عاجل الرسائل الخاصة

[عزيز عيسى]

عاجل:
ألحقوا يا مشرفين في حاجة غريبة بتحدث في المنتدى
أرجو أنها بتحصل لي أنا لوحدي.. ربما فيروس جديد
ويا أبوبكر أعمل حسابك للباكب.
قبل شوية جاتني رسالة من صلاح ود الطاهر وكل
ما أحول أفتحها تتخيلوا يفتح معاي الملف الشخصي
لصلاح ود الطاهر ورسائله كلها بتظهر لي أمامي
وأقسم بالله العظيم يا صلاح يا أخوي ما فتحت ولا
واحدة فيهم وعلى طول بخرج..
عملت خروج نهائي من المنتدى عدة مرات ورجعت
تاني لقيت المشكلة مازالت قائمة أيضا يفتح معاي
الملف الشخصي للأخ صلاح ود الطاهر..
أرجو التحرك بسرعة لمعالجة المسألة هذه!!

[moh_alnour]

ورسائله كلها بتظهر لي أمامي

يا خواجة عزيز يا لذيذ كيفك عساك طيب
أنت قاصد رسائل الزوار و لا الرسائل الخاصة ؟ فالرسائل الخاصة لا تظهر للأعضاء
فهناك خلط من بعض الأعضاء بين ( الرسائل الخاصة ) و ( رسائل الزوار ) و هي التي تظهر للجميع
هذا إن كُنت قد فمهت ما تقصده في هذا البوست ؟

[مدنيّة]

ياود الجاك
الخواجة شكله فقد المنطق

[عزيز عيسى]

يا خواجة عزيز يا لذيذ كيفك عساك طيب
أنت قاصد رسائل الزوار و لا الرسائل الخاصة ؟ فالرسائل الخاصة لا تظهر للأعضاء
فهناك خلط من بعض الأعضاء بين ( الرسائل الخاصة ) و ( رسائل الزوار ) و هي التي تظهر للجميع
هذا إن كُنت قد فمهت ما تقصده في هذا البوست ؟ [/color]

يا ود الجاك رسائل زوار إيه أنا (بأولكم) بتكلم مصري مش علي كيفي؟
الملف الشخصي يعني الرسائل الخاصة.. كلما أفتح الرسائل الخاصة
يظهر لي الملف الشخصي تبع ود الطاهر ولحدي هذه اللحظة..
اللهم إجعله خير!
كدي عاين تحت ولاحظ الكلام المكتوب في صفحة الرسائل الخاصة..
هل هذا شيء مألوف.. ما ظهرت كلمة رسائل خاصة ولا يحزنون..
أروح ضاغظ على (التنبيهات) يظهر لي الملف الشخصي تبع
ود الطاهر كله (بضبانته).. أنا خايف بعد شوية يجي ود الطاهر
ذاتو ناطي ويظهر لي (شخصانيا) في الشاشة أرجعو ليكم
تاني كيف؟!!!

[عزيز عيسى]

ياود الجاك
الخواجة شكله فقد المنطق

إنت يا مدنية بس أقعدي حرشي لي ود الجاك دا..
إنتي عارفه اليومين ديل الواحد فينا بقي متشولق
وهسع أنا فقدت المنطق وفقدت جزلاني وحتى
الحلوف ذاتو..
كيفنك يا أم جمال وكيف أبوجمال وأخواته..
لعلكم كلكم طيبين..
وبقول ليك: الله يسلمك.. الله يبارك فيك..
الله يسلمك.. الله يبارك فيك..
دي بتاعة الود المسنوح داك الإسمو
محمد حسين (المميز)..

[علي النعيم محمد نور]

الأوبامي أبوعيسي . . .
شنو ياناس أمريكا ده تصنت عدييييييل بي (خشم ) الباب. . . علي أي حال أنا رسائلي ( خاتي ) ليها فردين مسلحين ومصفحين لا بعرفوا ليك أمريكي ولا تقول لي عندي جواز أمريكي . . .

10 دقيقه صفا : ـــ
عليك الله الله يا أبوعيسي كان لقيت ليك (شمارات ) عند (ود التاهر )ماتنسانا وعنواني معاك . . .

[محمد حسين (المميز)]

دي بتاعة الود المسنوح داك الإسمو
محمد حسين (المميز)..

المسنــوح دي كنت بسمعها عن حبوبتي

زمااااااااااااااان

تقول يابت تعالي هنا اسنحي السجم الشايلاهو ده

يعني ارمي

هسه يا خواجه سنحتك دي ياتها حقت حبوباتنا

ولاّ وحده جديده؟؟

[محمد حسين (المميز)]

عاجل:
تتخيلوا يفتح معاي الملف الشخصي
لصلاح ود الطاهر ورسائله كلها بتظهر لي أمامي
!!

ياخواجه في ناس جرت تمسح

البلاوي الفي الخاس

[مدنيّة]

أنا خايف بعد شوية يجي ود الطاهر
ذاتو ناطي ويظهر لي (شخصانيا) في الشاشة أرجعو ليكم
تاني كيف؟!!!

ياخواجة هو هسي كاتب ليك اهلا وسهلا بيكم عزيز عيسي
الجاب ود التاهر ليك شنووووووووو

[مدنيّة]

ياخواجه في ناس جرت تمسح

البلاوي الفي الخاس

وانا اقول انت مالك جريت علي الرسائل الخاصة تبعك

[مدنيّة]

إنت يا مدنية بس أقعدي حرشي لي ود الجاك دا..
إنتي عارفه اليومين ديل الواحد فينا بقي متشولق
وهسع أنا فقدت المنطق وفقدت جزلاني وحتى
الحلوف ذاتو..
كيفنك يا أم جمال وكيف أبوجمال وأخواته..
لعلكم كلكم طيبين..
وبقول ليك: الله يسلمك.. الله يبارك فيك..
الله يسلمك.. الله يبارك فيك..
دي بتاعة الود المسنوح داك الإسمو
محمد حسين (المميز)..

وحاة الله ما حريش ياخ
علا انت فقدت المنطق بالجد
هو زاتووو التراب وينه

تسلم من كل بلاء ياشاشوق
وكيف الوليدات (شكلها قلبت رسائل خاسة )

[ابوالنور]

وحاة الله

عاين يا عزيز الكلمة الفقو دي شايفا الكلمة البعديها توااالي مشتاااقين
والبركة في الخلعة من الرعشة والارتعاش وكشة الجسم ما الخلعة بتاعت بتاعت اشرف عبد الباقي
اشرف عبد الباقي ده منو يا اخوانا
اها نسيت اقول ليك مدت اللسان الفي الوش الضايفاهو مدنية دي الليتا هي

[Jamal Elmahi]

وهسع أنا فقدت المنطق وفقدت جزلاني وحتى
الحلوف ذاتو.

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي

[نزار حسن محمد]

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي

بركاتك ياشيخ شاشوق
الليله ما يوم الفرح والمنى
العمده ود الماحى شخصياً
جانا هنا
هوووى يامدنيه تعالى اجرى
جيب معاك براد شاى باللبن المقانن
حباب العمده ..
الرسول فيك وتعارض ليك
تانى كان تغيب جنس الغيبه دى
فاقدنك بشده

[عزيز عيسى]

الأوبامي أبوعيسي . . .
شنو ياناس أمريكا ده تصنت عدييييييل بي (خشم ) الباب. . . علي أي حال أنا رسائلي ( خاتي ) ليها فردين مسلحين ومصفحين لا بعرفوا ليك أمريكي ولا تقول لي عندي جواز أمريكي . . .

10 دقيقه صفا : ـــ
عليك الله الله يا أبوعيسي كان لقيت ليك (شمارات ) عند (ود التاهر )ماتنسانا وعنواني معاك . . .

هههههه يا جنابو إنت نسيت عندنا السي أي آيه وعندنا الإف بي آيه؟
وأجهزتنا منتشرة في كل مكان.. اعملوا حسابكم.. أي (كاني ماني)
أو (سيك ميك) أو (شنكبة عنكبة) حقكم بيروح.. عييييييك ناسك
المسلحين ديل شايلين بنادق من زمن العساكر (أبو ردا)..
ما يحتاج يا جنابو ودالطاهر شماراتو حننشرها في السوق ببلاش
كيتاً عليه ننتقم منه مش كان (بجلد) الطلبة في المدارس..
ومحمد السر أحد ضحاياه.

[عزيز عيسى]

المسنــوح دي كنت بسمعها عن حبوبتي

زمااااااااااااااان

حبوبتك دي الظاهر كانت تفتيحة ومثقفة شديد. :d

تقول يابت تعالي هنا اسنحي السجم الشايلاهو ده

يعني ارمي

هو الكلمة دي كان حبوبتك بتقولها ليك إنت
لكن عايز تخمنا وترميها في البت المسكينة..

هسه يا خواجه سنحتك دي ياتها حقت حبوباتنا

ولاّ وحده جديده؟؟

لو سألت حبوبتك حتشرح ليك.. :d

غايتو يا محمد حسين إنت زول ما قاعد في الواطة!!

[عزيز عيسى]

ياخواجه في ناس جرت تمسح

البلاوي الفي الخاس :d :d

ههههههه... وأنت أولهم..

[عزيز عيسى]

ياخواجة هو هسي كاتب ليك اهلا وسهلا بيكم عزيز عيسي
الجاب ود التاهر ليك شنووووووووو

المحيرني أكثر يا مدنية إنو الجاب لي ملفه الشخصي
شنو بكل محتوياته من رسائل بريدية صادر ووارد وحتى
صور الأصدقاء؟ أزيدك ولا أقيف..
أقوم أفتو؟ هسع يجي ود الطاهر يقعد يولول..

نجي للجد:
لكن يعلم الله لا ولن أقم بأي حال من الأحوال
بفتح أي ملفاته.

[عزيز عيسى]

وحاة الله ما حريش ياخ
علا انت فقدت المنطق بالجد
هو زاتووو التراب وينه )

غايتو يا مدنية بعد دا إلا أجيب ود الماحي يبقى
الشاهد بتاعي.. لكن الزول دا ما مضمون
خايف يقوم يتغاتت علي.

[عزيز عيسى]

عاين يا عزيز الكلمة الفقو دي شايفا الكلمة البعديها توااالي مشتاااقين
والبركة في الخلعة من الرعشة والارتعاش وكشة الجسم ما الخلعة بتاعت بتاعت اشرف عبد الباقي
اشرف عبد الباقي ده منو يا اخوانا
اها نسيت اقول ليك مدت اللسان الفي الوش الضايفاهو مدنية دي الليتا هي

يا أبو النور مدنية دي (بكاشة) خلاس..
مدت لسان ومشتاقين!!
آي مدت اللسان دي الليلتا
لكن معارفت مشتاقين دي الليلت منو؟
إنت قصدك أشرف عبدالغفور..
هو أشرف عبدالغفور دا منو ذاتو؟!!!

[أبوبكرحامد]

إنت ياخواجة أول أمس فى التلفون قلت لى ود الطاهر رسالتوا فيها شنو ؟ معليش التلفون قطع

الجا قبل شوية ده ود الماحى ولازول تانى دخل ملفو الشخصى؟

[عزيز عيسى]

حباب الخواخه حبابو ...

غايتو يا خواجه الله يكضّب الشينه ما يكون لمّا فيك حلوف أمريكي عمل ليك إنفلونزا الحلاليف وورّم الشلاليف وخلاّك تتكلم برا من راسك ...بجيب لي عطرون وحرجل وبجي عليك وكان ما نفعوا إلاّ نكويك في راسك الكبير دا ...
أرجاني ....

ود الماحي

ود الماحي حبابك الممسوخ دا إنت جيت؟
الجزلان ضاع والحلوف ضاع بدل تطيب على أخوك
تجي تضحك علي وكما شايل معاك مكوة؟
لا إنت لا العاقب المصباح ساعدتوني ودليتوني
على حلوفي الضائع ولا حتى طفش وين؟
باكر (الككو) حق عموري بيروح وبتجي
تفتش عليه!! وحنحلق ليك (جبنة) ونعمل ليك
قبور في راسك المكعوج داا!!

[العاقب مصباح]

عزيز عيسى الجاتك فى رسائل ود الطاهر سامحتك

وما دام شفتها كان تاخد ليك فيها جمة ساى

وتبرد حشا الشمار

عشان نجيب الحلوف لحدى عندك

همسة :- اكتب لى عنوان البوست بتاع الحلوف كامل وليك على اجيبه بى انفلونزته

[عزيز عيسى]

إنت ياخواجة أول أمس فى التلفون قلت لى ود الطاهر رسالتوا فيها شنو ؟ معليش التلفون قطع

الجا قبل شوية ده ود الماحى ولازول تانى دخل ملفو الشخصى؟

كدي يا ود المأذون خليني أول أضرب تلفون لود أبوشوارب وياسر عبدالرحمن
في الرياض أكلمهم ولخالد الصول علشان يكلم خالد هاشم ولبابكر الصول
علشان يكلم ناس ينبع كلهم وحأرسل ليهم صورة من رسالته..
أحفظ السر لحدي ما نكلم الصعايدة كلهم..
غايتو ود الطاهر وقعته سودا..
ملف ود الماحي حأنزلو بعد ما ننتهي من ملف ود الطاهر..
دا خليهو فيلم تاني..

[عزيز عيسى]

عزيز عيسى الجاتك فى رسائل ود الطاهر سامحتك

وما دام شفتها كان تاخد ليك فيها جمة ساى

وتبرد حشا الشمار

عشان نجيب الحلوف لحدى عندك

همسة :- اكتب لى عنوان البوست بتاع الحلوف كامل وليك على اجيبه بى انفلونزته

ها العاقب أخوي إنت جيت؟
والله تراني بفتش عليك من بدري وعايز فزعتك..

البوست بعنوان: الجماعة أكلوا الخنزير

لو لميتني في حلوفي.. أقصد في بوستيني بتاع الحلوف
حأديك جايزة كبيرة حأرسل ليك صورة من رسائل ود الطاهر
وتأخذ ليك فيهن جمة ذي جمتي..
هو الزول دا غاطس وين.. ما عايز يجي يدافع عن نفسه
ولا (يحنس) ويزرف الدمع قبل ما نقوم بالواجب..
حأحسب لغاية ثلاثة لو ما جاء يكون ظلم نفسه.