شكرا اخي العقاد على الرد والتفاعل
ومازونة طالعة من خشمك زي السكر
قبل ما ارد يا عقاد في قاعدة عاوز اننا الاتنين نكون مسلمين بيها
اني قاصد ( وللتذكير فقط ) الصورة الرمزية للعضو وليس الترقية وهنا في فرق قريب من فرق السما والارض
يللا شوف :
انت ممكن تضع صورة الدبابير في صورتك الرمزية و ما بتكون ضرت احد او يلتبس على احد انك نقيب في الشرطة
بس امسك لي يا عقاد في دي قوي لانها المقصد واللب
انا ختيت صورة الدبابير المعجب بيها كصورة رمزية وما وهمت بيها نفسي او الناس وانتحلتها
هنا الفرق اخوي عبدالله انو الاخ انور 6 اقتبس صورة فخر المنتديات وختاها صورة رمزية .. ما ختاها في ترقيتو كعضو مفخرة للمنتدى واحتفظ بالترقية الممنوحة ليو من قبل الادارة كما هي مع العلم انو الحاجة دي تحكم في يد الادارة فقط وخلينا ندقق ونقول انها نازلة تلقائية مع عدد المشاركات والمفخرة تمنح من قبل الادارة فقط .. يبقى الاخ انور 6 ما غلطان لحدي هسة في انو ختاها محل الصورة الرمزية وترقيتو فوق زي ما ياها ولا كمان هو مسئول عن عيون الاعضاء الما قدرت تميز بين الترقية الاصلية الفوق والصورة الرمزية التحتها .
و اصلا ما راودني شك ان الوشاح ( ملطوش )
ولحدي هنا انا مصر انو الوشاح ما ملطوش لاننا لو حسبناه في الحالة دي ممكن نضيف او نطلع 90% من صور الاعضاء ملطوشة وما بيحق ليهم انهم يختوها ( مثل صقر الجديان والقصر الجمهوري ومعالم المدينة وغيرها ) طال ما هي اصلا تابعة لجهات معينة وما ماخدين منها اذن للعرض .
فهنا اخوي مازن حدث الضرر الا و هو الالتباس في التمييز بين المنحة ( و اللطشة )
وبالتالي لم يحدث ضرر ولا إلتباس لاني وبالمختصر وزي ما قلت ليك مسبقا انو الاخ انور 6 غير مسئول عن ترجمة النظر الخاطئة وتفسيرها للمخ من قبل بقية الاعضاء
وبالتالي ما كان من حق الادارة انها تصدر بوست وتثبتو كمان وتبشع بسمعة عضو ( كلطّاش على قولك ) في حاجة هو ما عندو بيها ذنب ولا اي دخل وانما إلتباس فهم يميل الى الصواب او الخطأ من قبل الادارة ونحنا مازلنا نناقشه ولم نصل فيه للصحة والخطأ ايهما الاقرب بعد .
إلا ان هذا الوشاح له شروط للمنح . و ليس بمقدور أي واحد ان يضيفه لصورته الرمزية من باب الاعجاب
برضو زي ما قلت ليك مسبقا كلها واحد .. او زيها وزي صور المعالم والمرفقات العامة من حق اي زول انو يعجب بيها ويختها محل ما يختها مادام هي صورة رمزية ولا يوجد منها اي ضرر وبرضو برجع بقول ليك لو كانت الشغلة فيها محاسبة ما كان في زول قدر يخت مثلا صورة صقر الجديان في بيتو او يرسمها في باب الشارع .... الخ
حقيقة انا عندي اقتراح ان يمنح هذا الوشاح لكبارنا فقط
بعتبرو اقتراح ووجهة نظر من جانبك مع احتفاظي بوجهة نظري القديمة حول الموضوع دا بالتحديد
و كلا لديه ما يفخر به اخوي مازن مثلا انت في توقيعك وضعت صورتك مع الدكتور الشاعر اللي عرس ( الجدية ) و يبدو لي دة بيمثل لك فخر لك .
طبعا اخوي عبدالله .. فخر كبير .. لما تجتمع بشعراء كنت تقرا لهم منذ الطفولة وتجد ان اكتافكم ذاك اليوم قد تساوت .. وبمرادي اكبر الصورة واعلقها في كل اركان البيت .. وللعلم كان برضو في الشعراء النخلي والقدال ودكتور عمر محمود خالد جا متاخر .
مودتي واحترامي اخي عبد الله
وبجيك تاني ان شاء الله
رد مع اقتباس
[/]
المشاركة الأصلية كتبت بواسطة esmat
المفضلات