المشاركة الأصلية كتبت بواسطة ميادة
اتى المساء وهو يحمل معة نسمات عليله... قررت الزوجه ان تخرج للشارع .
الزوجه : انا مااااشة
الزوج : ماااااشة وين ؟
الزوجة ماااشة اتمشى 
الزوج : طيب البت دي نايمة انتظريها تصحى وسوقيها
الزوجة : ليه خليها تنوم انا كلها ساعة زمن وبجي
الزوج : يطنطن وبدأت ملامحة تتغير من الزهج طبعا ( امشي امشي طيب )
الزوج مره اخرى : شلتي تلقونك معاك
الزوجة : اااااااااااااااااااااي شلتو ( بي نهره طبعا )
تخرج الزوجة واول ما فتحت الباب شالت نفس عميق وقالت اخيرا
وبدت تمشي شوية شوية وفجأة لاقت نسوان جاراتا في الشارع قاعدين
وحدة من الجارات : ازيك يا امنة
امنة : اهلا يا هبة كيفك وكيف اولادك
هبة : كويسين .. وينا يختي زنوبة بتك
امنة : خليتا مع ابوها نايمة وطلعت قلت اتمشى شوية
هبة : سجمي ابوها رضى كيف يمسكا ليك غايتو ابو السرور يا يمة
امنة : هيا يمة بعد زهج وطنطنة اسكتي بث يختي
هبة : ومالك انتي بتتمشي من اسي قربتي للولادة ولا شنو
امنة : لالا يختي لسه فضل لي شهرين للولادة
وفجأة يرن هاتف امنة : ابو زنوبة يتصل بك 
امنة : الو الو ما سامعاك على صوتك العربات
الزوج : وين انتي البت صحت
امنة : سجمي متين انا لسه من شارع البيت ما طلعت واقفة مع ناس هبة
الزوج : اسمعي خليك قبلك ح طلع العجلة واجيبا ليك
وتيت تيت تيت يفصل الخط
وبعد ثواني ياتي الزوج ومعة زنوبة بنفس ملابس النوم
امنة : سجمي يا ابراهيم مالك ما بتغير للبت ولا بتشربا موية ولا بتغسل ليها وشها
ووووب علي ولا ملبسا لي بامبرس كمان ما بتوسخ العجله دي ( المشاية )
الزوج : ما مشكلة ياخ امشي ثاااي
امنة : خلاص انا زااااااتي خليتو المشي ده
وبدت الكوراك ... انت بث عايز تتخارج منها فيها شنو يعني لو غيرت ليها ولبستها
ولا حتى مسكتها ساعة بث لحد ما امشي واجي يعني انا شايلة في بطني وكمان امسك بره غايتو رجال اخر زمن .
ليه يا جماعة الرجال بتهربو من مسؤلية الاطفال
في كتير من الرجال ما بتحملو انو يمسكو ليهم شافع لحد ما الام تقضى ليها غرض وتجي
يتحججو ليك بمليون حجة
بث اتمنى انو تجو وتوروني الفهم ده شنو ....
رد مع اقتباس
,,
المفضلات