تعرف يا كندشه الالقاب دي دنيا تانيه خالص
واللقب ما بلصق في الواحد الا لما يزعل منو في المراحل الاولى
يعنى اول ما اصحابك ينادوك بلقب تعمل مطنش والموضوع عادي جداً رغم انو اللقب حارقك شديد لكن تكون صنديد , اها في الحاله الجماعه بقنعوا من اللقب وبشوفوا ليهم شغله غيرك , لكن في نوعيه اول ما تناديهو باللقب الجديد , اتنفض واسب ليك , وانت تجري منو , واشيل ليهو طوبه اجدعك بيها , والجماعه الجمجارين يعاينوا ومبسوطين , اها اللقب البتتعامل معاهو كده ده بلصق بلصق , مضمون ولا كلمه .
انا عن نفسي لقبوني بألقاب كتيره وعملت مطنش عشان ما تلصق
منها ( سيانقا ) وده جاني من الطول
( وليم فقري ) وده ايام كنا بنلعب كوره تمام , وكان على وليم لاعب الهلال .
( تنقه ) ولقب تنقه ده محبب لي جداً وزعلت فيهو لكن رفض ما يلصق , وهناك فرق بين تنقه وتنقا .
اما اصحابي اسكت ساي
جمجمه
ضفاره
عيطه
الغراب
بابويه
كوجاك
وصاحبي جداً ( حسين خيري ) كان لقبو ( ننجيو ) ما بنكتب الا ارسولو ليك بالريل بلير
ولك ودي
رد مع اقتباس
[/]
المشاركة الأصلية كتبت بواسطة ابراهيم
المفضلات