طبعا السلام عليكم
طبعا موسم الاجازات قرب ياشباب والغالبية كدا باذن الله نازلين اجازة
لذلك فتحنا هذا الدفتر الخاص بالاستئذان وطلبات الاجازة
شروط الاستئذان :
-ابلاغنا قبل الدوام الرسمي بساعة .... لنقوم بتوزيع الاعمال اليومية لشخص بديل وكمان عشان ما نقلق عليك والا نقعد ندعي ليك بالشفاء وانت حايم مع اصحابك في مكان
-ان يكون سبب الاستئذان قوي جدا ومقنع ... يعني ماف زول يجي يستاذن لانه قرفان لانه بصراحة وبلا فخر منتدانا عالم تاني
-كتابة السبب بدون ذكر تفاصيل وكتابة الزمن المقرر غالبا للعودة
شروط طلبات الاجازة :
-ان تكون وجهتك الاولى السودان ..... في الحالة دي معذور لحد ماترجع وح نعذرك لو ما خشيت المنتدى من هناك نسبة لقطوعات الكهرباء المتكررة وكمان ودا المهم انك ح تكون مشغول بالونسة مع ناس بيتكم ومجاملة اصحابك وجيرانك
-ان لا تزيد مدة اجازتك الفعلية عن المنتدى عن شهر ...... حتى لو اجازتك تلات شهور
-ترك عنوان اقامتك هناك ورقم الهاتف ليتسنى للجميع الاطمئنان عليك وكذلك ليتمكن الاعضاء المتواجدين معاك في نفس المكان التواصل معك وتقوية الروابط الاخوية
-ذكر الفترة المقررة للغياب غالبا وفترة العودة المتوقعة لنتمكن من اعداد مراسم الترحيب بعودتك بيننا من جديد
-وبعد العودة باذن الله تنزل بوست تحكي فيه عن فترة اجازتك وياحبذا لو معاه صور جديدة ليك وللسودان او المكان الكنت بتقضي فيه اجازتك
رد مع اقتباس
المشاركة الأصلية كتبت بواسطة الجندي المجهول
المفضلات