المشاركة الأصلية كتبت بواسطة مدنيّة
ماشاء الله تبارك الله
ربنا يحفظ ليك اولادك كلهم ياكسلا
وكان ترسلوا لينا بالمناسبة دي
زيارة بس
نحضر الحفلة بس
ما بنتشبك 
آآآمين يا مدنية .. وربنا يحفظكم كمان ..
الزيارة الجاية .. إن شاء الله ..
المشاركة الأصلية كتبت بواسطة ابوالنور
صفقنالن صفقة قوية
زغردنالن .. وهّدن عندنا خمسة دقائق
قدمنالو كتاب الله درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة .. اليافطة ام زيق الدمورية
وانعبينا هتافاً واحد
تحي جمعية ابناء ودمدني بالرياض والدول المجاورة ..
أيه الكلام الجميل ده .. يا أبو النور ..
تسلم على المرور يا جميل .. يا زوق ..
المشاركة الأصلية كتبت بواسطة طائر النورس
والله يابكري اتلومته ماتعزمني وانا قريب جنبك وزميلك في الاتحاد سابقاً
المهم
الاستاذ عصام محمد نور فنان يستاهل كل خير بما قدمه لنا من اغنيات شكلت وجدان
الشعب السوداني ، وتكريمه يعني تكريم جميع ابناء ودمدني خاصة والجزيرة عامة
اتمنى لكم دوام التقدم وتحياتي لجميع الاخوان بمدينة الرياض وتحياتي للاخ عصام محمد
نور
اخوك ( قطبي تاج الدين ) طائر النورس مرة من هنا
وين إنت يا راجل .. نسأل عنك كتير ..
قالوا لي ما خليت عداد في جدة ...
المشاركة الأصلية كتبت بواسطة أبوبكرحامد
الرائع بكرى كسلا ..................
زاملت عصام محمد نور بالأهلية أ المتوسطة وكان يدرس بالدفعة التى تلينا ، رجل خلوق وأصيل ومبدع ، نجاح عصام محمد نور واحتلاله لموقع متقدم بين فنانى السودان بأعماله الخاصة والمميزة يزيدنى قناعةً واطمئناناً أن مدنى لازالت بخير .... أهو ناس تغنى وتنبسط ، جميلٌ منكم هذا التكريم فهو تكريم من كرام لأخ كريم أبدع ولازال يثرى الوجدان بفنه ، وجميلٌ أن نراك وأنت تداعب كمنجتك بأناملك الساحرة رغم الغربة والضل الوقف مازاد
أخونا الغالي سعادة المستشار ..
والله ليك وحشه .. أيها الحبيب ..
ورغم الغربه يا بكري ومآخذها علينا لكن الواحد يحاول يجد له مخرج ولو صغير ..
المشاركة الأصلية كتبت بواسطة esmat
الفنان عصام محمد نور /
ملك الاحساس يطرب بأغانيه يطرب
حين يتكلم يطرب حين يبتسم انسان
خلوق لا تفارقه البسمة له التحية ابن مدني
- كسلا يعانق الكمنجة لك التحية كسلا
والحضور
والله يا عصمت ما قلت إلا الصدق ..
تسلم يا راقي ..
المشاركة الأصلية كتبت بواسطة مرتضى التوم
الأخ الغالى بكرى
طبعاً مشتاقين بجد والله .
عصام محمد نور الفنان الرائع يستاهل التكريم من كل مدينة ودمدنى وهو يستحق التكريم .
هل توقفت ودمدنى بعد عصام محمد نور عن تقديم فنانين من طينة الكبار ولاعمالقة ؟؟
انت خير من يعلم بالمواهب الموجودة فى مدنى ولكن ؟؟
ولكن دى بخليها ليك يا بكرى لانك ادرى .
ماشاء الله بنتك بقت قدر شنو يابكرى هى المصورة الصور دى يعنى بالواضح كدة القطر فاتنا .
دمت بكل الشوق والود وتحياتى لاسرتك الصغيرة
عشقي أولاد عم التوم سيد ..
الشوق بحر .. والسلام أمانه لكل الأهل بدوحة العرب ..
==>><<==
سؤالك يا مرتضى عايز بوست لحالو ..
وخلينا نسأل نفس السؤال ناحية الرياضة ..
وهي ملعبكم .. التوم سيد وأولاده وما أدراك ما كرة القدم ..
==>><<==
اما بالنسبة لمدني هل توقفت بعد عصام .. ؟؟
حسب وجهة نظري المتواضعه .. أرى انها لم تتوقف ..
ولن تتوقف بإذن الله ولكن لا بد من فترات ركود من حين الى آخر وتزول ..
وهناك الكثير من المطربين الشباب المنتظر منهم أن يقدموا للمدينة ..
فقط إذا شدوا الهمه قليلاً ..
عمر جعفر .. منير حسن .. عزت العرب .. و آخر العنقود شبارقة الذي إنتقل للخرطوم ..
يعني مدني بخير زي ما قال ودالمأذون .. وكل زمان وله رجاله ...
رد مع اقتباس
المفضلات