سودانيــر ... معانــاة لاتنتهــي ولن تنتهــي,,

[محمد حسين (المميز)]

القصـه قصـة شعب متهاون

وقصة ناس بتتمادى في الأخطاء

والحكايه بقت لا تطاق

كل يوم اداره جديده وعشم جديد في التغيير

لكن الحال في حاله ويمكن للأسوأ

ما أول زول ينتقد ولا بينتقد ولا حأينتقد

فالساقيه لسـه مدوره

ســـــــــــــودانيــــــــــــر

قصتي مع سودانيـــر

إبتــداء بمكاتبها مرورا بموظفيها انتهاء بمواعيدها

قبل ثلاثه أسابيع مشيت مكتب الخطوط السودانيه بجده

عشان اقطع تذكره لأختي عشان تجي من السودان
(طبعا عجبني دربزين الحديد المفصلنه في الصاله مع انه اقل سوبر ماركت جايب دربزين نيكل)


ما علينـــــا

ووريت الموظف انه التذكره عاوزها تتسلم في مكاتب الخطوط السودانيه في مدني

وقال لي جدا مافي اي مشكله بس زياده 27ريال وقلنا خير

شرط يسحبوها من مكتب مدني وقال ميه الميه مافي كلام

شاءت الظروف اني انا زااااااااااتي اضطريت سافرت السودان بعد 4 أيام من قطع التذكره دي

قلت خلاص أمشي بنفسي اسحب التذكره لأختي من مكاتب مدني

ومشيت مكاتب الخطوط السودانيه

اول شي يشهد الله لقيت واحد نايم ممدد في كراسي الاستقبال وهو احد عمال المكتب

دخلت قعدت طلبت من الموظف انه يسحب لي التذكره رقم........ بموجب الكوبون المعاي وجواز اختي

رد علي بكل بساطه وبجاحه بأنه ما بيقدر يديني البرينت حق التذكره لأنه الطابعه حقتهم خربانه

طيب قلت ليهو والحل قال لي لازم تمشي الخرطوم

قلت ليهو ياخي انا اشترطت عليهم في جده اني استلمها هنا في مدني

قال لي ما بديك ليها وانا ما ملزم اديك ليها لازم تمشي الخرطوم

وقال لي لو الطابعه شغاله كان تكون خدمه مني اني اسحبها ليك

طيب سألته هي الطابعه خربانه ليها كم؟؟؟؟؟
اتوقعت الاجابه بيوم او يومين لكن اتفاجأت بإنها خربانه ليها شهريـــــــــــــــــن..

قلت ليهو طيب فاتحين ليه؟؟؟؟؟

زعل طبعا من السؤال وسفهني ..

قمت سألته سؤال تاني:

لو الواحد عاوز تذكره جديده بتعملو شنو؟؟

رد وقال لي بنعمل ليهو الحجز في الكمبيوتر وننقل البيانات ونكتبها في التذكره بالقلم..

طيب الطابعه دي حتصلحوها متين انشالله؟؟

رد وقال نحن كلمنا الشركه في الخرطوم قبل شهر وزول اشتغل بينا مافي

وتاني لو جاني المدير هنا ما بشتغل بيهو..

وقمت طلعت محبــط وشي يلعن قفاي من الحوار ومن المهزله اللي شفتها..




عديت يومين وجيت راجع تاااااااااني لنفس المكتب وقلت ليهو الطابعه خبرها شنو؟؟

عاين لي بقعر عينه وقال لســه..

قلت ليهو طيب ممكن تتكرم وتخدمني.

قال اتفضل .

قلت ليهو حاليا في زول موجود في مكتب سودانير الرئيسي في الخرطوم

وعاوزه يستلم لي التذكره دي عشان هو جاي مدني

فلو تكرمت تتصل بمكتبكم هناك وتطلب انه يسلموها ليهو بموجب الكوبون والجواز القدامك ديل

وتوريهم انه طابعتكم خربانه..

رد علي بكل عصبيه دي ما شغلتي ولو عاوز التذكره تمشي الخرطوم بالجواز يدوك ليها..

بصراحه غاظني جدا وما قصرت فيهو

اديتو كلام على قدر ما قدرت لمن مسكني منه راجل محترم بتاع وكاله

وقال لي ما تحرق دمك

رسل صورة الجواز بالفاكس مع الكوبون لزولك هناك وبيقبلوها
قلت ليهو العولاق ده قال لازم الجواز الاصل

قال لي ما ضروري وفعلا رسلته بالفاكس و سلموهو بالصوره

(الغريبه انه الدور ده لقيت العامل صاحي اظنه لسه ما نعس)



>>>>>>>>>>>>>>
للحديــث بقيـّــه

[ود الجعلي]

الاخ المميز
تحياتي وحمدالله على السلامة
ما لجرح بميت ايلامو ....سودانير وسودلاين و السكة حديد والخدمة المدنيةكلها انتهت وماتت وذلك لان السوداني النشيط والديناصور انقرضا من زمن بعيد والله نحن أمة فاشلة ونحتاج الى نهضة قوية
المشكلة في الناس الكبار دي المشكلة كلها يعني لو بيفتحوا شوية للشباب الاغتربوا وشافو العالم الفي امريكا واوربا والخليج ناس ممتازين وكفاءت عالية وشباب زي الورد ويعتمد عليه لكن الحرامية القاعدين في السودان((( اولاد ...............))) بس ما في داعي الدنيا رمضان واللهم اني صائم
خليتني اغلي من جوا
الله يعين ويسهل انشالله

[محمد حسين (المميز)]

نجي للجزء التاني من المأســاة



اخدت يومين تاني وجيت يوم الخميس لنفس الموظف (مافي غيره نعمل شنو)عشان أأكد حجزي

حق يوم الجمعـــه وفعلا أكدت الحجز وقال لي الحضور يوم الجمعـه السـاعه 8م والاقلاع 11م

قلت كويس ومشيت على كده

اتوكلت على الله وفعلا الساعه 8 بالضبط انا في المطار(خواجه في مواعيدي ما تستغربو)

جيت اخش المطار وشايل تذكرتي الموظف قال لي ماشي وين؟؟

قلت ليهو جده على سودانير..

استغرب جدا وقال لي مافي رحله لجده بسودانير هسه

الكانت في قامت الصباح بدري..

امشي راجع مكتبهم الهناك دااااك

انزهلت ورجعت لي ورا..( حلوه انزهلت دي صح )

قمت قلت الزول ده يكون ما جايب خبر

اتصلت طوااالي باستعلامات المطار وعملت فيها عبيـط

السلام عليكم
صوت نسائي يرد السلام

لو سمحت عليك الله السودانيه الماشه جده ميزانها فتح؟؟

قالت لي منو؟ سودانية شنو ياخوي

الماشه جده دي قامت الصباح وتاني مافي الاّ بكره الساعه 12 الظهر

قلت ليها كيف يعني انا عندي حجز ومؤكده قالت لي انا زاتي زيك سمعت انه في طياره

لكن في الجدول عندي مافي..

قفلت منها وانا اسب والعن فيك يا سودانير

وفجأه لمن الساعه بقت 8:20م اذا بتلفون يرن وارد ويقول لي معاك الخطوط السودانيه

الاخ محمد حسين عندك حجز على الرحله 220 واتأجلت لبكره السبت حضور9ص إقلاع 12 ظ

وياريته ماقال لي كده بصراحه سمع مني كلام يزعل

لكن الود طلع محترم واتقبلو مني لكن قلت ليهو حتى لو في تأخير ليه ما تكلمونا من بدري

عندنا دوام الصباح

قال لي معليش انا استلمت الورديه دي هسه وقلت الحق اكلم الناس .

واستسلمت للأمر الواقع ومشيت وعيوني طشاش طشاش منك يا سودانير.

ومشيت بيت اهلي في كافوري وقلنا الصباح رباح..

الحسنه الوحيده في الليله دي انه لحقت الشوط الثاني لمباراة الهلال مع كانو

وفاز الهلال ليلتها وبرد نار سودانير شويه..

اصبحت من الصباح الود نشيط الساعه 8ص

على بال ماشربت الشاي والقهوه بديت البس عشان باقي ربع ساعه على مواعيد الحضور

وتااااااااني يالتلفون رن

معاك الخطوط السودانيه

خير ياطير؟؟

معليش الرحله اتاجلت من 12ظ لغاية 5:30م يعني الحضور 2:30ظ

وبصراحه في اللحظه ديك العفاريت اتنططت في وشي

لكن مافي حل غير الإسستسلام للأمر الواقع

والشكيه لغير الله مذله


صبرت وقعدت لغاية ما جات الساعه 3ظ مافي زول اتصل

قمت اتصلت باستعلامات المطار وسألتهم عن القطـر الماشي جده ميزانه فتح ولاّ لسه؟؟

ضحكت وقالت فتح وقلنا الحمدلله ربنا فتحها علينا

مشيت وزنت الناس كلها تسب وتلعن فيك يا سودانير

المهم دخلونا الصالة بالضبط 4عصر وقعدنا وقعدنا وانتظرنا وانتظرنا خمسه جات ما هببونا وربع ولاشي

خمسه ونص برررررضو لسه يعني المواعيد جات ونحن لسه في الصاله لغاية الساعة 6:10م

حتى قالو قومو الى طيارتكم

قلنا برضو نعمه من كريم ودخلنا الطياره في تمام الساعه 6:15م

والله قعدنا في الطياره كأننا في ساونه والركاب اكتملو خلال ربع ساعه فقط

والله قعدنا في الطياره لغاية الساعه 7:35م يعني المسافه القعدناها في الطياره بس

كان وصلتنا جده

الاطفال يبكو والكبار يسخطه وهم ولا على بالهم بس اعتذار في اعتذار

وفي النهايه ما صدقنا بس وصلنــا

أقول شنو فيك وعليك يا سودانيـر؟؟

ده كـــــلام؟؟؟؟

[بدر الدين احمد الطائف]

المميز رمضان كريم والحمد لله على سلامة الابن احمد
انا طبعا دخلت على البوست بتاع التسعة يوم والبوست ده وقلت الم الاتنين مع بعض وادخل معاك فى بتاع( سوداطير)ده لانه يا مميزانت عارف الواحد اول ما يسمع كلمة سودانير طوالى يجى فى راسة كل الكلام الانت ذكرتة والحا تذكرة بعد كده.
ياخى الواحد عمرة مابتذكر انه كان مسافر معاهم والاتحصل حاجة ولوما حصلت حاجة تاخير او تاجيل او او او لازم تتاكدمن التذكرة بتاعتك فانت على شركةخطوط اخرى .
انا شخصيا قاطعت الخطوط السودانية
ولوعلى الميزان ذى ما بيقول الناس انه ده السبب الوحيد البخلى الناس تسافر معاهم الناس ممكن تلقى بدائل كتيرة اقلاها اننا ما تشترى الا الضروريات .
يا جماعة اى حاجة فى السودان موجودة ولوعلى فرق السعر الناس فى السودان شقالين كسر شديد الموظفين والمدرسين يشتروا بالاقساط ويجوا يبيعوا برخص التراب والمميز بيكون شاف الكلام ده ويحكى لينا عنه.
اخر حاجةحصلت اول امس لصديقى المقيم بالرياض زوجته حاجزة موكد جدا جدا على يوم الاثنين ما حصلت سفرية الايوم الاربعاء .السبب شنو؟
(اسالنى دبل)




دمت يا مميز وفى انتظار باقى السرد الجميل .

[عبدالله محمد العقاد]

نجي للجزء التاني من المأســاة



اخدت يومين تاني وجيت يوم الخميس لنفس الموظف (مافي غيره نعمل شنو)عشان أأكد حجزي

حق يوم الجمعـــه وفعلا أكدت الحجز وقال لي الحضور يوم الجمعـه السـاعه 8م والاقلاع 11م

قلت كويس ومشيت على كده

اتوكلت على الله وفعلا الساعه 8 بالضبط انا في المطار(خواجه في مواعيدي ما تستغربو)

جيت اخش المطار وشايل تذكرتي الموظف قال لي ماشي وين؟؟

قلت ليهو جده على سودانير..

استغرب جدا وقال لي مافي رحله لجده بسودانير هسه

الكانت في قامت الصباح بدري..

امشي راجع مكتبهم الهناك دااااك

انزهلت ورجعت لي ورا..( حلوه انزهلت دي صح )

قمت قلت الزول ده يكون ما جايب خبر

اتصلت طوااالي باستعلامات المطار وعملت فيها عبيـط:d

السلام عليكم
صوت نسائي يرد السلام

لو سمحت عليك الله السودانيه الماشه جده ميزانها فتح؟؟

قالت لي منو؟ سودانية شنو ياخوي

الماشه جده دي قامت الصباح وتاني مافي الاّ بكره الساعه 12 الظهر

قلت ليها كيف يعني انا عندي حجز ومؤكده قالت لي انا زاتي زيك سمعت انه في طياره

لكن في الجدول عندي مافي..

قفلت منها وانا اسب والعن فيك يا سودانير

وفجأه لمن الساعه بقت 8:20م اذا بتلفون يرن وارد ويقول لي معاك الخطوط السودانيه

الاخ محمد حسين عندك حجز على الرحله 220 واتأجلت لبكره السبت حضور9ص إقلاع 12 ظ

وياريته ماقال لي كده بصراحه سمع مني كلام يزعل

لكن الود طلع محترم واتقبلو مني لكن قلت ليهو حتى لو في تأخير ليه ما تكلمونا من بدري

عندنا دوام الصباح

قال لي معليش انا استلمت الورديه دي هسه وقلت الحق اكلم الناس .

واستسلمت للأمر الواقع ومشيت وعيوني طشاش طشاش منك يا سودانير.

ومشيت بيت اهلي في كافوري وقلنا الصباح رباح..

الحسنه الوحيده في الليله دي انه لحقت الشوط الثاني لمباراة الهلال مع كانو

وفاز الهلال ليلتها وبرد نار سودانير شويه..

اصبحت من الصباح الود نشيط الساعه 8ص

على بال ماشربت الشاي والقهوه بديت البس عشان باقي ربع ساعه على مواعيد الحضور

وتااااااااني يالتلفون رن

معاك الخطوط السودانيه

خير ياطير؟؟

معليش الرحله اتاجلت من 12ظ لغاية 5:30م يعني الحضور 2:30ظ

وبصراحه في اللحظه ديك العفاريت اتنططت في وشي

لكن مافي حل غير الإسستسلام للأمر الواقع

والشكيه لغير الله مذله


صبرت وقعدت لغاية ما جات الساعه 3ظ مافي زول اتصل

قمت اتصلت باستعلامات المطار وسألتهم عن القطـر الماشي جده ميزانه فتح ولاّ لسه؟؟:d

ضحكت وقالت فتح وقلنا الحمدلله ربنا فتحها علينا

مشيت وزنت الناس كلها تسب وتلعن فيك يا سودانير

المهم دخلونا الصالة بالضبط 4عصر وقعدنا وقعدنا وانتظرنا وانتظرنا خمسه جات ما هببونا وربع ولاشي

خمسه ونص برررررضو لسه يعني المواعيد جات ونحن لسه في الصاله لغاية الساعة 6:10م

حتى قالو قومو الى طيارتكم

قلنا برضو نعمه من كريم ودخلنا الطياره في تمام الساعه 6:15م

والله قعدنا في الطياره كأننا في ساونه والركاب اكتملو خلال ربع ساعه فقط

والله قعدنا في الطياره لغاية الساعه 7:35م يعني المسافه القعدناها في الطياره بس

كان وصلتنا جده

الاطفال يبكو والكبار يسخطه وهم ولا على بالهم بس اعتذار في اعتذار

وفي النهايه ما صدقنا بس وصلنــا

أقول شنو فيك وعليك يا سودانيـر؟؟

ده كـــــلام؟؟؟؟

ههههههههههههههههههههههه

حمد لله على السلامة و الله ضحكت بالصوت العالي

و تنفع تمثل طاش ما طاش

مرة قطعت في سودانير و كانت اول مرة واخر مرة كانت السفرة في نص السنة يعني غير موسم الاجازات و الطيارة السعودية بتمشي عن طريق جدة و بتصل الخرطوم حوالي ستة مساء
و انا كنت عايز امشي مدني طوالي ما عايز ابيت في الخرطوم و اتصلت على سودانير قالوا في رحلة بتقوم الساعة اتناشر و قلت ليه بتقوم في المواعيد قال اكيد
و بعد ماحجزت و دفعت القروش و في الليل قبل السفر يجيني اتصال اتأجلت الرحلة للساعة خمسة مساء
المهم وصلنا الخرطوم حوالي الساعة تسعة مساء
الطيارة السعودية اللي عن طريق جدة وصلت الخرطوم الساعة ستة مساء يعني قبل سودانير الساعة اتناشر بثلاث ساعات
و الله يا سودانير الله يصلحكم

[محمد حسين (المميز)]

الاخ المميز
تحياتي وحمدالله على السلامة
ما لجرح بميت ايلامو ....سودانير وسودلاين و السكة حديد والخدمة المدنيةكلها انتهت وماتت وذلك لان السوداني النشيط والديناصور انقرضا من زمن بعيد والله نحن أمة فاشلة ونحتاج الى نهضة قوية
المشكلة في الناس الكبار دي المشكلة كلها يعني لو بيفتحوا شوية للشباب الاغتربوا وشافو العالم الفي امريكا واوربا والخليج ناس ممتازين وكفاءت عالية وشباب زي الورد ويعتمد عليه لكن الحرامية القاعدين في السودان((( اولاد ...............))) بس ما في داعي الدنيا رمضان واللهم اني صائم
خليتني اغلي من جوا
الله يعين ويسهل انشالله

الجعــلي ود الجعلـــي

كل سنه وانت وانا وسودانير طيبين

زي ما قلت مفروض بعد كده يدو الشباب فرصه(يشتغلو طبعا مش ياكلو زيهم)

ما دام هم غلبتهم يدونا فرصه

والله السودان مليان شباب صاحب عقليه مش هينه

وكمان بره السودان للأسف منتفعه بيهم دول اخرى

لاااااازم ثم لاااااااازم حكومتنا تعيد النظر في رواتبها

وتحاول ترجع المغتربين اللي ممكن تستفيد منهم داخل البلد


وكفاك ياود الجعلي من سودانير عشان صيامك ما يبوظ

[محمد حسين (المميز)]

المميز رمضان كريم والحمد لله على سلامة الابن احمد

تسلم يابدرالدين

وكل سنه وانت طيب

انا طبعا دخلت على البوست بتاع التسعة يوم والبوست ده وقلت الم الاتنين مع بعض وادخل معاك فى بتاع( سوداطير)ده لانه يا مميزانت عارف الواحد اول ما يسمع كلمة سودانير طوالى يجى فى راسة كل الكلام الانت ذكرتة والحا تذكرة بعد كده.
ياخى الواحد عمرة مابتذكر انه كان مسافر معاهم والاتحصل حاجة ولوما حصلت حاجة تاخير او تاجيل او او او لازم تتاكدمن التذكرة بتاعتك فانت على شركةخطوط اخرى .
انا شخصيا قاطعت الخطوط السودانية
ولوعلى الميزان ذى ما بيقول الناس انه ده السبب الوحيد البخلى الناس تسافر معاهم الناس ممكن تلقى بدائل كتيرة اقلاها اننا ما تشترى الا الضروريات .
يا جماعة اى حاجة فى السودان موجودة ولوعلى فرق السعر الناس فى السودان شقالين كسر شديد الموظفين والمدرسين يشتروا بالاقساط ويجوا يبيعوا برخص التراب والمميز بيكون شاف الكلام ده ويحكى لينا عنه.
اخر حاجةحصلت اول امس لصديقى المقيم بالرياض زوجته حاجزة موكد جدا جدا على يوم الاثنين ما حصلت سفرية الايوم الاربعاء .السبب شنو؟
(اسالنى دبل)




دمت يا مميز وفى انتظار باقى السرد الجميل .

والله يابدرالدين سفرنا بقى معاهم اضطراري

ما بنلقى حجز الاّ معاهم

وفي النهايه خادم الفكي مجبور على الصلاة

هم بفتكرو اننا بنشجع الناقل الوطني

وهم ما عارفين اننا بنشجع المنتخب الوطني بس


اما موضوع الكسر ده يا بدرالدين

فعلا بقت ظاهره خطيييييييييره

كسر زي الكسر

السوق كله كاسر والماعاوز يكسر بيكسروهو الجماعه

وفي النهايه تلقاهو في الكونغرس

والقاضي يقول يبقى لحين السداد

[محمد حسين (المميز)]

ههههههههههههههههههههههه

حمد لله على السلامة و الله ضحكت بالصوت العالي

صدق دي من منافع المآسي الرويتها ليكم

انشالله ديمه مبسوط يا عبدالله

وتصوم وتفطر على خير

و تنفع تمثل طاش ما طاش

عندنا بتبقى طشاش في طشاش

مرة قطعت في سودانير و كانت اول مرة واخر مرة كانت السفرة في نص السنة يعني غير موسم الاجازات و الطيارة السعودية بتمشي عن طريق جدة و بتصل الخرطوم حوالي ستة مساء
و انا كنت عايز امشي مدني طوالي ما عايز ابيت في الخرطوم و اتصلت على سودانير قالوا في رحلة بتقوم الساعة اتناشر و قلت ليه بتقوم في المواعيد قال اكيد
و بعد ماحجزت و دفعت القروش و في الليل قبل السفر يجيني اتصال اتأجلت الرحلة للساعة خمسة مساء
المهم وصلنا الخرطوم حوالي الساعة تسعة مساء
الطيارة السعودية اللي عن طريق جدة وصلت الخرطوم الساعة ستة مساء يعني قبل سودانير الساعة اتناشر بثلاث ساعات
و الله يا سودانير الله يصلحكم

انت لسه حتقول لي؟!

خير ما فعلت انها اول وآآآآآخر مره

[محمد حسين (المميز)]

بالمناسبــه

اختي وصلت بالسلامه والحمدلله

والطياره كانت مواعيدها 6م وأجلوها لـ11م وقامت 11:40م

ولســه الساقيه مدوره

[محمد السر احمد]

ههههههههههههههههههههههه
انت كويس انا مرة في مطار دمشق اتجلت 3 يوم
ولمن وصلت مطار دمشق مستنين تلاتة ساعات في الصالة لمن سالت عمك كبيرة قال لي الطيارة دي شالو منها حاجة من المكنة ما جابوها لحدي الان

[عبدالله محمد العقاد]

ههههههههههههههههههههههه
انت كويس انا مرة في مطار دمشق اتجلت 3 يوم
ولمن وصلت مطار دمشق مستنين تلاتة ساعات في الصالة لمن سالت عمك كبيرة قال لي الطيارة دي شالو منها حاجة من المكنة ما جابوها لحدي الان

هههههههههههههههههههههههه

اخوي محمد كان تسالو تقول ليهو : هي المكنة اربعة بستم و لا ستة بستم

[محمد حسين (المميز)]

ههههههههههههههههههههههه
انت كويس انا مرة في مطار دمشق اتجلت 3 يوم
ولمن وصلت مطار دمشق مستنين تلاتة ساعات في الصالة لمن سالت عمك كبيرة قال لي الطيارة دي شالو منها حاجة من المكنة ما جابوها لحدي الان

تعرف يابوحميــد

المأســاة دي الحكيتها حقت رحله وااااااحده

ده انا عندي حكاوي وحكاوي

عن ألف رحله ورحله

بس تعرف مافي داعي نحكي قصة تأجيل اليوم واليومين

دي عادي مع سودانير

[محمد حسين (المميز)]

هههههههههههههههههههههههه

اخوي محمد كان تسالو تقول ليهو : هي المكنة اربعة بستم و لا ستة بستم

هههههههههههههه


تعرف يا عبدالله الطياره السودانيه مسمينها في مطار القاهره

السِـــت

قالو عشان الست بتجي براحتها وتمشي براحتها

والسعوديين قالو الطياره السودانيه بتتاخر لانها

في مطار الخرطوم ما بتتحرك الا تملا

زي النقل الجماعي وموظفيها يقعد ينادو

جده جده جده يلا على جده الماشي جده جده جده:p

[صلاح الدين]

المميز كيف حالك عساك بخير
كله سنة وانت بخير وكل الأخوة المتداخلين
أولا حمدا لله على السلامة
تانيا موضوع سودانير دا مسلسل الى مالا نهايه مستحيل الوضع يمشي مستقيم .
شاءت الأقدار أن أكون في سفرية الجمعة .. أتحركت من مدني الساعه 4 عصرا وتقريبا في حدود الساعة 5م أتصلو علي .. ألو صلاح الدين قلت نعم معاك سودانير عندك حجز باسم فلان وفلان . حتى الذين سافروا قبل 3 أيام .. قلت ليهو فلان وفلان ديل سافروا وفي حجز تاني لكن أنا حجزي لوحدي وأديتو البينار قال نعم مظبوط وكان معاي إبنتاي سمر وسحر وقلت ليهو ديل حجزهم براهو وأديتو البنار رد علي بالايجاب.. طيب المواعيد حضور المطار الساعة 10م والاقلاع الساعة 1ص قلنا خير ..
جينا المطار حسب المواعيد لقينا الخلق زي يوم الحشر ،، 4سفريات واحدة لجدة وواحده للرياض وواحده للشركة العربية وواحده تركيه ..السادة بتاعين الأمن في المدخل مابسمحوا بدخول الناس إلا بالنفر بعد التشييك على التذكره والجواز ولك أن تتخيل حجم المأساة .. المهم أمضينا 3 ساعات حتى ندخل للصالة بعد معارك عنيفه ومصارعة تيران بالعفش ..(مع ملاحظة انو العفش لازم يكون فوق راسك وترحلو حبه حبه وفي الحته إستفدت من تجارب النمل )....
بإختصار طارت الطياره قبل الرابعه صباحا بشوية .. وطبعا رمضان كان باقي ليهو ساعه وشويه ..
ربنا يعدل الحال ولي عوده

[فخرالدين عباس احمدون]

المميز رمضان كريم يااخوي والله انتا غلطان خطوط الطيران من عدمن

[محب]

اخي المميز رمضان كريم هذا شئ من لا شئ
اية رايك

[omer.ahmed]

يالمميز يازول حمدلله على السلامه انت ماسمعت باخر شعارات سودانير

قاليك سودانير مواعيد الحضور الساعه الواحده السفر الساعه العاشره الدفن الساعه عشره ونص

اعمل حسابك الروح غاليه

وياخوانا للشهاده الناس ديل عندهم اكل طاعم جدا, انا جربتا خطوط كتيره جدا واحيانا درجه اولى لاكن زي اكل سودانير مالاقانى الا في بيت السمايه

[bakry kassala]

المميز المميز لك إحترامي ..
عندي حكاية لم تنتهي مع سودانير وأدعو الله أن تنتهي على خير .. دعواتكم معي ..
العيال بالسودان ومطلوب حضورهم فوراً لأسباب المرض والاسهالات ..
التي لم تفارقهم منذ وصولهم ودمدني ..
موضوع طويل جداً حتى تمكنت من عمل حجز في الجمعة القادم ..
ومحطة الوصول جده علماً بأن تذاكر السفر مدفوعة الى الرياض ..
وبعد إتفاق مع سودانير بودمدني تحديداً بأن الحجز سوف يتم ولكن ..
بدون دفعهم فرق تذاكر السفر من جده الى الرياض ..
فرق خمسه تذاكر ليقدر سعرها العارفون ..
بالاضافة الى تعب سفري / رمضان لإستقبالهم في مطار جده
وخسارة مادية إضافية أخرى ..
دا كلو ساااهل بس خوفي عليهم من التأخير والتأجيل ..
وزحمة الأربعة طيارات في وقت واحد .

.. توبه من سودانير ..

[محمد حسين (المميز)]

المميز كيف حالك عساك بخير
كله سنة وانت بخير وكل الأخوة المتداخلين
أولا حمدا لله على السلامة
تانيا موضوع سودانير دا مسلسل الى مالا نهايه مستحيل الوضع يمشي مستقيم .
شاءت الأقدار أن أكون في سفرية الجمعة .. أتحركت من مدني الساعه 4 عصرا وتقريبا في حدود الساعة 5م أتصلو علي .. ألو صلاح الدين قلت نعم معاك سودانير عندك حجز باسم فلان وفلان . حتى الذين سافروا قبل 3 أيام .. قلت ليهو فلان وفلان ديل سافروا وفي حجز تاني لكن أنا حجزي لوحدي وأديتو البينار قال نعم مظبوط وكان معاي إبنتاي سمر وسحر وقلت ليهو ديل حجزهم براهو وأديتو البنار رد علي بالايجاب.. طيب المواعيد حضور المطار الساعة 10م والاقلاع الساعة 1ص قلنا خير ..
جينا المطار حسب المواعيد لقينا الخلق زي يوم الحشر ،، 4سفريات واحدة لجدة وواحده للرياض وواحده للشركة العربية وواحده تركيه ..السادة بتاعين الأمن في المدخل مابسمحوا بدخول الناس إلا بالنفر بعد التشييك على التذكره والجواز ولك أن تتخيل حجم المأساة .. المهم أمضينا 3 ساعات حتى ندخل للصالة بعد معارك عنيفه ومصارعة تيران بالعفش ..(مع ملاحظة انو العفش لازم يكون فوق راسك وترحلو حبه حبه وفي الحته إستفدت من تجارب النمل )....
بإختصار طارت الطياره قبل الرابعه صباحا بشوية .. وطبعا رمضان كان باقي ليهو ساعه وشويه ..
ربنا يعدل الحال ولي عوده

صــلاح

كثيره هي المآسي

لكن انت ذكرت نقطه بيعاني منها الجميـــع

هي مدخل المطار

فعلا لازم يشوفو ليها حل وماتقولو لي ننتظر المطار الجديد

لانه لو باقي عليهو يوم برضو لازم يحلوها

ماممكن مطار دولي يخلو المسافرين يتجمعو ويتزاحمو على بوابة ما يعدي

منها الاّ نفر نفر ولمن الموظف يشيك على راحته التذكره والجواز

والناس واقفه زي الغنم بره صفوف وطوابير

مره في الشمس ومره في البرد

مره في المطر ومره في التراب

[محمد حسين (المميز)]

المميز رمضان كريم يااخوي والله انتا غلطان خطوط الطيران من عدمن

تقول شنو يا فخري

ما بنلقى غيرها فاضيــه

[محمد حسين (المميز)]

اخي المميز رمضان كريم هذا شئ من لا شئ
اية رايك

أخــي المحــب

كل سنه وانت طيب

ورمضــان كريم

[محمد حسين (المميز)]

يالمميز يازول حمدلله على السلامه انت ماسمعت باخر شعارات سودانير

قاليك سودانير مواعيد الحضور الساعه الواحده السفر الساعه العاشره الدفن الساعه عشره ونص

اعمل حسابك الروح غاليه

وياخوانا للشهاده الناس ديل عندهم اكل طاعم جدا, انا جربتا خطوط كتيره جدا واحيانا درجه اولى لاكن زي اكل سودانير مالاقانى الا في بيت السمايه

هههههههههههههه

تتجازى يا عمــر

اكلهم طاعم وسخن

والطحينه ماشاءالله طشط

[محمد حسين (المميز)]

[size=3]المميز المميز لك إحترامي ..

اخونا واستاذنا بكري كســلا

كل سنه وانت طيب ورمضـان كريـم

عندي حكاية لم تنتهي مع سودانير وأدعو الله أن تنتهي على خير .. دعواتكم معي ..
العيال بالسودان ومطلوب حضورهم فوراً لأسباب المرض والاسهالات ..
التي لم تفارقهم منذ وصولهم ودمدني ..
موضوع طويل جداً حتى تمكنت من عمل حجز في الجمعة القادم ..
ومحطة الوصول جده علماً بأن تذاكر السفر مدفوعة الى الرياض ..
وبعد إتفاق مع سودانير بودمدني تحديداً بأن الحجز سوف يتم ولكن ..
بدون دفعهم فرق تذاكر السفر من جده الى الرياض ..
فرق خمسه تذاكر ليقدر سعرها العارفون ..
بالاضافة الى تعب سفري / رمضان لإستقبالهم في مطار جده
وخسارة مادية إضافية أخرى ..
دا كلو ساااهل بس خوفي عليهم من التأخير والتأجيل ..
وزحمة الأربعة طيارات في وقت واحد .

.. توبه من سودانير ..

والله يا أستاذ بكري ربنا يعينك

بعدين ما تعشم في فرق تذاكر

احتمال يقولو ليك جيب كمان

بعدين انا نصيحتي ليك لمن تجي جده هنا تشرفنا

تجيب معاك غيارات كتارات

وممكن تجيب احرامك معاك لانه ممكن تستغل اوقات

الانتظار بانك تعمل عمره(وماتنسى الكمامه)

وممكن تمشي تزور النبي صلى الله عليه وسلم

وتجي تفطر ليك معانا يوم يومين يمكن بعد كده يكون عيالك وصلو بالسلامه

رغم انني اتمنى تواجدك معنا الا انني اتمنى ان تأتي الست هانم(سودانير) في مواعيدها

وربنا يسامح اللي كان السبب

باص خلفي: عليك الله يابكري اسال لي الجماعه ادوهم برينت في مكتب مدني

[الجندي المجهول]

لن ينتهي هذا المسلسل المكسيكي حلقاته طويلة جدا ( ومملة) ولا اعرف سبباً واحداً لعدم الالتزام ببرمجة زمن الرحلات لازم اي رحلة يحدث فيها تأخير ؟ لا ادري لماذا ....

تخريمة :
باعبود احسن منها

[محمد حسين (المميز)]

لازم اي رحلة يحدث فيها تأخير ؟ لا ادري لماذا ....

سؤال عجز عنه الخبراء حول العالم

تخريمة :
باعبود احسن منها

قلت لي منو ؟؟

باااااااااااااع......بود