خارم بارم

[مازن الجمّال]

<center>

وقفت هناك ..
بفتش في الشراب مخروم
لقيت الابرة شايلة هموم
سألتها عن مشاكل اليوم
أبت تحكي وأبت تشكي
وقالت امشي سيبني أنوم
لمست جبينها كان محموم

شرابي قديم ملان اسرار
وكان من بدري قاديو فار


وقف الخيت وقال للإبرة يللا ورح
ألبسي التوب وللدكتور هناك نشرح

الدكتور سأل الإبرة عن السن
وعن اعراض بتشكي الإبرة ليه تئن

هالكاني الخياتة البيها عمري طعن
شراب مقدود وتوب مخروم .. دايرة أجن
من تصبح أباري الخيت شمال ويمين بدون تهدين
عيوني عمت وحلقي يبس واشكي لمين


الشكية لي الله

[زيكو منيب]

تسلم

[بابكر]

صراحه مواضيعك حلوه يا راستان وانا احب هذا الاستايل

[aborawan]

هالكاني الخياتة البيها عمري طعن
شراب مقدود وتوب مخروم .. دايرة أجن
من تصبح أباري الخيت شمال ويمين بدون تهدين
عيوني عمت وحلقي يبس واشكي لمين


الابره دي جرت ليها نفس معاك ولا شنو يا عمك

مشكور حبيبي

[مازن الجمّال]

زيكو

بكة

ابو عروسي ..


شكرا يا حنان

[حنيني اليك]

حلوه منك

[مازن الجمّال]

تسلم يا ذوق

[wadmadani]

تمام يامعلم وادينا من ده كتييييييير

[wadmadani]

وازيدك من الشعر بيت


استأسد التبغ على الأعشاب *** وقادنا للموت والخراب

· أودى بعقل المرء والأعصاب *** وسار بالأرواح للصعاب

· عمى العيون أصعب الصعاب *** يجلبه التدخين للأحباب

· ضعف الرجال واضح الأسباب *** في العجز عن حب وعن إنجاب

· حق النساء لم يعد بالباب *** طمسه التدخين في التراب




ولكم احلا تحي

[امير عبدالباقي]

راستا كتر من ده وما تغيب

[زيكو منيب]

كاتب الرسالة الأصلية المشتاق
وازيدك من الشعر بيت


استأسد التبغ على الأعشاب *** وقادنا للموت والخراب

· أودى بعقل المرء والأعصاب *** وسار بالأرواح للصعاب

· عمى العيون أصعب الصعاب *** يجلبه التدخين للأحباب

· ضعف الرجال واضح الأسباب *** في العجز عن حب وعن إنجاب

· حق النساء لم يعد بالباب *** طمسه التدخين في التراب




ولكم احلا تحي

و الشكر لك انت ايضا اخي

[مازن الجمّال]

كاتب الرسالة الأصلية المشتاق
وازيدك من الشعر بيت


استأسد التبغ على الأعشاب *** وقادنا للموت والخراب

· أودى بعقل المرء والأعصاب *** وسار بالأرواح للصعاب

· عمى العيون أصعب الصعاب *** يجلبه التدخين للأحباب

· ضعف الرجال واضح الأسباب *** في العجز عن حب وعن إنجاب

· حق النساء لم يعد بالباب *** طمسه التدخين في التراب




ولكم احلا تحي

هسي في داعي لي ده

شيلتني هم ياخ

[ابوقيس]

Rasta man تسلم حبيبنا


اسل اديل كده

[مازن الجمّال]

ابو قيس يا

انتو والله كدا بتكبرو لي راسي عديل

تشكر يا ملك

[مازن الجمّال]

فووووووووووووووووووووووق

[راشد خضر]

Rasta كل ما نشتل الأفراح .. تجي الغنماية تاكلها تااااني ههههه ههههههه
واللّه يا أخي عبارات : ( خارب بارم / وشك في لك / وكلام فكوك / فطقه / طرنقع / وطروره / وتوزه / وجِـهامه ...الخ ) رُقم دارجيتها فأن من يعرفها يدل علي أصالتِهِ إنتمائِهِ لهـذا الوطن الرائع ( سودان العِـزّة ) أُهنيك وذي ما قال وا ليك المشتاق وأمير ( كتِّـر من دا )

[مازن الجمّال]

Rasta كل ما نشتل الأفراح .. تجي الغنماية تاكلها تااااني ههههه ههههههه
واللّه يا أخي عبارات : ( خارب بارم / وشك في لك / وكلام فكوك / فطقه / طرنقع / وطروره / وتوزه / وجِـهامه ...الخ ) رُقم دارجيتها فأن من يعرفها يدل علي أصالتِهِ إنتمائِهِ لهـذا الوطن الرائع ( سودان العِـزّة ) أُهنيك وذي ما قال وا ليك المشتاق وأمير ( كتِّـر من دا )

يا راشد

ما اجمل ان نتحدث بالدارجية السودانية

وخصوصا انها بتسهل الفهم والاستيعاب


تشكر على المرور الراقي

ويديك العافية

[ابراهيم]

يا راستااااااااااااا

واحشنا يا حبيبنا

وبركة الشفناك طيب

والله ليك وحشات متوحشة

[Jamal Elmahi]

<center>


هالكاني الخياتة البيها عمري طعن
شراب مقدود وتوب مخروم .. دايرة أجن
من تصبح أباري الخيت شمال ويمين بدون تهدين
عيوني عمت وحلقي يبس واشكي لمين


الشكية لي الله

الشكيّه لي أبيداَ قويه....الابره تطير عيشتا لامن تنتهي من خياتت الشراب المقدود والتوب وتصل مرحلة السروال المقدود بكون جاها فشل كلوي...دا لو ما ريحة السروال عملت ليها Heart Attack والله يكضّب الشينه...
ود الماحي

[فجر المشارق]

الرائع راستا ،،، تحياتي لك يا مبدع
وحقيقة شراب مخروم وتوب مقدود وطورية في الطين مرمية وكورية يابسة مجدوعة لونية فريدة ورائعة ومشهد تمثيلي رائع ما يجئ الي من الروائع.
لك الشكر يا مبدع

[مازن الجمّال]

يا راستااااااااااااا

واحشنا يا حبيبنا

وبركة الشفناك طيب

والله ليك وحشات متوحشة

ابراهيم

حقيقة انتو الوحشتوني وإلا ما كنته غبت سنتين ورجعت تاني

وربنا يقدرني على المواصلة

حقيقة يا ابراهيم مرورك راقي

ويديك العافية ..

[مازن الجمّال]

الشكيّه لي أبيداَ قويه....الابره تطير عيشتا لامن تنتهي من خياتت الشراب المقدود والتوب وتصل مرحلة السروال المقدود بكون جاها فشل كلوي...دا لو ما ريحة السروال عملت ليها Heart Attack والله يكضّب الشينه...
ود الماحي

ود الماحي

الابرة دي شكاية

والابرة دي بكاية

والابرة دي رغاية

بتحب ترغي عن الفيها والما فيها

بتفتش في السبب البيمنعها ويحميها

من شغلا مسطر في جبينها وفيها ..

تسلم يا ود الماحي

[مازن الجمّال]

الرائع راستا ،،، تحياتي لك يا مبدع
وحقيقة شراب مخروم وتوب مقدود وطورية في الطين مرمية وكورية يابسة مجدوعة لونية فريدة ورائعة ومشهد تمثيلي رائع ما يجئ الي من الروائع.
لك الشكر يا مبدع

فجر المشارق

وفجر الابداع

شكرا على المرور الحلو

والكلمات المتينة

لك التحية

[Jamal Elmahi]

راستا العزيز

الابره أأأبوي حاشاها والله ما شكايه
كست الغبش الغلابه وللصغير لولايه
غطت العريان وللمريض حجاب ومحايه
أستحملت البنسلين والكينين وزمن الغلايه
تستاهل نسيها علم وفي القبب نقجها رايه

ود الماحي

[نور العيون]

حمدلله عل السلامه يا راستا
لكن عندك كلام خرم بارم لفته عديل كده
و شعر عينه
و الله يديك العافيه
تاني ما تغيب كده و الا حأسجنك عشان ما تغيب تاني ابدا