اليوسي ماس ... وظاهرة الاحتباس

[عثمان جلالة]

أول تبادي ... العنوان لا غريب ولا حاجه ... والاحتباس هنا ... ما المقصود منو ... الاحتباس الحراري ...
نحن بنتكلم عن الاحتباس الفكري ... وده أخطر انواع الاحتباس

المهم نخش في الموضوع ...

The UC MAS أتمنى إنو أكون كتبتها صاح .... برنامج جديد لتنشيط الجزء الأيمن من المخ لدى الأطفال ... بحيث إنو يستطيعو حل أكثر من ثلاثون صف من المسائل الحسابية في سرعة مذهلة ... وتفوق لا محدود ...

العندو معلومات يدينا ليها

والله أنا فكرت جادي أخش البرنامج ده .. لكن قالوا من سن 6 سنوات إلى 12 سنة يعني بالعربي راحت علينا ... ولا في أمل

أها ... قالوا جايبنوا من ماليزيا (آسيا الحقيقية)

والمايك عندكم ... وبالتحديد عند العندو معلومات عن البرنامج الجديد ده

ولكم حبي

ممكن الواحد ... يقرا كده ... ويصبح استاذ في مادة اليوسي ماس ... برا غربة برا هم ... رأيكم شنو ؟؟؟؟؟؟

[بورتبيل]

حقيقة يا عثمان انا شفتا الموضوع بتاع اليوسي ماس دا في تلفزيون السودان ورغم انو طريقة الحساب فيه غريبة شوية والبنتين الكانن بحسبن في المسائل كان سريعات جداً .. الا ان الموضوع ادهشني جداً وكم تمنيت ان اخذ معلومة اكبر عنو ... على فكرة في ناس عندها معرفة بطريقة حساب اليوسي ماس دا .. وحسب علمي انو في مدارس في السودان بتعتمد العلم دا في مناهجها ... دقيقة دقيقة .. ما اي مدارس مدارس الناس الصفوة وانتا طالع يعني ما مدارس الصقيعة والخلا والصي.
منتظر معاك معلومات عن الموضوع.

[عثمان جلالة]

حقيقة يا عثمان انا شفتا الموضوع بتاع اليوسي ماس دا في تلفزيون السودان ورغم انو طريقة الحساب فيه غريبة شوية والبنتين الكانن بحسبن في المسائل كان سريعات جداً .. الا ان الموضوع ادهشني جداً وكم تمنيت ان اخذ معلومة اكبر عنو ... على فكرة في ناس عندها معرفة بطريقة حساب اليوسي ماس دا .. وحسب علمي انو في مدارس في السودان بتعتمد العلم دا في مناهجها ... دقيقة دقيقة .. ما اي مدارس مدارس الناس الصفوة وانتا طالع يعني ما مدارس الصقيعة والخلا والصي.
منتظر معاك معلومات عن الموضوع.

الحبيب مدثر ... والله فعلا حاجه محيره ... وأنا بالجد محتاج لمعلومات كتيره عن الموضوع .. بس لو بقى للصفوة دي تبقى مشكلة ... قالوا المدارس دي في الخرطوم ... العمارات ... لكن الرسوم الدراسية كم للطفل الواحد ؟؟؟

منتظرين واحد يمدنا بالمعلومات

[مثني ودالعيكوره]

والله يا جلاله ويامدثر الموضوع طقش اضاني لكن ما عارف الموضوع تفاصيلو شنو

بس ح اجتهد واشوف ليكم التفاصيل ان شاء الله

واشوف ليك واسطه يا جلاله علشان ندخلك ونلحقك الجماعه الماسيين ديل

[ريانية]

هلا عثمان..
والله انا ما سمعت عن الحاجة ابدا ويا دوب اسمعها منكم,
وهي فيها افادة كبيرة جدا؟؟؟؟

[معتز الريح]

شفت جزء من اليو سي ماس
في الحقيقة وبدون ضحك أنا قلت البتين ديل عميانين
ودي طريقة الحساب عند ناس برايل

طلعت أنا العميان .. وديل بحسبوها في الهواء ..

قال عميان قال ..
حساب ده يا مرسي ؟؟ ..

[عثمان جلالة]

والله يا جلاله ويامدثر الموضوع طقش اضاني لكن ما عارف الموضوع تفاصيلو شنو

بس ح اجتهد واشوف ليكم التفاصيل ان شاء الله

واشوف ليك واسطه يا جلاله علشان ندخلك ونلحقك الجماعه الماسيين ديل

عليك نور يا ود العيكورة ... وتفاصيل الموضوع تحير ... وأنا منتظرك .. والواسطه ما تنساها

[عثمان جلالة]

هلا عثمان..
والله انا ما سمعت عن الحاجة ابدا ويا دوب اسمعها منكم,
وهي فيها افادة كبيرة جدا؟؟؟؟

أهلين يا ريانية .. ده قالوا بنشط الجزء الأيمن من الدماغ والبكون في المسائل الحسابية العادية ... غير نشط ... وقالوا الجزء الأيمن هو البساعد على الابداع والخلق ... وبمهد للأطفال إنو يكونو علما .. ومخترعين ... والنشيد حقهم بقول .. نحن قادة المستقبل ... يعني حاجه كده ولا في الخيال ... بس منتظرين معلومات إضافية .. وخليك متابعة

[zukibush]

ههههههههههههههههههههههههههههه
والله نفس الشئ يا معتز انا اول ما شفتا البنتين قلتا عميانين وبستخدموا فى بريل لكن بعد كم دقيقة اصصبت بالذهول
ونتمنا اى زول عندو معلومة يفيدنا بيها

[عثمان جلالة]

شفت جزء من اليو سي ماس
في الحقيقة وبدون ضحك أنا قلت البتين ديل عميانين
ودي طريقة الحساب عند ناس برايل

طلعت أنا العميان .. وديل بحسبوها في الهواء ..

قال عميان قال ..
حساب ده يا مرسي ؟؟ ..

أيوه ده حساب يا ود الريح ... تصدق الاستاذه تقعد تقول ليها في مسألة .. ربع ساعة وفيها جمع وطرح .. وعشرين صف ... يحلنها البنتين ديل في ثانية واحدة ... ما شاء الله وما تغلط واحده فيهن ... تصدق ... أدوهن أرقام ....... أربعة صفوف واحد حلت الأرقام الزوجية ... والتانية الأرقام الفردية ... الدكتور قال أنا بتحدى الكمبيوتر والآله الكاتبة .... وأول سؤال ... سألوه للجمهور .. عشان يحلو .. لحدى ما انتهت الحلقة مافي زول حلاهو أها شنو ليك ؟؟؟

[عثمان جلالة]

ههههههههههههههههههههههههههههه
والله نفس الشئ يا معتز انا اول ما شفتا البنتين قلتا عميانين وبستخدموا فى بريل لكن بعد كم دقيقة اصصبت بالذهول
ونتمنا اى زول عندو معلومة يفيدنا بيها

نازك الملائكة .. كيفنك ... والله أنا ختيت الآلة الحاسبة ... وشغال بى سرعة أكتب عشان بس أقدر أجيب أجابة صحيحة حتى بعد ما ينتهوا ... أنا الأرقام ما بكملها ... يعني لازم أولادنا يقرو البرنامج ده ... بس ما يكون أسعارو ... فوق ... وللصفوة زي ما قال مدثر

[امير عبدالباقي]

الاخ عثمان
لك كل التحايا ، الحلقه الاخيره ياخوي كانت 100صنف فعلا حاجه تحير المعلومه العاوزه الاتشوف ليك زول في السودان

[عثمان جلالة]

الاخ عثمان
لك كل التحايا ، الحلقه الاخيره ياخوي كانت 100صنف فعلا حاجه تحير المعلومه العاوزه الاتشوف ليك زول في السودان

حبيبنا أمير ... تحيات لا تحد ... قلت لي مية صف .. والله كلام ... لو في زول عندو معلومة يدينا ليها ... يلا يا شباب .. بالذات الناس الفي السودان ديل قالوا ح يخشوا منافسات عالمية ويكونو فريق ... يعني الموضوع منتشر .. أفيدونا

[عثمان جلالة]

يا اهل المنتدى .. وبالأخص الموجودين في السودان ... العندو .. ود أهلو ولا بت اهلو من الاطفال بقروا في اليوسي ماس ... يورينا تكلفتها كم ؟؟؟ للأهمية