عرقلة الزواج ولا المقصود شنو

[حسام التنين]

اخوتي :-

وردني هذا الايميل به بعض الصور لما يسمي عندنا سد المال

ولمن اتلعطه علي الصور اتسدة نفسي انا من الزواج

الناس ديل قصدهم شنو اخلونا ننسي الموضوع ده

ولا نشيلوا من راسنا ولا نقعد نهاتي بيه كل يوم من الصباح للمساء

انا كشاب داير استر نفسي بالمعقول لمن اشوف حاجات زي دي

ماببقي سد مال ببقي سد نفس ولا سد مروي

كدي افتونا واخليكم مع الصور

ورمضان كريم

سد نفس اقصد سد مال بالدولار




ده كشكول من ابو 20 وابو 50 وابو 10

[حسام التنين]

منتظر ارائكم

[نعناعة]

الحكاية في النهاية قناعه بين الطرفين .....
واي زول يجيب علي حسب قدرتو ....

والصور الجاتك دي ماهي الا بوبار وناس ماعارفه تودي قروشه وين ...
نفسك تنسده لي العندك والقاسمو ليك ربك يزيدو ليك مليون مره ...

[حاتم مرزوق]

كدي جيب الصور اول نشوفة بعدين نقول ليك راينا.

[روبش]

منتظر ارائكم

لو الشغلة صعبة للدرجة ده اتبع طريقة ( زواج الاثار ) قالوا ساهل وكمان فيهو تنازلات وتختار كمان

[حسام التنين]

الحكاية في النهاية قناعه بين الطرفين .....
واي زول يجيب علي حسب قدرتو ....

والصور الجاتك دي ماهي الا بوبار وناس ماعارفه تودي قروشه وين ...
نفسك تنسده لي العندك والقاسمو ليك ربك يزيدو ليك مليون مره ...

ده كلام صاح

بس السؤال لي كمية الصرف دي

انا لو عندي حاجة زايدة اولي بيها مرتي من اي زول تاني

[حسام التنين]

كدي جيب الصور اول نشوفة بعدين نقول ليك راينا.

معقولة ياعمو الدولارات الفوق دي كلها ماشايفها

رمضان كريم

اتفضل :- ماتشيل علين بس

[عبدالرحمن مدثر]

تنين

الشغلانية قناعااااااات

يعنى فى واحد بتزوج ب 600 جنية بس تخيل معاى ودى موجودة

فى كثير من قرى الجزيرة التى تشجع الشباب على الزواج بواسطة لجنة شعبية

وهو عرس ( الكورة )

وفى زوااااج زى الشفتو دا ناااس ماعاارفة تودى قوشها وين

وبالمنااسبة الزواج دا فى معظم الاحوال مبنى على مصاالح متباادلة

ولاعلاقة له بالحب .. اذا كانت صالة الزواج بقيمة 30 الف جنية وفطور العريس

ب20 الف والكيتة القدام الفطور ب2 الف .... وعيييييييييييييك


انسى بس

مافى عرقلة يامنقة

بس انت قول خير

[تغريد]

التنين

انت ما تتزوج الا الزولة البتحبها بس لانو الحب بيزيل كل الحواجز دي وبيخلي البت ترضي بالحاجة المعقولة بس الزواج التقليدي بيخلي الناس يحسبوها بي مبدا الكم والكيف ربنا يوفق كل الشباب

[المبارك ود إبراهيم]

تنين

قول خير وكلها تهون
إنت أسعي وإن شاء الله تلقي بت الحلال الهنية ورضية وقدر قروشك ( من قل مهرها سهل نكاحها) ولكن ليت قومي يعلمون. سيبك من المظاهر الخداعة كلها زيف في زيف.

تخريمة
عندنا عمنا من الزمن الجميل قال لي أحد العرسان الجدد يا ولدي عرسك كلف كم؟؟
العريس قال ليهو والله يا عمي 8 مليون.
عمك صفق إيديهو وقالوا يا ولدي ياحليل زمنا ( علي الطلاق المرا بي جنيهين الحمار ما إشيلها)

[حسام التنين]

تنين

الشغلانية قناعااااااات

يعنى فى واحد بتزوج ب 600 جنية بس تخيل معاى ودى موجودة

فى كثير من قرى الجزيرة التى تشجع الشباب على الزواج بواسطة لجنة شعبية

وهو عرس ( الكورة )

وفى زوااااج زى الشفتو دا ناااس ماعاارفة تودى قوشها وين

وبالمنااسبة الزواج دا فى معظم الاحوال مبنى على مصاالح متباادلة

ولاعلاقة له بالحب .. اذا كانت صالة الزواج بقيمة 30 الف جنية وفطور العريس

ب20 الف والكيتة القدام الفطور ب2 الف .... وعيييييييييييييك


انسى بس

مافى عرقلة يامنقة

بس انت قول خير

[in

ياخوي انا قايل خير

والقناعة كنز لايفني

وازا انا عندي ماتغلي عليها

لكن حاجة زي دي بتحز في نفسي

ماعتراض ع قسمة ربنا لكن بحب دائما اعمل الحاجة البسيطة والانيقة

ممكن واحد من سد المال الفوق ده اعرس لي زول بي مزاج كمان

واحل مشكلة زول شايل هم بالليل ماقادر انوم

ولا اعالج ليه زول متالم من المرض

لي الناس ديل ماباينو لي حاجات زي دي

[حسام التنين]

التنين

انت ما تتزوج الا الزولة البتحبها بس لانو الحب بيزيل كل الحواجز دي
وبيخلي البت ترضي بالحاجة المعقولة بس الزواج التقليدي
بيخلي الناس يحسبوها بي مبدا الكم والكيف ربنا يوفق كل الشباب

اللهم امين

اي انسان بحب انسان بشوفوا فوق الناس كلها

ودائما بحاول اعمل ليه الحاجة الحلوة

وربنا استرنا في الدنيا والاخرة

لكن ده شكلوا كده القروش دي ماتعب فيها

لان في الوضع لراهن ده الله اعلم ....

[حسام التنين]

تنين

قول خير وكلها تهون
إنت أسعي وإن شاء الله تلقي بت الحلال الهنية ورضية وقدر قروشك ( من قل مهرها سهل نكاحها) ولكن ليت قومي يعلمون. سيبك من المظاهر الخداعة كلها زيف في زيف.

تخريمة
عندنا عمنا من الزمن الجميل قال لي أحد العرسان الجدد يا ولدي عرسك كلف كم؟؟
العريس قال ليهو والله يا عمي 8 مليون.
عمك صفق إيديهو وقالوا يا ولدي ياحليل زمنا ( علي الطلاق المرا بي جنيهين الحمار ما إشيلها)

ههههههههههههه

ود ابراهيم تخريمتك حلوة سايق سوار الجديد

انا داير اعرف العادة الدخيلة علينا دي

وفهمها واسبابها وهل يمكن استاصالها

ام وجب علينا مجاراتها

[محمد بابكر سنهوري]

صورة القروش تفتح النفس لكن الصور ناقصة صورة العروس هل بتستاهل المهرجان المعمول لها
لذا نطلب وبصورة عاجلة موافاتنا بصورة العروس لتتضح الاومور ويكتمل الاحباط

[حسام التنين]

صورة القروش تفتح النفس لكن الصور ناقصة صورة العروس هل بتستاهل المهرجان المعمول لها
لذا نطلب وبصورة عاجلة موافاتنا بصورة العروس لتتضح الاومور ويكتمل الاحباط

محمد بابكر سنهوري



دي مالعروس لكن جزء من القروش

ياخي مهما اكون ماقدر ده

[الصادق صديق ابوالجاز]

التنين

انت ما تتزوج الا الزولة البتحبها بس لانو الحب بيزيل كل الحواجز دي وبيخلي البت ترضي بالحاجة المعقولة بس الزواج التقليدي بيخلي الناس يحسبوها بي مبدا الكم والكيف ربنا يوفق كل الشباب

تغريد

كلامك دا غلط
الزواج التقليدي هو الأحسن وهو الأنجح بينما زواج الزواج الحب هو الأكثر عرضة للفشل وبل للحرب بين من كانا متحابان. الزواج التفليدي الذي يقوم فيه الآباء باختيار زوجات ابنائهم هو الأحسن والأنجح.

[بنت الرفاعي]

الزينة دي عادي بتتعمل حتى لل2 أو 3 مليون , يعني عادي ماتشيل هم , لأنو الزينة بالطريقة دي بقت لازم وعاااادي , (على فكرة برضو بتكثر القروش وبتخليها كثييرة )

[حسام التنين]

الزبنة دي عادي بتتعمل حتى لل2 أو 3 مليون , يعني عادي ماتشيل هم , لأنو الزينة بالطريقة دي بقت لازم وعاااادي , (على فكرة برضو بتكثر القروش وبتخليها كثييرة ):d
علشان كدة ماتشيل هم

يامرام

انا ماشايل هم لكن الكاس الفيه العشرينات خلي الخمسينات ده بكون كم مليون

[حسام التنين]

تغريد

كلامك دا غلط
الزواج التقليدي هو الأحسن وهو الأنجح بينما زواج الزواج الحب هو الأكثر عرضة للفشل وبل للحرب بين من كانا متحابان. الزواج التفليدي الذي يقوم فيه الآباء باختيار زوجات ابنائهم هو الأحسن والأنجح.

50% من ده وداك

في زيجات ناجحة مبنية علي حب حقيقي ولي فترة من الزمن كمان قبل الزواج

روية الوالدين مرات صحيحة ومرات خاطئة في زيجات من رؤية الوالدين بتنجح

وزيجات من رؤية الوالدين مابتمر عليها شهرين وبتفشل

[تغريد]

تغريد

كلامك دا غلط
الزواج التقليدي هو الأحسن وهو الأنجح بينما زواج الزواج الحب هو الأكثر عرضة للفشل وبل للحرب بين من كانا متحابان. الزواج التفليدي الذي يقوم فيه الآباء باختيار زوجات ابنائهم هو الأحسن والأنجح.

دي وجهة نظر يا اخ الصادق انت بتعتقد في الزواج التقليدي دا رايك وبحترموا جدا بس كمان انا عندي رأيي ومفروض تحترموا وكلمة غلط دي ما انت البتحددها لانها وجهة نظري انا ومن حقي أقول الدايراهو واختلاف الراي لا يفسد لود قضية

بعدين ليه الاباء يختاروا زوجات ابنائهم هو الداير يعيش معاها منو وزي ما في زيجات ناجحة مصادفة من النوع دا في زيجات كتيرة فاشلة لعدم التفاهم والتوافق وبرضو في الزواج عن حب في الناجح والفاشل والموضوع بيخضع لميزان القسمة والنصيب في الاخر .


كل الاحترام

[حسام التنين]

دي وجهة نظر يا اخ الصادق انت بتعتقد في الزواج التقليدي دا رايك وبحترموا جدا بس كمان انا عندي رأيي ومفروض تحترموا وكلمة غلط دي ما انت البتحددها لانها وجهة نظري انا ومن حقك تقول الدايروا واختلاف الراي لا يفسد لود قضية

بعدين ليه الاباء يختاروا زوجات ابائهم هو الداير يعيش معاها منو وزي ما في زيجات ناجحة مصادفة من النوع دا في زيجات كتيرة فاشلة لعدم التفاهم والتوافق وبرضو في الزواج عن حب في الناجح والفاشل والموضوع بيخضع لميزان القسمة والنصيب في الاخر .


كل الاحترام

كل الاحترام ليك الاخت تغريد

والاخ الصادق شرفني التعرف اليك

عملت احصائية كده صغيرة من يوم امس

الي هذا اليوم وجدت كمية من الزيجات التي تم دفع مبالغ كبيرة في مهرها

بائت بالف فشل والناس البسيطة والمشوا خطوة خطوه نجحوا وبرضوا في الفشل

لكن الوضع ماملفت زي الزيجات الكبيرة

زي الزول الجاب الشيلة بي بكس 2007 ولمن وصل اهل العروس اداهم الشيلة بي البكس

يعني سلمهم المفتاح

مهما تكون بتكن وتقدر لي نسابتك وبتهم توجد صور افضل واقل واجمل من كده بي كثيير

نحمد الله علي كل حال وربنا اكرمنا في الدارين

[محمد بابكر سنهوري]

السلام عليكم
انت يازول فتحت موضوع لازم تتمه لانه البايرين من الجنس الخشن "لطيف المشاعر" كثيرين جدًا وكل واحد منهم بفتش ليه لطريقة اكمل نص دينه كان ايثار ولا ميسار ولا عرس كورا المهم اكمل وصدقوني بعد ما احصل بيفكر كيف يتخارج لانه بستطدم بالحياة الجادة
عندي جماعة مع معارفنا ولدهم دفع مهر (200) مليون غير الشيلة الخاصة بالملابس والاكل والقاعة .. الخ وصدقوني انه بعد مضي فترة ليست بطولية طلق البنت وهي الربحانه من وجهة نظري

ومن ترك شئ من الشرع احوجه الله اليه فقال سيدنا ورسولنا الكريم محمد صلى الله عليه وسلم "اقلهن مهرن اكثرهن بركة"

[حسام التنين]

السلام عليكم
انت يازول فتحت موضوع لازم تتمه لانه البايرين من الجنس الخشن "لطيف المشاعر" كثيرين جدًا وكل واحد منهم بفتش ليه لطريقة اكمل نص دينه كان ايثار ولا ميسار ولا عرس كورا المهم اكمل وصدقوني بعد ما احصل بيفكر كيف يتخارج لانه بستطدم بالحياة الجادة
عندي جماعة مع معارفنا ولدهم دفع مهر (200) مليون غير الشيلة الخاصة بالملابس والاكل والقاعة .. الخ وصدقوني انه بعد مضي فترة ليست بطولية طلق البنت وهي الربحانه من وجهة نظري

ومن ترك شئ من الشرع احوجه الله اليه فقال سيدنا ورسولنا الكريم محمد صلى الله عليه وسلم "اقلهن مهرن اكثرهن بركة"

الاخ محمد انا ماقفلت الموضوع

الفكرة الاساسية لي الناس بتعمل كده

مهر 200 مليون

عشان كده انا قبيل قلت الحمد لله

[محمد بابكر سنهوري]

انت ياعزيزي كتبته في موضوع مهم وكمان جميل والنقاش يكون فيه استفاضة وكل انسان بشاركك فيه بكون له رأي ربما يتطابق جزئيًا مع بعض الاراء .

نحن نجيبها من النهاية ونقولها بالعامية ليه الفشخرة
في البداية لو انا عملت الحاجة دي او رضيت ولدي يعملها بتكون نواة مشكلة كبيرة لاخوان واخوات الطرفين العريس والعروس لانهم حدود (( سعرهم)) عفوًا للتعبير فبالتالي البقدر ادفع اكثر او زي السعر المدفوع يجي عشان اشتري بطيخة الحياة الما معروفة حلوة ولا تطلع قرعة

[نبض السكون]

أخونا تنين السلام عليكم ورحمة الله وبركاته
رمضان كريم

يا أخوي الجماعة ديل ما يقطعوا قلبك .. زي ما قالوا ليك الشباب ديل إختار بنت الحلال وأصدق النية وكب ليها الرندوك الثقيل ح تتجاوز معاك كل الخُلع الفارغة دي وفي النهاية ده كله من تحت رأس الحريم فشخرة وبوبار .. يا أخوي أبقى مارق كان من هنا ولا من هناك..

عالم عجيبة ومنظراتية ..