آسف والله يا شباب .. جد آسف
قبل كم يوم جانى ملف فى الماسنجر عاينت للإيميل كدا وما عرفتو
قالت كدا قامت حرب بين صوت العقل والشلاقه مرات أقول يا ولد خلى ولى وتانى رجعت وأقول أتلقى دى حاجه سمحه
وكدا بكون فوت على نفسى فرصه حلوه أها ما بين صوت العقل والشلاقه وأنا مالى ؟
عليكم نور زول شليق وقبلت الملف وحاة الله بعد نص ساعه ناس أبوظبى التلفونات تتلاطش ... يا ود المطامير الملف دا شنو الرسلتو لينا ؟
والناس البعاد سخنوا ماسنجرى بالأسئله .. وأنا أشيل وأعتزر .. أقوم فوق وأتحلف
والله ما رسلت ملف .. دا هو برااااهو مشى ليكم منى .. والمصيبه الملف بقى يجينى أنا من كل زول مشى ليهو من عندى وكلما أفتح الجهاز بلقى العشرات برسلوهو لى تانى
ذى كورة التنس لما تضرب بيها حيطه
يكون ياربى الزول اللى رسل لى الملف دا يكون عارفنى جايى من المطامير ؟
يا جماعة الخير .. كل من سببت له إزعاج أو ضرر أرجو المسامحه
دى شلاقة أخوكم الصغير أتحملوها ساااااى
رد مع اقتباس
المشاركة الأصلية كتبت بواسطة طلال الصول
المفضلات