إلى كل شاب يحلم بالسفر والهجرة تاركاً وطنه وأهله فيضيع العمر في سبيل حلم لم يتحقق جزء منه وقد يتحول الى كابوس وما أكثر الأحلام التي تحولت الى كوابيس في هذا الزمن.
ليه تسافر
ما حرام تهجر ديارك
السنين تسلب نضارك
العمر يتلاشى منك
وإنت في قمة ودارك
إيه حصل
شان أنت ترحل
وفجأة يتبدل مسارك
السفرما كان مُناك
والهروب ما كان خِيارك
ياتو غُربة
وياتو هجرة
بتطفي نارك
وياتو داراً
غير ديارك
فيها تلقى
رضاك وعزك
وفيها تتملك قرارك
ليه تسافر
والبريدك زي عيونو
لسه واقف في انتظارك
ليه تسافر
الضياع يصبح مصيرك
والمنافي تصير ديارك
الوطن العشت فيهو
لو سلاك أو جفاك
ياهو أمك وياهو دارك
شعر: منتصر محمد زكي
منقول
رد مع اقتباس
المفضلات