قد يكون سر الحياة السعيدة والطويلة يكمن في الاقتران بزوجة ثانية.
هذا ما توصل إليه باحثون في جامعة شفيلد البريطانية بعد اكتشافهم
«فوائد» الزواج من امرأتين في الوقت نفسه، والاطلاع على إحصاءات أعدتها منظمة الصحة العالمية حول البلدان التي تسمح بتعدد الزوجات والنتائج الايجابية لذلك ومنها
أن عمر الزوج الذي يقترن بأخرى يزداد أكثر من غيره بنسبة 12%
وأشارت الدراسة، التي نشرت في العدد الأخير من مجلة «نيو ساينتيست»،
إلى أن الرجل الذي يتزوج من أكثر من امرأة وتكون لديه عائلة كبيرة يحظى برعاية أفضل خلال مرحلة الكهولة ويعيش لفترة أطول. وقال الاختصاصي في تطور علم النفس
لانس ووركمان من جامعة باث سبا البريطانية «إذا كان لديك أكثر من زوجة فقد يعتنين بك وتعيش لفترة أطول»،
مشيرا إلى فوائد الزواج «لأننا نعرف أنه حتى الرجل الذي يقترن بامرأة واحدة يعيش لفترة أطول من العازب».
وأضاف ووركمان «إذا نظرت إلى المجتمعات التي تسمح بتعدد الزوجات ترى الرجال يتنافسون بقوة مع الرجال الآخرين لأن ضغوطات الحياة التي يواجهونها أكبر»، مشيرا إلى أن المرأة تبحث عن الرجل الأكبر حجما والأكثر قوة وحكمة .
ولد ده........... شفوتواالمعلومه الخطيره دي جيبتها ليكم كيف.... طيب ما دام سلمنا بالمعلومه اصبحنا علميين بنتعامل مع مستجدات الحياة بطريقه علميه كونوا تزوج تاني دي مستجدات والزواج له تبعات من اهم تبعات الزواج الفرحه والجبجبه بس الغنأ بتاعنا ماشي للحضيض من المفترض يعكس
وجه زوقنا الفني والحالة الاجتماعيه نشوف اوجه الشبه بين زمان او حسي زمان كانت الواحده ممكن تطلع مع خطيبا تتونس اكونوا مجموعة بنات او ماشين معاهم اولاد فيهم البحبو بعض والمخطوبين والاخ مع اختوا في الشله دي غالبا ما كانت الزيارات تكون لشاطي النيل إتقال كلام كثير من الشعراء عن النيل وقت زيارات العصريه والحب الطاهر..... قبل ما اخش المغرب الناس بترجع لي بيوتا زي ما قال الشاعر:
إن طلعت القمرا
اخير يا عشايا تودينا لي اهلنا
بسألوك مننا
ده يعكس الحالة البريئه في القيا )) بضم الالف ))بين الحبيب والمحبوب ناس البيت عارفين البت فاطمه ماشه مع الولد محمد اتنزهوا علي شاطي النيل والجنائن. زي ما قالوا في واحد جعلي مرتوا عايزه تلد الناس من نص النهار منتظرينها تلد ما ولدت للمغرب الجعلي اخذ ليهوا نومه صحو زي الساعه 12 ليلا قالوا ليهوا قوم قوم زوجتك ولدت قال ليهم جابت شنو قالوا ليهو بت قال ليهم اقتلوها ما عندنا بت بتجي زي الساعه دي.
لاكن تعال شوف اليوم:
راجل المرا حلو حلا
مرقوها بره .. حلفوها اسم الله
راجل المرا ما بيتخلا
وداني الريفيرا
ما قال لي الليلة سيرة
ركبني عربيتوا
عرفني بي بتو
وداني الرفيرا طبعا مشيت الرفيرا بتكون ليلا بعد داك من الرفيرا امشوا وين ما معروف كمان مع منوا راجل المره والله غبيان راجل المره ده انت وقت عندك بنات البحومك شنو مع الفاكات ديل والسبب كمان ما منوا هو من زوجتوا المخلياهوا مطلوق ساكت انا بعجبني النسوان الشايفات بيتم او حاسمات الواحده كان شافت راجلا دايره تقوم ليهوا صوفه تقطعا بسرعه تعاين لزوجها كويس (( مره من المرات زوجتي كنا في حديقه عندها بت خالتا والله سمحه سماحه بتقرا صيدله لاكن حقيقه ما اسمح من المدام بس المدام دي كل يوم معاكم الواحد ما عينوا زايقه لاكن كان لقي حبت ونسه في الله بتونسا البنيه جات قعدت جمبي فتحت جوالا مالت بي راسا علي قالت لي بالله شوف التسجيل ده لي شيخ السديس في الحرم صلاة التراويح البنيه مادي لي الجوال ماسكاهوا في بطن يدها يعني لو عايز اشيلوا لازم امسك يدها بالله عايز امد يدي المدام بعيده مننا مترين وقت نطت قلت حامد بريمه حارس المريخ ختفت الجوال قلبت في الجوال هي ساكته زي ربع ساعه كده والبنيه من الدهشه فتحت خشما سكتت امها تعاين للمنظر ده ما قادره تقول حاجه ..... اها المدام بعد انتهت من تقلب الجوال ما سلمتوا ليها في يدها جدعتوا جدعه ليها قالت ليها قومي بلا سديس بلا شيخ عايزه اسكت ليك عشان بكره تجيبي ليهوا هيفاء وهبي هوي يا بت اعمل حسابك......... الموضوع انتهي لا انا لا البت لا امها ما فتحنا خشمنا..........
يعني الواحد لو عايز الحياة تكون سعيده كمان طويله اجرب ؟؟؟؟؟؟؟؟؟؟؟؟؟؟؟؟؟؟
رد مع اقتباس
المشاركة الأصلية كتبت بواسطة عباس الدسيس
....
المفضلات