اذا كنت محتاج دخل اضافي (تحسين دخل)

[الجندي المجهول]

بشرط انك تكون في السودان

هذه هي الحقيقة اذا كنت محتاج زيادة في الدخل ودخل سريع وفوري ولا يحتاج لاي شهادة واو لغة او تكون جضيم كمبيوتر كدا وتخلي الاوفيس اتكلم (زي الجندي المجهول ) وتحفظ الاكسل بالسبعة روايات وتعمل منو برامج ومن الفرونت بيج صفحة ويب ولا احلي والورد دا بكتب راهو وانت نايم (شغلانة محتاجة منك ) فقط ضمير ميت او بالميت كدا يكون وسخان وتعمل علاقات في الجوازات والخدمة الالزامية والاراضي ويلا النوريك الشغلانة البتزيد الدخل :
1/ لو عندك علاقة جامدة في الالزامية يمكن تعمل لواحد قنعان قروشه كتيرة ( اعفاء نهائي بانه قام بتأدية الخدمة) ويحمل كرت ممغنط من شركة دايموند يحمل معلوماتك وبانك اكملت الخدمة الالزامية وامر التحرك ورقم القيد واخر صرفية ( هل تصدقوا هذا الكلام ) دا الحاصل والشخص موجود ولولا المشاكل كان الان رفعت ليكم صورة البطاقة اصدار 2009م بكل اسف .
2/ لو عاوز جواز سفر او جنسية او بطاقة شخصة ( في ثواني)
3/ لو عاوز رخضة قيادة في بيتكم بس تجي يوم التصوير

تصدقوا يا جماعة الخير دا كلوا حاصل وعلى مسمع ونظرالمسؤولين وكلوا بيضحك على كلوا وانا زي ما قلت ليكم لو لا المشاكل لكنت عملت لهذه المستندات (scan)) ورفعتها في هذه البوست .
اها يا جماعة الخير رايكم شنو ،،،،
ولسه الاراضي والعطاءات وما اشبه الليلة بالبارحة
اقول ليكم سر
السودان لو عدد المسؤولين فيهو 100 شخص احتمال اني اصدق منهم 95شخص من جملة ال100 هو ( 0.01% هل تصدقوا )
ولا حول ولا قوة إلا بالله العلي العظيم
الله انا نسالك الستر فوق الارض وتحت الارض ويوم العرض ،،
ومن هنا اهنئ ثورة الانقاذ بعيدها العشرون ( وعقبال 120 شمعة) واهديها
هابي بيرث زات تو يو -- هابي بيرث زات تو يو -- هابي بيرث زات تو يو انقاذ (هوووف)

[مدنيّة]

يا الجندي ثورة الانقاذ ماعندها علاقة بالفساد

الفساد دا طبع بشري الا من رحم ربي

يعني قبل ثورة الانقاذ السودان دا كان مافيه اي نوع من انواع الفساد ؟؟؟!!!!!

الفساد موجود قبل الانقاذ وح يظل الي مابعد الانقاذ


فما في داااعي الناس تربط الفساد بوجود الانقاذ


اللهم استرنا فوق الارض وتحت الارض ويوم العرض

[الجندي المجهول]

يا الجندي ثورة الانقاذ ماعندها علاقة بالفساد

الفساد دا طبع بشري الا من رحم ربي

يعني قبل ثورة الانقاذ السودان دا كان مافيه اي نوع من انواع الفساد ؟؟؟!!!!!

الفساد موجود قبل الانقاذ وح يظل الي مابعد الانقاذ


فما في داااعي الناس تربط الفساد بوجود الانقاذ


اللهم استرنا فوق الارض وتحت الارض ويوم العرض

مرحب بالاخت مدنية

اولا انا اتفق معك وبشدة ان الفساد مع الانسان في اي زمان وفي اي مكان ولكن بنسب متفاوتة هذا قليل وهذا اكثير وهذا وسط وها فوق الوسط ولكن باجماع كل النقاد والمنشقين من ذات صلب الانقاذ واغلبية الشعب ان الفساد الذي يوجد في الانقاذ ما انزل الله به من سلطان وفساد بالجملة في كل شي وفي كل مجال ( فساد مالي ) فساد اخلاقي من كل ضروب الفساد وبشكل يدعوا للاسمئزاز والتقزز والامثلة كثيرة (وظاهرة) ولي عودة باذن الله ،،،

[محمد حسين (المميز)]

والله يا كروووووووومبو

الفســـــــاد موجـــوووووووود

ربنا يستر علينا وعلى الجميــــع

-----------------------------

قلت لي عقبال الشمعه الكم؟؟

كدي ادينا هفه هفتين تاني

[مدنيّة]

باجماع كل النقاد والمنشقين من ذات صلب الانقاذ واغلبية الشعب ان الفساد الذي يوجد في الانقاذ ما انزل الله به من سلطان وفساد بالجملة في كل شي وفي كل مجال ( فساد مالي ) فساد اخلاقي من كل ضروب الفساد وبشكل يدعوا للاسمئزاز والتقزز والامثلة كثيرة (وظاهرة) ولي عودة باذن الله ،،،

النقاد دي ماعرفتهم يا الجندي
لانه الناقد بيطرح سلبيات وايجابيات اي حاجة
ومامعقولة انه الانقاذ غير السلبيات ماعندها حاجة

المنشقين ديل نسال روحنا
لية قالوا كدا بعد ما انشقوا ؟؟!!!


اخي الجندي ما تسمعه يتحمل ان يكون صح ويحتمل ان يكون خطا

وتذكر ان الظلم ظلمات

(( ما يلفظ من قول إلا لديه رقيب عتيد ))

[الجندي المجهول]

النقاد دي ماعرفتهم يا الجندي
لانه الناقد بيطرح سلبيات وايجابيات اي حاجة
ومامعقولة انه الانقاذ غير السلبيات ماعندها حاجة

المنشقين ديل نسال روحنا
لية قالوا كدا بعد ما انشقوا ؟؟!!!


اخي الجندي ما تسمعه يتحمل ان يكون صح ويحتمل ان يكون خطا

وتذكر ان الظلم ظلمات

(( ما يلفظ من قول إلا لديه رقيب عتيد ))

والله يا اخت مدنية في بالك انت الفساد الذي يحدث الانا في عهد الانقاذ محتاج مني اسمع كلام زول ما شايف ومحتك وبشدة ولس انا من يقول في فساد بمجرد سمعت كلام من شخص بل احتكيت ومريت بعدة مراحل من هذا الفساد واديك مثال ولا اتنين ولا ثلاثة ولا كم من الامثلة للفساد الذي يحدث انا بسالك الان هل تستطيعي ان تخبريني ماذ حدث للبناية( العمارة) التي سقطت والتي كانت خاصة بكلية الشرطة ...
من المسؤول من دخول عصابة خليل ابرايهم إلى امدرمان الامنة ولماذا هذا الوزير بالذات إلى الان في السلطة الا يوجد غيره والامثلة كثيرة ولا احب ان ادخل في تفاصيل كهذا ولكن شئنا ام ابينا الفساد موجود والكل يعرف هذه الكلام ومواضيع الصالح العام والان في الطريق بيوت 114 وما ادراك من انواع الفساد الكثيرة والثراء الحرام ( وغسيل الاموال) واموال اسامة بن لادن) وفي الجراب كثير من المواضيع ... ونسال الله السلامة والستر

تخريمة :
اجمل حاجة انا مقتنع بيها انه الانسان لما يتوفاه الله ويلفظ انفاسه الاخيرة وتعود الروح لبارئها لا ياخذ معه (الانسان ) غير اعماله لذلك اقول لهم خذوا ما شئتم (وشكوانا للذي لا يغفل ولا ينام)

[مدنيّة]

زمن الرسول صل الله عليه وسلم
مش كان في كذب وسرقة وزنا وغيره

هل نستطيع ان نطلق علي زمن الرسالة الاولي انه زمن للكذب والسرقة والزنا

زي مافي الصالح في الطالح

كلامي يا الجندي معناه اانا ما نطلق الكلام علي عمومه
ونتهم الكل بفساد الجزء

[نبض السكون]

حبيبنا باكا .. الزول الحريف
يا أخوي الكلام ده من زمآآآآآآآآآآآآآن حاصل قبل الإنقاذ بس الشغلانية بقت على المكشوف وعلى عينك يا تاجر
بعد مرات يجيني إحساس أدق خروج نهائي من السودان لكن برجع أستغفر وأقول العوجة ما في البلد العوجة بقت في الناس الهمها كلو بقى الحصول على القروش وبأي طريقة ويقول ليك الزول ده تفتيحة وشفت ونسوا قول المصطفى صلى الله عليه وسلم : (مأكله حرام وملبسه حرام فأنى يستجاب له !!) وقول يا لطيف ..

[الجندي المجهول]

زمن الرسول صل الله عليه وسلم
مش كان في كذب وسرقة وزنا وغيره

هل نستطيع ان نطلق علي زمن الرسالة الاولي انه زمن للكذب والسرقة والزنا

زي مافي الصالح في الطالح

كلامي يا الجندي معناه اانا ما نطلق الكلام علي عمومه
ونتهم الكل بفساد الجزء

الاخت مدنية سؤالي ليك مباشر هل الفساد المجود الان مدهش وبصورة مبالغ فيها ولا انا الببالغ .
تخريمة :
قبيل اتفقت معاك الشر من زمن هابيل وقابيل ومافي زول عاقل بينكر او يقول انه لا يوجد فساد ولكن كلامي (ان الفساد في عهد الانقاذ) اكثر واكبر بكثير من سابق اي عهد وبصورة ( مقرفة) ولا انت شايفة حاجة غير كدا وعلشان انا واضح وصريح
1/ في عهد الازهري كان في فساد
2/ في عهد عبود في فساد
3/ في عهد نميري في فساد
4/ في عهد الاحزاب في فساد
5/ في عهد الانقاذ في فساد ( لكن مبالغ فيهو يا مدنية يا اختي) فساد عجيب وغريب ونسبته تفوق نسبة كل تلك الفترات مجتمعة دا قصدي انا -- بعد كدا انا وانت وغيرنا ممكن نختلف في النسة ولكن لا اعتقد ان هنالك عاقل سيقول لك ان نسبة الفساد الانقاذ اقل من سابقاتها في الحكومات الاخرى .
اتمنى ان يكون قد وصل اليك ما اقصد ........................

نحمد الله العادل الذي لا يظلم ولا يغف ل ولا ينام نحمد الله على كل نعمه ونشكو إليه كل من ظلمنا وتعدى على اموال الشعب بدون اي وجه حق ،،، ولن نغفر ولا نسامح ولن نجامل ...
مع خالص التحايا ،،،

[مدنيّة]

يا الجندي انا ما بقدر احدد ياتو نسبة فساد هي الاكبر

بس متفقين انه الفساد موجود وح يظل موجود

فما في داااعي نربطه بالانقاذ

بعدين مش يمكن اللي ح يجي بعدها يكون اسوأ منها

لو اصلا العملية متوالية
ومن ياتي اخير يصبح اكثر فساد ؟!!

[الجندي المجهول]

يا الجندي انا ما بقدر احدد ياتو نسبة فساد هي الاكبر

بس متفقين انه الفساد موجود وح يظل موجود

فما في داااعي نربطه بالانقاذ

بعدين مش يمكن اللي ح يجي بعدها يكون اسوأ منها

لو اصلا العملية متوالية
ومن ياتي اخير يصبح اكثر فساد ؟!!

والله يا اخت مدنية متفقين على الفساد اما بالنسبة لربطه بالانقاذ لانها هي الموجودة الان على دفة الحكم فتلك الحكومات ذهبت لها اكثر من 20 عاما وهو (عمر الانقاذ الان) هل احكم على ميت ام على الموجود والماثل امامي الان
ثانيا هي لسيت قصة ربط بحكومة او باخري لاني انا ما حاضر عهد ازهر ولا عبود ولا حتى كنت واعي في عهد الاحزاب ولكن لما وعيت لشي اسمع سياسة وحكومة وفساد ورشوة والزامية لقيت نفسي في عهد حكومة الانقاذ (بقية الحكومات الماضية ) تعتبر تاريخ فقط ليس الا فيه الصالح وفيه الطالح ،، وزي ما بقول الناس نحن الانا فيها وانا من وجهة نظري وراي الخاص واطلاعي عن كثب لتاريخ السودان من زمن بعانخي وترهاقا ومروراً بدولة علوة والمغرة والتركية والمهدية والاستعمار والاستقلال وكل الحكومات الوطنية يعتبر نظام الانقاذ هو افسد نظام حكومي مرة على وجه الارض ولا يوجد نظام به فساد كان كان ولا يزال في هذه الحكومة التي استغلت في بدايتها التجارة بالدين نسبة لمعرفتها بنفسية الانسان السودان وتعاطفه بكل ما ياتي عن طريق الدين وهذا عيب كبير (اتسرق وترتشي وانت تلبس عباءة الدين ) عيب والله عيب ولا حول ولا قوة إلا بالله

[مدنيّة]

يعتبر نظام الانقاذ هو افسد نظام حكومي مرة على وجه الارض

يا الجندي يااخوي

لو كنت صادق في عبارتك دي ربنا يصلح اهل الانقاذ قبل فوات الاوان ويغفر ليهم


ولو كنت غير متيقن منها ربنا يغفر ليك ولينا جميعا

[الجندي المجهول]

يا الجندي يااخوي

لو كنت صادق في عبارتك دي ربنا يصلح اهل الانقاذ قبل فوات الاوان ويغفر ليهم


ولو كنت غير متيقن منها ربنا يغفر ليك ولينا جميعا

اختي مدنية ختي في بالك ما سطرت سطر واحد وإلا في بالي ما يلفظ من قول إلا .... الخ ...... لانني اعرف ان الله سبحانه وتعالى يسألني عن اي سطر وعن اي نقطة كتبتها ....
ولانني قبل فترت اغترابي مررت بكثير من هولاء النفر واحمد الله كثيرا انني اكل بعرق جبيني من يوم ان عرفت كيف يعرق الرجال وكيف يكسبون قوتهم وليس لاحد شئ عندي ...
ولك كل الود
تخريمة ...............
اجمل حاجة ان تختلف في رايك مع زول بيفهم

[مدنيّة]

اختي مدنية ختي في بالك ما سطرت سطر واحد وإلا في بالي ما يلفظ من قول إلا .... الخ ...... لانني اعرف ان الله سبحانه وتعالى يسألني عن اي سطر وعن اي نقطة كتبتها ....
ولانني قبل فترت اغترابي مررت بكثير من هولاء النفر واحمد الله كثيرا انني اكل بعرق جبيني من يوم ان عرفت كيف يعرق الرجال وكيف يكسبون قوتهم وليس لاحد شئ عندي ...
ولك كل الود
تخريمة ...............
اجمل حاجة ان تختلف في رايك مع زول بيفهم

وانت برضو يالجندي خت في بالك انه اصابعك مازي بعضها

وزي ما مريت بناس فاسدين
اكيد في الصالحين

انا حواري معك يا الجندي عايزة نصل لنقطة تلاقي

انه مامعني اننا وجدنا ناس فاسدين يبقي الكل فاسد
مش في البلاغة في الكناية وحتة يطلق الكل واراد الجزء دي

فيا الجندي شخصيا بعرف ناس فاسدة جدا في الانقاذ
وبعرف ناس تقول عليم ملائكة يمشون علي الارض

رد التخريمة : االاختلاف برضو سمة من سمات البشر لكن ياقولك بيكون اجمل لما يكون الناس فاهمة وما غير شخصنة

احتراااماتي يالجندي

[نبض السكون]

يا لذيذ الجماعة ديل عملوا حاجة آمنة هنا أعمل حسابك الجمعة الجاية ما نلقاك في الدافوري !!

[الجندي المجهول]

وانت برضو يالجندي خت في بالك انه اصابعك مازي بعضها

وزي ما مريت بناس فاسدين
اكيد في الصالحين

انا حواري معك يا الجندي عايزة نصل لنقطة تلاقي

انه مامعني اننا وجدنا ناس فاسدين يبقي الكل فاسد
مش في البلاغة في الكناية وحتة يطلق الكل واراد الجزء دي

فيا الجندي شخصيا بعرف ناس فاسدة جدا في الانقاذ
وبعرف ناس تقول عليم ملائكة يمشون علي الارض

رد التخريمة : االاختلاف برضو سمة من سمات البشر لكن ياقولك بيكون اجمل لما يكون الناس فاهمة وما غير شخصنة

احتراااماتي يالجندي

فقط اعيب على نظام الانقاذ علمه بهولاء الاشخاص الفاسدين ولا يقوم بمحاسبتهم او احالتهم للصالح العام على عكس الكثيرين من اصحاب الايادي النظيفة ويتم احالتهم للصالح العام (وهنا تظهر ) النظرةالضيقة بان هذا ليس موالي للحزب وهذا ما عارف شنو مع العلم ان لاوباما الان مستشارين في البيت الابيض الابيض من الحزب المنافس ولكنه لانه يعرف خبرتهم فاراد ان يستفيد منها وبذلك تستفيد منهم البلد ككل
اختي مدنية بكل اسف السودان ليس به ( وجيع ) ليس به من يخاف عليه كل يقول يا نفسي والولاء للحزب فقط وليس هنالك ولاء للوطن (واصدقك القول ) بان اصابع اليد ليست واحد ومختلفة ( واذا كان للسودان عشرة اصابع ) ( فبكل اسف به 7 اصابع تحتاج للبتر ) والله المستعان ،،،

لا يزال السودان في قلوبنا ما دمنا حيين ولو دخلنا جوة التراب يوم ما بفضل الواحد القاهر سيذهب كل سارق وكل ظالم إلى مذبلة التاريخ ومحرقته كما ذهب الكثيرين وفي بالي( لو دامت لغيرك لما آلت إليك )


كرومبووووووو

[بت الشبارقه]

انا اع.........................تقد الانقاذ وغيرها من الحكومات لم يخدم سادتها الا انفسهم
الفساد لقي الارض الخصبه الي ينمو فيها وزي مافي فاسد في صالح
ومن نما جسمه من سحت فالنار اولى به
اللهم باعد بيننا وبين النار كما باعدت بين المشرق والمغرب
واللهم احفظ عرضنا ومالنا وولدنا من الحرام...ما ضروري نعرف نصحح لو ما قادرين المهم نحمي نفسنا من اننا ننجرف مع التيار ونعمل باضعف الايمان قلبنا الى ان تنكشف غمتنا
بصلاح الحكم او بتغييره للاحسن رغم اني اشك في احسن
لو صبرنا شويه يمكن الجماعه ديل يشبعو ويبطلو الفساد الهم فيه ده

[moh_alnour]

الأخ الحبيب : جندينا الغير مجهول
تحياتي بلا حدود
ليس دفاعا ً عن نظام الأنقاذ و لكن الفساد و الأهمال و التقصير ديدين النفس البشرية في كل العهود و العصور
و لكن دعني أختلف معك بأحترام في إختيارك لعنوان البوست و الذي في أعتقادي فيه إثارة أكثر من أنه نقد هادف
و أذكرك و نفسي و الجميع بحديث الرسول صلى الله عليه وسلم الصادق المصدوق ( كفى بالمرء إثما أن يحدث بكل ما سمع )
و ليس كل ما يُسمع يُقال

[المسافر]

بشرط انك تكون في السودان

هذه هي الحقيقة اذا كنت محتاج زيادة في الدخل ودخل سريع وفوري ولا يحتاج لاي شهادة واو لغة او تكون جضيم كمبيوتر كدا وتخلي الاوفيس اتكلم (زي الجندي المجهول ) وتحفظ الاكسل بالسبعة روايات وتعمل منو برامج ومن الفرونت بيج صفحة ويب ولا احلي والورد دا بكتب راهو وانت نايم (شغلانة محتاجة منك ) فقط ضمير ميت او بالميت كدا يكون وسخان وتعمل علاقات في الجوازات والخدمة الالزامية والاراضي ويلا النوريك الشغلانة البتزيد الدخل :
1/ لو عندك علاقة جامدة في الالزامية يمكن تعمل لواحد قنعان قروشه كتيرة ( اعفاء نهائي بانه قام بتأدية الخدمة) ويحمل كرت ممغنط من شركة دايموند يحمل معلوماتك وبانك اكملت الخدمة الالزامية وامر التحرك ورقم القيد واخر صرفية ( هل تصدقوا هذا الكلام ) دا الحاصل والشخص موجود ولولا المشاكل كان الان رفعت ليكم صورة البطاقة اصدار 2009م بكل اسف .
2/ لو عاوز جواز سفر او جنسية او بطاقة شخصة ( في ثواني)
3/ لو عاوز رخضة قيادة في بيتكم بس تجي يوم التصوير

تصدقوا يا جماعة الخير دا كلوا حاصل وعلى مسمع ونظرالمسؤولين وكلوا بيضحك على كلوا وانا زي ما قلت ليكم لو لا المشاكل لكنت عملت لهذه المستندات (scan)) ورفعتها في هذه البوست .
اها يا جماعة الخير رايكم شنو ،،،،
ولسه الاراضي والعطاءات وما اشبه الليلة بالبارحة
اقول ليكم سر
السودان لو عدد المسؤولين فيهو 100 شخص احتمال اني اصدق منهم 95شخص من جملة ال100 هو ( 0.01% هل تصدقوا )
ولا حول ولا قوة إلا بالله العلي العظيم
الله انا نسالك الستر فوق الارض وتحت الارض ويوم العرض ،،
ومن هنا اهنئ ثورة الانقاذ بعيدها العشرون ( وعقبال 120 شمعة) واهديها
هابي بيرث زات تو يو -- هابي بيرث زات تو يو -- هابي بيرث زات تو يو انقاذ (هوووف)

أخي الجندي
الموضوع لا يحتاج إلى أي إثباتات منك
فأي فساد أخلاقي ومهني مرتبط بينا
والأمر أصبح ليس فيهو عجب ولا إستغراب
وحتى وإن قلت ( بمساعدة المسئولين ) ..

والإنقاذ هي السبب الرئيس وراء الإنفلات
الأخلاقي الموجود في السودان ، فأنظر
فقط إلى ما يحدث في ( السوق العربي)
وسوف تعرف بنفسك ، ولولا إن محمد (صلى الله عليه و سلم )
هو آخر الرسل لأجزمت بأنه سوف ينزّل
(رسول) في الخرطوم ، لأننا أفسدنا أكثر
من أقوام ( عاد وثمود ) وأصررنا عليه .

وتأكيداً أيضاً لأن الإنقاذ هي وراء كل هذا
الفساد ، ما يردده الذين يدعون الإنقاذ بأنهم
( دائماً في حالة إبتلاء . . . إلخ ) وقول الله
تعالى ( لا يغير الله ما بقوم حتى يغيروا ما بأنفسهم )

[الجندي المجهول]

الأخ الحبيب : جندينا الغير مجهول
تحياتي بلا حدود
ليس دفاعا ً عن نظام الأنقاذ و لكن الفساد و الأهمال و التقصير ديدين النفس البشرية في كل العهود و العصور
و لكن دعني أختلف معك بأحترام في إختيارك لعنوان البوست و الذي في أعتقادي فيه إثارة أكثر من أنه نقد هادف
و أذكرك و نفسي و الجميع بحديث الرسول صلى الله عليه وسلم الصادق المصدوق ( كفى بالمرء إثما أن يحدث بكل ما سمع )
و ليس كل ما يُسمع يُقال

يا محمد النور انا ما بتكلم عن الماضي (انا بتكلم عن اليوم والان ) ياريت اجابتك تكون واضحة وفيها نوع من الشفافية وهي ( في فساد او لا يوجد فساد ) (تلك هي القضية ) وبالمناسبة الصغير يعرف ان الشر والير مترادفان وماشين مع بعض منذ هابيل وقابيل والفساد موجود في اي حكومة ولكن كلامي كان تحديداً أنه في عهد الانقاذ ( كان بصورة كبيرة جدا) وبصورة اقبح من القبح نفسه
تخريمة :
بالله عليك يا اخي الكريم فساد الانقاذ دا عاوز ليه سمع ما الناس كلها شايفة وهو كلوا على عينك با تاجر (ومافي حاجة اصلاً بتخجل لانه اصبح اكثر من عادي ) والحمد لله لا شئ يحتاج لدليل او برهان فكل شئ واضح وضوح الشمس .
اجابتك ما كانت واضحة ،،،

[الجندي المجهول]

أخي الجندي
الموضوع لا يحتاج إلى أي إثباتات منك
فأي فساد أخلاقي ومهني مرتبط بينا
والأمر أصبح ليس فيهو عجب ولا إستغراب
وحتى وإن قلت ( بمساعدة المسئولين ) ..

والإنقاذ هي السبب الرئيس وراء الإنفلات
الأخلاقي الموجود في السودان ، فأنظر
فقط إلى ما يحدث في ( السوق العربي)
وسوف تعرف بنفسك ، ولولا إن محمد (ص)
هو آخر الرسل لأجزمت بأنه سوف ينزّل
(رسول) في الخرطوم ، لأننا أفسدنا أكثر
من أقوام ( عاد وثمود ) وأصررنا عليه .

وتأكيداً أيضاً لأن الإنقاذ هي وراء كل هذا
الفساد ، ما يردده الذين يدعون الإنقاذ بأنهم
( دائماً في حالة إبتلاء . . . إلخ ) وقول الله
تعالى ( لا يغير الله ما بقوم حتى يغيروا ما بأنفسهم )

يا المسافر اقف لك واصفق على الاقل انك لم تدفن راسك في الرمال وجاهرت بالحقيقة وقول الحق ولا فض فووووك

[محمود (أبو وضاح)]

أستغرفك يا مالك روحى ،،،
يا أخوانا الفساد موجود فى كل مكان ، لكن الفساد الأصلى فى السودان ، ليس بالضرورة الدولة ولكن النفس الامارة بالسوء ، ضعف الضمير ، قلة الايمان ، هذا فى الجانب السلوكى ، أما الحياتية فهى الضغوط ، شدة الفقر وعدم عدالة الفرص الوظيفية أو العطالة ، لهذا اختلط الحابل بالنابل ، فالسوق يعج بالمفسدين وسارقى قوت المواطن ، الاحتيال فى كل شئ ، يبيعونك الهواء على أساس أنه نقى والماء على أنه من الفردوس ،،
عجبى ، زمن نتمنى أن يعود فيه الانسان الى الأصول والأعراف والقيم الفاضلة ،، هل نحلم بهذا الزمن ؟ أم نخوض مع الخائضين ؟

[محمد حسين (المميز)]

[8000 جنيه تكلفة الحج بالطائرة و 7000 جنيه بالباخرة ... و لعمري فهو مبلغ خرافي و بخت أمراء الحرب ... تدافع كبير عظيم من كل فئات الاحباب و تهافت علي اللحاق بالكيكة و ذادت أسعار الشواكيش التي يتم بها تكسير الثلج ... فاحت رائحة الفساد من الركن الاقصي للمدينة في ناحية التدريب المهني ... عصابة مدرسي الحكومة تنتزع من أولياء الامور الفلوس إنتزاعا ... و 40 جنيه لابد أن يدفعها ولي أمر الطالبة في مدرسة ودمدني الثانوية و 40 جنيه في 70 طالبة في 15 فصل تساوي 42000 جنيه
[/

من البوست الرائـع ودمدني هذا الصباح بتاريخ 5/7/2009م

للأستاذ الرائــع خالد الصــول

[عمران حسن]

بشرط انك تكون في السودان

هذه هي الحقيقة اذا كنت محتاج زيادة في الدخل ودخل سريع وفوري ولا يحتاج لاي شهادة واو لغة او تكون جضيم كمبيوتر كدا وتخلي الاوفيس اتكلم (زي الجندي المجهول ) وتحفظ الاكسل بالسبعة روايات وتعمل منو برامج ومن الفرونت بيج صفحة ويب ولا احلي والورد دا بكتب راهو وانت نايم (شغلانة محتاجة منك ) فقط ضمير ميت او بالميت كدا يكون وسخان وتعمل علاقات في الجوازات والخدمة الالزامية والاراضي ويلا النوريك الشغلانة البتزيد الدخل :
1/ لو عندك علاقة جامدة في الالزامية يمكن تعمل لواحد قنعان قروشه كتيرة ( اعفاء نهائي بانه قام بتأدية الخدمة) ويحمل كرت ممغنط من شركة دايموند يحمل معلوماتك وبانك اكملت الخدمة الالزامية وامر التحرك ورقم القيد واخر صرفية ( هل تصدقوا هذا الكلام ) دا الحاصل والشخص موجود ولولا المشاكل كان الان رفعت ليكم صورة البطاقة اصدار 2009م بكل اسف .
2/ لو عاوز جواز سفر او جنسية او بطاقة شخصة ( في ثواني)
3/ لو عاوز رخضة قيادة في بيتكم بس تجي يوم التصوير

تصدقوا يا جماعة الخير دا كلوا حاصل وعلى مسمع ونظرالمسؤولين وكلوا بيضحك على كلوا وانا زي ما قلت ليكم لو لا المشاكل لكنت عملت لهذه المستندات (scan)) ورفعتها في هذه البوست .
اها يا جماعة الخير رايكم شنو ،،،،
ولسه الاراضي والعطاءات وما اشبه الليلة بالبارحة
اقول ليكم سر
السودان لو عدد المسؤولين فيهو 100 شخص احتمال اني اصدق منهم 95شخص من جملة ال100 هو ( 0.01% هل تصدقوا )
ولا حول ولا قوة إلا بالله العلي العظيم
الله انا نسالك الستر فوق الارض وتحت الارض ويوم العرض ،،
ومن هنا اهنئ ثورة الانقاذ بعيدها العشرون ( وعقبال 120 شمعة) واهديها
هابي بيرث زات تو يو -- هابي بيرث زات تو يو -- هابي بيرث زات تو يو انقاذ (هوووف)

مرحبا بالجندي المجهول

المفروض كان غيرت العنوان الى بدل دخل اضافي الى تعالى و تذوق طعم الحرام و الى جهنم

اسال الله ان يرزقنا حلالا طيبا و يبعد عنا الحرام

موفق باذن الله

[عمران حسن]

بشرط انك تكون في السودان

هذه هي الحقيقة اذا كنت محتاج زيادة في الدخل ودخل سريع وفوري ولا يحتاج لاي شهادة واو لغة او تكون جضيم كمبيوتر كدا وتخلي الاوفيس اتكلم (زي الجندي المجهول ) وتحفظ الاكسل بالسبعة روايات وتعمل منو برامج ومن الفرونت بيج صفحة ويب ولا احلي والورد دا بكتب راهو وانت نايم (شغلانة محتاجة منك ) فقط ضمير ميت او بالميت كدا يكون وسخان وتعمل علاقات في الجوازات والخدمة الالزامية والاراضي ويلا النوريك الشغلانة البتزيد الدخل :
1/ لو عندك علاقة جامدة في الالزامية يمكن تعمل لواحد قنعان قروشه كتيرة ( اعفاء نهائي بانه قام بتأدية الخدمة) ويحمل كرت ممغنط من شركة دايموند يحمل معلوماتك وبانك اكملت الخدمة الالزامية وامر التحرك ورقم القيد واخر صرفية ( هل تصدقوا هذا الكلام ) دا الحاصل والشخص موجود ولولا المشاكل كان الان رفعت ليكم صورة البطاقة اصدار 2009م بكل اسف .
2/ لو عاوز جواز سفر او جنسية او بطاقة شخصة ( في ثواني)
3/ لو عاوز رخضة قيادة في بيتكم بس تجي يوم التصوير

تصدقوا يا جماعة الخير دا كلوا حاصل وعلى مسمع ونظرالمسؤولين وكلوا بيضحك على كلوا وانا زي ما قلت ليكم لو لا المشاكل لكنت عملت لهذه المستندات (scan)) ورفعتها في هذه البوست .
اها يا جماعة الخير رايكم شنو ،،،،
ولسه الاراضي والعطاءات وما اشبه الليلة بالبارحة
اقول ليكم سر
السودان لو عدد المسؤولين فيهو 100 شخص احتمال اني اصدق منهم 95شخص من جملة ال100 هو ( 0.01% هل تصدقوا )
ولا حول ولا قوة إلا بالله العلي العظيم
الله انا نسالك الستر فوق الارض وتحت الارض ويوم العرض ،،
ومن هنا اهنئ ثورة الانقاذ بعيدها العشرون ( وعقبال 120 شمعة) واهديها
هابي بيرث زات تو يو -- هابي بيرث زات تو يو -- هابي بيرث زات تو يو انقاذ (هوووف)

هل تعلم انت الان تدعو للفساد ؟ تقول تعالوا و افتح لكم ابوبا للفساد الفوري

لماذا لم تنصحهم ؟ الست اهلا للنصيحه

انصحهم و انا اعتقد ان فيك غيره للمسلمين و لو لا ذلك لما كتبت

اسال الله ان يصلح حالنا و حال جميع المسلمين