أخوتي في منتدي ودمدني
السلام عليكم ورحمة الله تعالي وبركاته
أولا حمدلله علي سلامة المنتدي وانشا الله ربنا يعوض الفقد
فترة طويله كانت كافيه لأن يموت الزول شوقا ولكن الله لطف
يبدو انو المنتدي داير يعرف غلاوته عندنا
ايمكن الحصل كان مفاجأة وصدمه لكثير مننا أنك فجأة تلقي المنتدي ما في وتبداء في فطام بدون مسبقات
أتذكر انو في مره واحده من الاخوات في المنتدي (وعذرا لونسيت الأسم )كتبت بوست في شكل اسكتش مسرحي انو يوم حلمت انو صحت من النوم ولقت المنتدي مافي كانت شايفه انو ده مستحيل لكن حصل والحلم أتحقق المره الجايه اتفائلوا لينا خير
لكن جد كانت فتره مهمه وكنا محتاجين ليها نكون بعيدين شويه من المنتدي ونشوف القدمناهو ليهو والقدموا لينا
يعني نقول كدي أعادة تقويم
في المره الأولي لما سجلت في المنتدي كنت معجبه بيهو شديد رغم اني ما بعرف فيهو زول لكن أعجبتني أقسامه ومواضيعوا المختلفه الأجتماعيه والثقافيه وخاصه السيايسه وجد كان لقيت فيه حاجه رايحه مني وبقيت أقضي فيه معظم الوقت البقضيهو في النت ، كنت بقول دائما أنو المنتدي حماني من نفسي
وجد المره دي لما فكرة أعيد تسجيلي في المنتدي أترددت كتير لأنو المنتدي ما بقي زي أولولا أنا كدي حاسه ما عارفه ، لكن جد ما قدرته أبعد عنو ، ورجعت وكلي شوق لكل ركن فيهو وكل زول
جيت وأتمني أنو كلنا كدي مع بعض نعيد بناهو من جديد بصوره أفضل وأجمل علشانا وعلشان ناس تانين بجي يدخلوا ويستفيدوا
(منتدي ودمدني للمواضيع الجادة والمتميزه ) ومنتدي ودمدني الذي( يعني بهموم الأنسان وخاصه أنسان ودمدني) هكذا أتمني أن تكون مواضيعنا جاده ومتميزه علشان الناس كلها يستفيدوا وأولهم نحنا الجينا نحتمي بيهو
اتمني أن نجد في القسم العام كل الموضيع الهادفه والمهمه وفي القسم الثقافي كل المواضيع الثقافيه الجميله ونخلي قسم النفاج فقط للونسه والدردشه والمواضيع الترويحيه.
وأتخيل لي ما في شئ بمنع كدي وأعضاء المنتدي كلهم والحمد لله كوادر لا يستهان بها فينا الفنان والاديب القانوني والمحاسب وكل المهن وفينا العركتو الحياة وأدتو خبره نحنا عاوزنا
عاوزين نجي هنا علشان نرتاح نلقي البواسينا ويرشدنا
أخوانا في الله وأصدقاء بلا حدود تحت رعايه وأشراف رشيد وواعي
تجوا نتواعد........؟
أتمني أنو كلامي ده ما يزعل مني زول
وعذرا لو استخدمت لغه دارجيه في الكتابه أصلي كنت دايره أتكلم ببساطه
رد مع اقتباس
المشاركة الأصلية كتبت بواسطة عبدالرحمن مدثر
المفضلات