من قومة الجهل ولداً مميز عومو
وحافلات الخيول فيهن بكتر كومو
خليفة المنتظر عمارة جاك ما تلومو
جاك كبش الضحية الليلة آخر يومو
من قومة الجهل ولداً ولا بضارة
يعصر الكيك على الحرب البتوقد نارة
جاييك بامتثال ود عزة النقارة
خليفة المنتظر قول السماح لي عمارة
من قومة الجهل بركب على المتشابي
وحافلات الخيول فيهن بعزل النابي
خليفة المنتظر عمارة جاك مومابي
حلفتك بالرسول تقوله من أصحابي
أكان اداك وكتر ما بيقول أديت
ابدرقاً موشح كلو بالسوميت
ابْرسْوه الْبِكرْ حّجرْ شراب سيتيتْ
كاتال في الخلا عقبان كريم في البيت
الحبان تحياتي .. وقلت أخش عليكم بالنمًه دي ... لأنو الواحد جاي من ريحة الدعاش ومن بلد المحنه ... عساكم طيبين وتامين ولامين
ووحاة الخوه مشتاقين
رد مع اقتباس
المشاركة الأصلية كتبت بواسطة عثمان جلالة
المفضلات