ونـسة نســـوان @@@

[بت أم درمان]

الموضوع ظاهر من عنوانه طبعا

عايزين نتونس شوية كدا وناخد راحتنا

بس لو سمحتو يا ناس الادارة كلمو لي ناس ود النور وناس جلالة

ما ينقلو لي اي شي من هنا وخاصة الى النفاج

لان وببساطة كدا انا بطالب وبشدة بمنتدى نواعم ودمدني ترجعوهو لينا من تاني

اذا تكرمتو يعني

[الملكة اسماء ( ام محمد )]

جهزتا ليكم الجبنة

[بت أم درمان]

ملاحظين كلنا طبعا ان المنتدى يفتقر الى الاقلام النسائية

وكل النسوان الموجودين هنا يتعدوا على اصابع اليد الواحدة

واذا كانت اليد الواحدة فيها اقل من خمسة اصابع

كانت حا تبقا مشكلة والله

لليد ولينا بالمنتدى

حاليا

نخلي الموضوع دا لي ملكة في بوستيها بتاع الجميعة النسائية

ولازم تحل لينا المعضلة دي يعني شوفي لينا حل سريع كدا بالله

النسوان ديل مشكلتهم شنو بالظبط

لي المقاطعة دي

[بت أم درمان]

جهزتا ليكم الجبنة

يا سلااااااااااااااااااام جبنة ومعاها مبخر

وفيهو بخور صندل

والله انتي الليلة بسطيني بسطة لكين

لان بخوري خلص ولي فترة مشتهية اشم لي ريحة عتيقة زي دي

يلا كبي لينا فنجانين خلينا نتونس بي مزاج

[بت أم درمان]

بالمناسبة هي صح ونسة نسوان

ونسبة لافتقارنا للكادر النسائي

مافي اي مانع من وجود الرجال

يعني اذا حبيتو تجو تشاركونا جبنتنا وونستنا مافي اي اشكال :d

حبابكم الف

[عبدالرحمن مدثر]

ونسة نسوااااااااااان .. اكيد بدور كل حديثها عن النصف الاخر المكمل

انا قلت كدا .... وجيت خاشى ...

ومحتار فى حاجة واحدة يابت امدر

ونسة النسواان اصلها مابتكمل .............. لييييييييه ؟؟

يعنى نقة ... نقة

وبعد السلامات .. وودعناك الله

الواحدة تقدم اختها لحدى الباب

وفى الباب ونسة تانية ......

احلى من كل القعدة والونسة القبيل

ومادام جابت ليها جبنة ... وقعدة ... وملكة

الونسة دخاااانها فى العلالى

[الملكة اسماء ( ام محمد )]

لان بخوري خلص ولي فترة مشتهية اشم لي ريحة عتيقة زي دي

[الملكة اسماء ( ام محمد )]

ومادام جابت ليها جبنة ... وقعدة ... وملكة

الونسة دخاااانها فى العلالى

لو عندك حساسية وتحسس اتخارج طوالي

[بت أم درمان]

بمناسبة المبخر والبخور والحاجات السمحة دي

خليني انق ليك شوية كدا

طبعا البخور دا ليه علاقة خاصة جدا بالمرأة السودانية والعكس صحيح

وهو جزء من زينتها ومعطر اساسي للبيت

و اشهر انواع البخور التى عرفها الانسان السودانى هو بخور التيمان

الذي تربطنا به علاقة وثيقة وتنتابنا الراحة النفسية عندما نستنشقه

طبعا بخور التيمان وسبب تسميته كدا

يرجع الى من ابتكر هذه الخلطة وعمل فى بيعها وهم اخوين تؤام يسميان الجنيد والنفراوى

ديل طبعا اول من عمل في محلات العطارة بسوق ام درمان

طبعا بخور التيمان يكثر استعماله بالسودان

فبالاضافة لاستعماله كواقى من العين والحسد

ويقال ان دخان هذا البخور حينما يدخل الى العين يمنعها من الحسد

( الحامي هو الله ) بس دا اعقاد من ناسنا الكبار ربنا يسامحهم

و يعتبر بخور التيمان جزء اصيل من قعدة اوجلسة الجبنة فى بعض مناطق السودان

والناس ما تتكيف الا وريحة بخور التيمان تعبك الحتة



ويا سلام على سوق ام درمان والتجول به وريحة بخور التيمان عابكة ارجاءه

[بت أم درمان]

ونسة نسوااااااااااان .. اكيد بدور كل حديثها عن النصف الاخر المكمل

انا قلت كدا .... وجيت خاشى ...

ومحتار فى حاجة واحدة يابت امدر

ونسة النسواان اصلها مابتكمل .............. لييييييييه ؟؟

يعنى نقة ... نقة

وبعد السلامات .. وودعناك الله

الواحدة تقدم اختها لحدى الباب

وفى الباب ونسة تانية ......

احلى من كل القعدة والونسة القبيل

ومادام جابت ليها جبنة ... وقعدة ... وملكة

الونسة دخاااانها فى العلالى

النقة حاصلة يا ابو مزن

وعلى فكرة ونسة خشم الباب دي احلا ونسة

تتقال فيها احلا المواضيع والنقاشات

وكأن تاني ما حا نتلاقى

غايتو جنس حركات علينا نحن النسوان

يلا اقعد النبي اشرب الجبن دي قبال تبرد

لامن نمشي نجهز الفطور ونجي

[بت أم درمان]

:d:d

لا تستغربي ولا تندهشي

دي الحقيقة يا ختي

[الملكة اسماء ( ام محمد )]

لا تستغربي ولا تندهشي

دي الحقيقة يا ختي

لكن الكلام دا ما غلط يابت امي

تعالي نفتح موضوع مهم جدا
بس بعيدا عن رؤيته بالصورة التقليدية العقيمة

المراءة السودانية واهتمامها بزينتها

وخصوصا المتزوجة التي لا تهتم بزينتها مع ان السودانيات اشهر النسوان بحاجاتهم الشعبية المشهورة

[بت أم درمان]

لكن الكلام دا ما غلط يابت امي

تعالي نفتح موضوع مهم جدا
بس بعيدا عن رؤيته بالصورة التقليدية العقيمة

المراءة السودانية واهتمامها بزينتها

وخصوصا المتزوجة التي لا تهتم بزينتها مع ان السودانيات اشهر النسوان بحاجاتهم الشعبية المشهورة

معاك حق طبعا ان المرأة السودانية من اكثر النساء شهرة باعتناءها بزينتها

والشي دا ملاحظ بالنسب لباقي الجنسيات وانا دائما أسأل عن الشي دا

سواء من جارات او زميلات عمل

المهم وبعيدا عن الصورة التقليدية العقيمة

اهتمام المرا بي زينتها وشكلها

ما مقتصر بس على حاجاتنا التقليدية

اكيد في حاجات متطورة بتتعمل

بس حاجاتنا التقليدية طبعا ما بنهجرها مهما حصل

اما المراة المتزوجة البتهمل الحاجات دي اكيد بكون في سبب ( تكون شغالة مثلا )

بخليها تقصر والسبب بكون خارج ارادتها طبعا

لان وبصدق ما في احلا من ريحتنا وبخورنا وعاداتنا وتقاليدنا

اظن ما اديتك اجابة شافية بس ما دايرة انداح اكتر خلينا هنا عموما

و خلي الموضوع بيني وبينك وبحكي ليك

والعنده مداخلة يتفضل نشوف الاراء

[عبدالرحمن مدثر]

لو عندك حساسية وتحسس اتخارج طوالي

كدى خلينى اشرب فنجان القهوة

بعد داك ... اشوف الباب بوين

حتة نقة كدا

عجبتنى فكرة انو عادات المراة السودانية القديمة لايعرف قيمتها

الا غيرنا ... لانها اصبحت بالنسبة جزء من حياة موروثة لذلك لانجتهد كثيرا فى تطويرها

ومع خروج المراة للعمل ... اصبحت بذلك شىء من التراااث

لى تجربة مع اخوة عرب

يعشقون .. بخور التيمان ..وبقية زينة المراة السودانية الخاصة

وعندما يغادرون السودان ... اول شىء يتم اعداده وتجهيزه قبل السفر

هو هذه الاشياء الجميلة من خيرااات بلادنا

ومن اختراع مخيلة حواء السودان

[بت أم درمان]

كدى خلينى اشرب فنجان القهوة

بعد داك ... اشوف الباب بوين

حتة نقة كدا

عجبتنى فكرة انو عادات المراة السودانية القديمة لايعرف قيمتها

الا غيرنا ... لانها اصبحت بالنسبة جزء من حياة موروثة لذلك لانجتهد كثيرا فى تطويرها

ومع خروج المراة للعمل ... اصبحت بذلك شىء من التراااث

لى تجربة مع اخوة عرب

يعشقون .. بخور التيمان ..وبقية زينة المراة السودانية الخاصة

وعندما يغادرون السودان ... اول شىء يتم اعداده وتجهيزه قبل السفر

هو هذه الاشياء الجميلة من خيرااات بلادنا

ومن اختراع مخيلة حواء السودان

ياخ انت قهوتك دي لي بتحب تشربها على استعجال كدا :d


اولا انا معاك في ان خروج المراة السودانية للعمل بخليها تقصر شوية

بس ما لدرجة انها تهجر هذه الامور وتتنساها

ومعاك كمان انها اصبحت من التراث بس تراث غير مهجور او اصبح ونسة فقط

لا طبعا

اكيد داخل السودان اغلبية النساء مازالو مهتمات ومواظبات

اما خارج السودان هنا تكمن المشكلة

وبالنسبة لبخورنا وعطورنا والحاجات التانية

انا أؤكد ليك ان اكثر اخوانا العرب ومن جنسيات مختلفة

بحبو حاجاتنا دي

[عبدالرحمن مدثر]

يابت امدر رجعتينا لسوق امدرمان (محلات الكشب)

وسوق العناقريب .. والعطور الفواحة

وعبق التاريخ

ونستكم سمحة

لكن انا خائف

من سلاحف النينجا

[الملكة اسماء ( ام محمد )]

لكن انا خائف

من سلاحف النينجا

هههههههههههههههههههههه
ههههههههههههههههههه

[الملكة اسماء ( ام محمد )]

اولا انا معاك في ان خروج المراة السودانية للعمل بخليها تقصر شوية

بس ما لدرجة انها تهجر هذه الامور وتتنساها

هنا ممكن نتكلم عن جانب مهم
وان الحاجات الظاهرة هسي عندنا في المجتمع نوعين:

-نوع من النسوان ما مقصر في حق ازواجهم وقايمات بالواجب وبزيادة بس الزيادة دي ادت الى تقصير ديني ناسيات قوله تعالى :

وَلا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ)


ودي كارثة طبعا



اما النوع التاني : فديل حجتهم الشغل تلاقي الوحدة لمن بقت تشبه الراجل من خشونة جسمها وملامحها الاتغيرت للصرامة بسبب الاهمال في اناتقتها وزينتها


المهم ان النسوان الموظفات يحاولوا يوفقوا بين الاتنين ...... البيت والعمل .... او يخلوا الشغل نهائي لان حق الزوج اعظم


غايتو انا افضل اواصل عزوبية لو شغلي ممكن يؤثر في علاقتي بالبيت بعدين

[ميادة]

هيييييييييي
يا بنوت انا جييييييييييييييييييت

اها قولو

كدي اول كبو لي فنجان قهوة بعدين نتكلم

[الملكة اسماء ( ام محمد )]

هيييييييييي

يا بنوت انا جييييييييييييييييييت

اها قولو

كدي اول كبو لي فنجان قهوة بعدين نتكلم

افطري بعد دا

شاي الفطور عليك

[ميادة]

غايتو انا افضل اواصل عزوبية لو شغلي ممكن يؤثر في علاقتي بالبيت بعدين

ما اظن ح تقدري توفقي خالص

واكييييييييييييييييييييييييييييييييييييييييييييييي ييييييييييييييد 100 في ال100

وده الحاصل الان للنسوان الشغالين

وبيني وبينك كدة احسن ليك العزوبية يا بت امي :d

[ميادة]

افطري بعد دا

شاي الفطور عليك

تثلمي يا عثل

بث كدي دقيقة اخبارك شنو بلاي ووينك

[الملكة اسماء ( ام محمد )]

تثلمي يا عثل

بث كدي دقيقة اخبارك شنو بلاي ووينك

انا ؟

موجودة

بحفظ في اغنية

(بريحك مني خلاص وبغيب عن عينك)

[محمد السني دفع الله]

قلت ادخل ولا اقيف في خشم الباب
نسلم ونمشي
وقت بقت جمجرة نسوان
واصلوا عشان عايزين تشربن القهوة براكن
مع اني عندي شمار الليلة وبكرة
قيلتن عافية

[الملكة اسماء ( ام محمد )]

واصلوا عشان عايزين تشربن القهوة براكن
مع اني عندي شمار الليلة وبكرة
قيلتن عافية

حياااااااااااك حياك يا راقي

الجبنة ما ليها طعم بدونك