النتائج 1 إلى 17 من 17

الموضوع: الايدز

     
  1. #1
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    الايدز

    موضوع الفحوصات الطبية والتشخيص عايز كثير من النقاش اصلوا الشغالين عندنا في السودان بالرغم من احترامنا ليهم ماعندهم اوتوكيت التعامل المهني انا حصل معاي موقف عند اجراء الفحوصات الطبية لزوم اكمال المستندات للسفر الي المملكة العربية السعودية بعد اخذ عينات الدم بمعمل استاك وذلك بعد صفوف تبدأ من الساعه الخامسه صباحا والانتظار الممل كان عايز تطلع من الصف تحجز بي طوبه بعد موافقة من هو امامك وخلفك..... ثم يتم تحديد مواعيد لاستلام النتيجة بمظروف مختوم عليه لتسليمها للسفاره السعودية بالخرطوم وفي يوم استلام النتيجه هذا يوم الامتحان يوم يكرم المرء أو يهان ... بمجمع فتح الرحمن البشير اجيك واحد اطلع في كنبه ماسك نتيجة الفحوصات بيد واليد الاخري بها الكشف ....... اخونا يبدأ في قراءة الاسماء بالدور.......وقتين اقول فلان الفلاني تبتسم .. تفرح ... تنطط.. معناها انت نظيف دي عايزه ليها زغروده ادوك ظرف التحليل .. من هناك جري للسفاره انت سعيد… الكلام الفات داك كلوا - فيش - فحص الحمي الصفراء وخلافه من تلقيط الاوراق كلام فارغ ساكت ... والله لاكن خطر يا الايدز.... اخونا الطالع في الكنبه دا لنهاية الكشف ما قال اسمك واطاتك اصبحت… انا كنت واقف صاحبنا شغال فلان الفلاني – انده في الاسماء انا اقول بعد ده – فلان الفلاني انا اقول يا ولد اصبر انت طوالي شفقان – اعاين للظروف في يد الراجل لما الظروف بقيت شوية ... كرعي ما شالني قعدته في الواطة الظروف انتهت قلته خلاص زولك لحقني امات طه ... اقبل وين امشي وين ياربي امشي بالحدود اسمرا اقول للناس ماشي السعودية اطش مليون سؤال داير في راسي وانا قاعد في الواطه متفرشخ خاتي يدي في راسي.... كان معاي جماعة كده الظاهر برضوا معاي في الفيلم واحد كان قاعد في الكنبة مع جلوسي في الواطه الراجل اقوم وإقعد بعد شوية اتكل في ظهري ماحسيت بيهوا والله حقيقة الراجل قايلني كرسي وانا الهموم الدخلت راسي اكبر من حجم الراجل .....اعاين للزول الكان معاهوا الظروف اقول ياربي ده اعمل فيهو شنو ود ال ...... الما قال اسمنا ده..... بعد شوية اشوف ليك واحد جاء عليهوا شايل ظروف قلت ديل ظروف الناس العندهم الايدز ذاتم انا المقعدني شنو ما ازوغ اصلوا وقت ما بدونا ليهوا الظرف الوسخان ده امشي خلاص حارس شنو بعد ده….كمان الاغتراب انا لي شنو ما اقعد في البلد دي بي وسخا وجكومتا الزفت دي غير الهموم والمشاكل ما جابت لينا حاجه ..... سمعنا اشاعة قالوا ناس الامن بجو اسوقوا الناس معاهم الظروف الوسخانه الشايلا الراجل ده.... بعدين قول ادوني ليهو ناس الامن خلوني أقع بيهو وين..... اشوف ليك زولنا طلع الكنبه تاني بدون أي مقدمات طوالي دخل في الموضوع عباس الشريف قال اسمي قلت ود ال ...... ده عايز ابشع بينا ما خلاص احسن سكيتي سكيتي ...تاني قال اسمي ما قدرته اقوم من الواطة كان معاي واحد مهندس صاحبنا من قري الجزيره جاي معاي.... استلم ظرفوا من بدري كان سعيد والله زولنا بسف ساعوط من الفرحة اشتري ليهوا علبة سجاير برنجي... الصباح كنا متواعدين نتقابل نشيل فحوصاتنا نمشي السفارة من قابلتوا قال لي (( ها زول مالك قميصك زرارة تحت او زرارة فوق زي دراويش النوبه)) كان قاعد معاي متحير في موضوعي راسو ضارب ..... وقتين شاف الراجل بقول في اسمي ثلاثة مرات وأنا ساكت قاعد في الواطه قام هو قال ايوه بصوت عالي بدلا عني عاين لي لقي واحد متكل في ظهري دفروا والله رماهوا انا قلته الزول تاني ما اقوم من الواطة قال ليهوا المتكل فيهو ده طوبه ما بتشوف انت..... رفعني من ضراعي وقفت عاينت ليهوا في وجهوا الراجل مبتسم شايل سجارة البرنجي قلته.... هع هع ناس الجزيرة ديل نجيضين والله غير البول هرسيا ما تجيهم الحبه راح صاحبنا قال لي (( ها زول ها انت تليفة مالك مصنقر كده زي العندك جنازه والعره ده تخلي اتكل في ظهرك ما تقول ليهوا تور قادي وقتين جاء عليك...... كدي قوم الزول ده بقول في اسمك نمشي نشوفوا مالوا يلا ارح) والله مع ارح خلاني زي الشفع الصغار انا الوقت داك ما حاسي بي حاجة زولنا جرجرني نص المسافة في النص ما قدرته اشيل رجلي قعدته الراجل واصل خلاني قاعد في الواطه مشي لي بتاع الكنبه الطالع فوق شايفوا اتكلم معاهو بعد شويه زولنا قعد كورك (( ها عباس ها عباس تعال.. اصل هنا الناس.. ديل قالوا تقاريركم اتاخرت كانت مع مراسلة تاني تعال شيل ظرفك ها زول ها نضيفه انت وقت بتخافوا بتهبشوا مالكم قوم تعال )) الناس كلها تعاين لي.... قلته يا جماعة الزول ده مجنون نهبش شنو ولا شنو..... لاكن بيني او بينكم كان بقول في كلام غريب خلا الناس تتلفت لي انا ما اهتميت بيهو ما كنت مركز في مضمون الكلام لاكن جاني نشاط قوي نطيت من الواطه زي حمل الخريف وقت وقفت لقيت ما عندي جزمة في رجلي حفيان قلته ما مشكلة جريت لي صاحبي المهندس والراجل الشايل الظرف.... اول كلمه قلته ليهوا يا خوي الحاصل شنو بتهذيب وانكساره…. قال لي استلم ظرفك خلينا نشوف شغلنا...... قلته اولا انستلم ظرفي من الزول اللئيم ده كان عايز اجيب لينا جلطه… بعد استلمت ظرفي والله العظيم الراجل ده اديتوا كف بي يدي الشمال لانو اليمين كان فيها الظرف قلبته تاني اديتو ليك بيدي اليمين والله لي حسي اكون لافي في السودان مدور من كفي.

    التعديل الأخير تم بواسطة moh_alnour ; 28-06-2009 الساعة 03:52 AM سبب آخر: تعديل عبارت ود الكلب و د الحرام

    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  2.  
  3. #2
    فخر المنتديات
    Array
    تاريخ التسجيل
    Jul 2004
    الدولة
    مدني مواليد ودزرق السكن حالياً مايوطرف قرب مظلة خالده
    المشاركات
    7,533

    عباس بجد روعه نفس الفلم ده يكون حصل لك قادم منتظر ترك الاهل واتغرب غايتو يا عباس ضحكته جنس ضحك ربنا يحلي ايامك

    اللهم صلي وسلم علي سيدنا محمد صلي الله عليه وسلم
    احذر مقاربة اللئام فإنه****ينبيك عنهم في الأمور مجرب
    قوم إذا أيسرت كانوا إخوة****وإذا تربت تفرقوا وتجنبوا

    اصبر على ريب الزمان فإنه****بالصبر تدرك كل ما تتطلب
    ***********************************
    إني صحبت الناس ما لهـم عـدد --- وكنت أحسب إني قد ملأت يـدي
    لمـا بلـوت أخلائـي وجدتـهـم ---- كالدهر في الغدر لم يبقوا على أحد


  4.  
  5. #3
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    حبيبنا وعزيزنا ود الطاهر تحياتي وشكرا علي المرور كما عودتنا دائما وابدا مع خالص تقديري


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  6.  
  7. #4
    عضو مميز
    Array الصورة الرمزية بت الشبارقه
    تاريخ التسجيل
    Feb 2007
    الدولة
    الشبارقه
    المشاركات
    447

    ادخل منتديات ود مدني فاجد الرتابه اصبحت تعم المنتدى(مع احترامي الشديد للجميع)
    ابحث عن موضوع ل...عباس الدسيس
    تجدني اضحك قبل ان افتح البوست




    للامام دائما فانت تتحفنا بالجديد المبتكر
    عبره وطرفه
    لك التحيه اينما كنت

    إذا الشعب يوما أراد الحياة فلا بد أن يستجيب القدر
    ولا بد لليل أن ينجلي ولابد للقيد أن ينكسر
    ومن لم يعانقه شوق الحياة تبخر في جوها واندثر
    كذلك قالت لي الكائنات وحدثني روحها المستتر
    ودمدمت الريح بين الفجاج وفوق الجبال وتحت الشجر
    إذا ما طمحت إلى غاية ركبت المنى ونسيت الحذر
    ومن لا يحب صعود الجبال يعش ابد الدهر بين الحفر
  8.  
  9. #5
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687

    اقتباس المشاركة الأصلية كتبت بواسطة عباس الدسيس مشاهدة المشاركة
    ها زول ها نضيفه انت وقت بتخافوا بتهبشوا مالكم قوم تعال
    الناس كلها تعاين لي
    قلته يا جماعة الزول ده مجنون نهبش شنو ولا شنو
    أتخيلتا منظرك يا عباس
    لكن ياخي صاحبك المهندس مكشوف حال شديد

    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  10.  
  11. #6
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    الاعزاء بت الشبارقه محمد نور الف شكر علي المرور خالص التحايا والاشواق


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  12.  
  13. #7
    عضو ماسي
    Array الصورة الرمزية الجندي المجهول
    تاريخ التسجيل
    Apr 2006
    الدولة
    من حته جميلة خلاص
    المشاركات
    6,674

    يا اخوي انت بتجيب الكلام دا من وين (غايتو حكاياً كيف )

    اللهم صلي وسلم على سيدنا محمد وعلى آله وصحبه وسلم تسليما



  14.  
  15. #8
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    شكرا يا حبيبنا الجندي المجهول علي المرور


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  16.  
  17. #9
    عضو فضي
    Array الصورة الرمزية الخواض محمداحمد خواض
    تاريخ التسجيل
    May 2009
    المشاركات
    1,284

    حمداً لله على السلامه

    قال تعالى ( قُلْ إِنَّ صَلاتِى وَنُسُكِى وَمَحْيَاىَ وَمَمَاتِى ِ لله رَبِّ اْلعَالَمِينَ ) صدق الله العظيم
  18.  
  19. #10
    عضو جديد
    Array
    تاريخ التسجيل
    Jun 2009
    المشاركات
    84

    بسم الله الرحمن الرحيم

    والله ياعباس الدسيس الله ستر عليك بس الناس ديل كان اخروك يومين كان مسكتك "كاروشه" عديل من الكبكبه والهضربه!!
    جات سليمه ياعبس!!

    اوعا بالك أخطر امتحان امتحان الايدز لو ماكنت شاطر بشيلوك المواد كلها!!

  20.  
  21. #11
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    حبيبنا ود النمير شكرا علي المرور والحمد لله مرينا في التربية الاسلاميه.
    ود الخواض يا لذيذ الله اسلمك ومتعك بالصحه والعافيه وطولت العمر يا ود القبائل


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  22.  
  23. #12
    عضو فعال
    Array
    تاريخ التسجيل
    May 2009
    الدولة
    المنيره
    المشاركات
    264

    قصة جميلة اخونا عباس الدسيس
    والطرايف كتيره جدا
    لكن رتوشك العملتها واخرجت بيها الحكايه
    كانت اجمل من القصه نفسها

    عصمت الدسيس اطلع شنو ليك

  24.  
  25. #13
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    شكرا يا صهيب علي المرور وعصمت من الاسم ماعرفتا يا الحبيب انا الاكبر منو


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  26.  
  27. #14
    عضو فضي
    Array الصورة الرمزية عوض الكريم الخواض
    تاريخ التسجيل
    May 2009
    المشاركات
    1,274

    يعنى طلعت برآءة ...
    يا زول حمداً لله على السلامة ...
    وحقيقى سرد مشوق ولطيف ...
    وأجمل ما فى الموضوع ( الكف ) ...
    لانو الموظفين المتحكرين فى قلوبنا ديل ما براعوا لى مشاعر المواطنين ...
    واصل يا عباس فأنت مبدع .

  28.  
  29. #15
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    هلا حبيبنا عوض الكريم والله اسلمك واديك العافيه ربنا استرنا كل اجازه ننزل من ناس الخدمه المدنيه وموظفننا في البلد


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  30.  
  31. #16
    عضو ماسي
    Array الصورة الرمزية مايسة
    تاريخ التسجيل
    May 2009
    المشاركات
    7,300

    هههههههههههههههههه


    لكن النسألك

    الاديتو كف تارة بالشمال وتارة باليمين ده - قال ليك شنو - وريني تعابير وشو شنو كانت بعد الخبطتين ديل .:d:d

    سبحان الله وبحمده سبحان الله العظيم
    *************************************

    لك الرحمة والمغفرة تيسير وعوّض الله شبابك الجنة
    --------------------------------------------------

    لا تحاول أن تعيد حساب الأمس وما خسرت فيه ...
    فالعمر حين تسقط أوراقه لن تعود مرة أخرى......
    ولكن مع كل ربيع جديد سوف تنبت أوراق أخرى...
    فأنظر إلى تلك الأوراق التي تغطي وجهه السماء ...
    ودعك مما سقط على الأرض فقد صارت جزء منها ...
  32.  
  33. #17
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    اولا شكرا يا اخت مايسه علي المرور ثانيا تلتلوني تلتله مع ناس الشرطه فتحوا لي بلاغ بعد الاجاويد والمعرفه حتي القضيه انتهت بصلح مع الراجل


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid