بكرة قبل ما تجيء الشمس
وأدم يجيء ويسجد تحت سابع أرض لمن تنقلب...
وينعدم خوف جاذبيتك ويسجد النيل في السماء...
مجبورة إنت ترض الجن حبيب...
مجبورة إنت تركبي سلم الحس البدايتو صهيل عذابك
وفيهو تنويم مغنطيسك..
وفيهو سليمان اللسة واقف
بسمع قصة النملة البتعشق ليها فيل...
رد مع اقتباس
المشاركة الأصلية كتبت بواسطة عبدالله الشمراني
المفضلات