سطور في حضرة الاجازة

[يسري الياس]

كنت في اجازة قصيرة بعد سنوات طالت بالغربة فرقنا بها زمنا كثيرا . وبقيمنا بره الزووم . وسمعت البنات بيقولوا نحنا ماشين حبيبي مفلس .. استغربتا بالبداية وقلتا يمكن دي منطقة جديدة .. لانو البلد اتغيرت .. سألت صاحبي باستحياء لأنه الوحيد البسترني .. فضحك مني .. وشرح لي بانها الحدائق المفتوحة وبين قوسين المجانية .. واقتنعت أن السودانيين أبرع من يخترع الالقاب والاوصاف .

سطر جديد
.. وانا عامل فيها مغترب فرحان بي جوالي الجديد .. لقيت نفسي أفقر رجل في الحلة من ناحية الجوالات .. العطالة شايلين موبايلات رهيبة تساوي عندي راتب شهر من المعاناة مع قطع المصاريف عن الاهل وعدم الاتصال بالحبيبة ...
بختكم يا عطالة السودان


سطر جديد
قال لي العم (علي ) جارنا الرجل الطيب .. كان عندك نية تشتري قطعة ارض .. القطعة القصادنا دي معروضة للبيع بي 70 مليون ( بالقديم طبعا ) ... أضحكني الرجل الطيب .. قلت له عندي نية .. وانما الاعمال بالنيات ...

سطر جديد
الكل يسألني ومن مجرد وصولي .. اها جايي تعرس .. العرس متين .. عندك عروس جاهزة ولا نفتش ليك ... جابوا لي وجع عرس .. قلتا ليهم يا جماعة صلوا على النبي انتو اصلو ما سمعتو عن مغترب جايي يسلم علي أهلو ..

[صلاح ودالطاهر]

الف حمدا علي السلامه شكيت محنك ضحكتني

[مدنيّة]

والله حلوة مغترب جاي يسلم علي اهله دي

حمدا لله علي السلامة يايسري الياس

[يسري الياس]

الف حمدا علي السلامه شكيت محنك ضحكتني

سلمك الله
ود الطاهر
ومرورك طيب

[يسري الياس]

والله حلوة مغترب جاي يسلم علي اهله دي

حمدا لله علي السلامة يايسري الياس

الله يسلمك
مدنية
الناس ما بتقتنع بألأشياء المحسوسة .. تريد أشياء ملموسة

[moh_alnour]

و الله يا يسري ما قلتَ إلا الحق
فالاغتراب بقى ما جايب همو إطلاقا ً اللهم إلا من رحم ربك
بقى علينا غربة و شوق و معاناة و بُعد عن الأهل و الوطن و الأصدقاء و الأحباب
فقد زالت و الحمد لله الفروقات الكبيرة التي كانت ملحوظة في المستوى المادي
بين المغتربين و أغلب من حالفهم الحظ في وظيفة محترمة أو عمل حر بالسودان
كما توفرت كل وسائل الترفيه و الكماليات و الضروريات بسوداننا الحبيب
غاية ما نتمنى أن نعود إلى أرض الوطن معافين و أن نجد الجميع بخير و عافية
قلت لي مغترب جائي يسلم على أهلو دي بصرفوها من ياتو صيدلية

[العاقب مصباح]

عندى رغبة جااااااااااااامدة امشى اسلم على اهلى

وكان لقينا قطعة الارض بتاعة ابوريلان بالاقساط بنرمى لينا فيها عود

والسداد على عشرين سنة

ومشتاقين يا اهل

وكفاية علينا شوفتكم

والشوق بحر

والعرس ما بناباهو لكن الحيطة عايزة ليها بنيان

والشمار تقيل انا تانى ما بجى

التوقيع :- واحد نازل وخائف

[باسطه]

نحنه نكتب سطورنا بعد ماننزل مدني الشهر الجاي ونشوف الحاصل شنو


غايتو كان ياها دي الحال الله يستر الواحد يعمل ماشايف

بعدين حنك جاي أسلم على أهلي وراجع ده ماجايب قونوا الواحد يشوف ليهو حنك تاني

أي زول اقول ليهو انا نازل إجازة الشهر الجاي يخت يدينو في راسو زي العملته جريمة خوفونا زاتو الواحد قاعد على الهبشة قربته أغير راااي هههههههه

[حاتم مرزوق]

سطر جديد
.. وانا عامل فيها مغترب فرحان بي جوالي الجديد .. لقيت نفسي أفقر رجل في الحلة من ناحية الجوالات .. العطالة شايلين موبايلات رهيبة تساوي عندي راتب شهر من المعاناة مع قطع المصاريف عن الاهل وعدم الاتصال بالحبيبة ...
بختكم يا عطالة السودان.

يسري الحاج

كان وصفك للعطالة بليغا فعندما تكون جوالات العطالة اجمل واجود من جوالات المغتربين ... فهناك قرارات كثيرة يجب ان تتخذ.

خطرت ببالي عناوين كثيرة منها:-

عنوان : العطالة المريحة (فيلم وثائقي).
عنوان : جوالات عاطل ( مسرحية )
عنوان : عاطل خير من الف مغترب (مسلسل 50 حلقة)

[عبدالرحمن مدثر]

جوه الزووووم

ياصديقى

مابين حبيبى مفلس وجوال صينى يشرط صمت المكان والزماااان

وعروس المولد ...

محتاجين لحاجة حلوة اخذتها معك من خلال اجازتك القصيرة

[يسري الياس]

قلت لي مغترب جائي يسلم على أهلو دي بصرفوها من ياتو صيدلية

ود النور
تحياتي لك
هي وصفة للغربة الحالية .. وبدون روشتة يا معلم

ود لك ود النور

[يسري الياس]

عندى رغبة جااااااااااااامدة امشى اسلم على اهلى

وكان لقينا قطعة الارض بتاعة ابوريلان بالاقساط بنرمى لينا فيها عود

والسداد على عشرين سنة

ومشتاقين يا اهل

وكفاية علينا شوفتكم

والشوق بحر

والعرس ما بناباهو لكن الحيطة عايزة ليها بنيان

والشمار تقيل انا تانى ما بجى

التوقيع :- واحد نازل وخائف

العاقب
صاحبي
الحيطة العاوزة البنيان بقتى قريب غطا للعرس ... يعني مكنة ما جايبا حقها ..
وكان لقيت ابو ريالين كلمني معاك

تحيات يا صاحب

[يسري الياس]

نحنه نكتب سطورنا بعد ماننزل مدني الشهر الجاي ونشوف الحاصل شنو


غايتو كان ياها دي الحال الله يستر الواحد يعمل ماشايف

بعدين حنك جاي أسلم على أهلي وراجع ده ماجايب قونوا الواحد يشوف ليهو حنك تاني

أي زول اقول ليهو انا نازل إجازة الشهر الجاي يخت يدينو في راسو زي العملته جريمة خوفونا زاتو الواحد قاعد على الهبشة قربته أغير راااي هههههههه

راجنك يا معلم
وخليك حرييييييييييييييف


وتصل بالسلامة

[يسري الياس]

سطر جديد
.. وانا عامل فيها مغترب فرحان بي جوالي الجديد .. لقيت نفسي أفقر رجل في الحلة من ناحية الجوالات .. العطالة شايلين موبايلات رهيبة تساوي عندي راتب شهر من المعاناة مع قطع المصاريف عن الاهل وعدم الاتصال بالحبيبة ...
بختكم يا عطالة السودان.

يسري الحاج

كان وصفك للعطالة بليغا فعندما تكون جوالات العطالة اجمل واجود من جوالات المغتربين ... فهناك قرارات كثيرة يجب ان تتخذ.

خطرت ببالي عناوين كثيرة منها:-

عنوان : العطالة المريحة (فيلم وثائقي).
عنوان : جوالات عاطل ( مسرحية )
عنوان : عاطل خير من الف مغترب (مسلسل 50 حلقة)

حاتم مرزوق
تحيات لك
وريحتني خالص بالفيلم الوثائقي ...
وحليل المغتربين المساكين

تسلم

[يسري الياس]

جوه الزووووم

ياصديقى

مابين حبيبى مفلس وجوال صينى يشرط صمت المكان والزماااان

وعروس المولد ...

محتاجين لحاجة حلوة اخذتها معك من خلال اجازتك القصيرة

العزيز
عبد الرحمن المدثر
ياخي بالمناسبة كان عندي جوال صيني .. اصابني بالصداع النصفي .. مشكلته ما بتسكت ... تلفون غتيت جنس غتاته ...

وبمناسبة الحاجة الحلوة
هو في احلى من تشرب شاي المغرب مع ست الحبايب

[تغريد]

ألف حمد لله علي السلامة يا يسري وحقيقة الأجازة بين سطورك لخصت الواقع المعاش بجدارة وبراعة

تسلم يدك وأجازة سعييييييييييييييييييييدة

[يسري الياس]

ألف حمد لله علي السلامة يا يسري وحقيقة الأجازة بين سطورك لخصت الواقع المعاش بجدارة وبراعة

تسلم يدك وأجازة سعييييييييييييييييييييدة

الله يسلمك
تغريد
وتقبلي احترامي