رمضان جانا (ان عايزه احكي في المحظور)

[نسمة صباح]

انا سعيده جدا جدا بي جية حبيبنا رمضان

على الرغم من العطش والجو ع بس كل يهون امام نعمة انو الشياطين محبوسه في الشهر العظيم دا

بدأت حكايت الخوف من الجن والعفاريت زي ما بقولي من انا صغيره بدأ الموضوع بفضول وانتهى بخوف مرضي مزمن وكلو من صديقة طفوله غايتو ما اقدر اقول غير ربنا يجازيها بالخير
كان كل حديثها وهي معاي عن الجن وكيف انها بتشوفهم وبتتكلم معاهم وبيظهرو ليها
وكيف مره واحد من خويها من الجن كان بلعب معاها

وكمية كده بتاعت قصص وحواتيت في الاحلام ما بتتصدق وهي متعامله مع الموضوع بكل اريحيه وانا اسمع القصص بي جاي وادخل في نوبه بتاعت خوف وهلع غير طبيعيه ما اقدر بي الليل وفي الظلام اتحرك خطوه الا وانا ماسكه في طرف زول

المهم عدت شهور و سنين وانا في الحاله دي حيرت معاي ناس البيت وكانوا متخيلين زي ماكنت بسمع تحت
تحت اني انا البشوفهم

ياربي كنت بشوفهم ؟؟؟
بري مامتذكره

[نسمة صباح]

كبرنا وكبرت ايامنا وعقولنا والحمد الله ختيت الرحمن في قلبي واتشغلت بي تحصيل العلم وبعدت عن صديقتي الشريره ونسيت موضوع الجن والخوف تماما وبي قدرت قادر اتحولت من شخص خواف الى شخص لا يخاف شيئا
دارت الايام والسنين

وياضيق الدنيا لمتني تاني مع صديقة الطفوله وياريت ياريت مالمتني ألطم انا ياخواتي الطم

كبرت صحبتي وكبرت حكاويها ومصايبها0000000000000000000000
يتبع 0000000000

[الفخيييم]

عليك بطرد الهواجس والظنون بتلاوة القرآن في هذا الشهر الفضيل00
تقبلي مروري00

[محمد السر]

اول حاجه الشيطان لا يفعل شئ سوا الوسوسه

وسأفيدك عن مملكة الجن

[الملكة اسماء ( ام محمد )]

سؤال شرير جدا

انتي حاليا جاية تحكي لانك مطمئنة انه الجماعة (شعب شوشو ) موقوفين من الخدمة مؤقتا ؟

[عمر المامون]

يا نسمة لا تؤخز الدنيا بالتمني
اجدتهدي وثابري وكابري
تقبلي مروري .............

[العاقب مصباح]

والله يا النسيمة قصص الخوف كتيرة جدا

خلى رمضان دا يفوت واجى احكى ليك

[نسمة صباح]

زي ماقلتليكم صحبتي كبرت وكبرت وعظمت حكاويها في الموضوع دا وانا بين مكذب ومصدق قدر ما احاول اقنعها انها دي اوهام ومجرد خيالات تحلف بي دينها وايمانها ان واقع وليس خيال
المهم واخيرا طلعتلي بي قصة انوعندها قرين من الجن

ينوي الزواج بها



فتحتليها عيوني قدر الريال وقلتليها قلتي شنو
قالت لي ايوه والله يانسمه
وحلفت انو بجيها في المنام وبقوليها انت غيري ما حتتزوجي
يا انا يابعدي الطوفان
قلتليها الطوفات ياختي الطوفان احسن


ومصره تماما انو سبب طفش العرسان منها ياهو القرين
قلتليها يعني اي وحده يدوها شاكوش اتنين على راسها يبقى عندها قرين عايز يتزوجها

سجمي سجمي ما اكون انا زاتي 00000000اعوذ بالله

يتبع

[الملكة اسماء ( ام محمد )]

00000000اعوذ بالله

لو تميتيها ان بختفي

واصلي واصلي

[ميادة]

نسمة حبيت اسجل حضور


لاني بالجد بحب اسمع الحاجات دي


وغايتو بسم الله

[نسمة صباح]

عليك بطرد الهواجس والظنون بتلاوة القرآن في هذا الشهر الفضيل00
تقبلي مروري00

عارف يافخييييييم في الشهر الفضيل انا خاتا في بطني بطيخه صيفي ومطمئنه على الاخر احمدالله لانهم مكبلين بالسلاسل والاعناق

الكلام في ما سواه
ربنا يحمينا




انتو مافي امكانيه رمضان دا يمدوهو شهر شهرين تلاته لي قدااااااام

اسعدني مرورك

[نسمة صباح]

اول حاجه الشيطان لا يفعل شئ سوا الوسوسه

وسأفيدك عن مملكة الجن

طيب ياود السر نقول شنو على الناس البيحلفو ويبصمو بالعشره ان البحصليهم حقيقه وواقع

ومنتظره عودتك

[wad alballal]

يعني شديتينا معاك يا نسمة ...... بسم الله الرحمن الرحيم ... اعوذ بالله من الشيطان الرجيم .......

اها بعد دا واصلي يلا منتظرين ...........
تقبلي مروري ...

[تغريد]

هووووووي يا نسمة يا بت امي جيت ودايرة ارد عليك بس النصيحة الموضوع دا ماااااااااااابقدر ارد عليهو هسي لاني اساسا ما بقدر اقراهو الساعة تلاتة صباحا بدايتو بتخوف يابتي

أها بجيك بكرة نهارية كدا واقيل معاك

تسلمي يا ستي

[سودانية وافتخر]

شوقتيني والله يا نسومة كملي كملي لا هنتي

[الجندي المجهول]

الحقيقة والشي المسلم به ان للجن والشايطين مملكة ولهم حياتهم (ولي عودة بعد رمضان باذن الله للتحدث في هذا الموضوع بانفتاح شديد ) حتى يعلم الجميع ببواطن الامور واخيرا كما في معنى الاية الكريمة (قل لن يصيبنا إلا ما كتب الله لنا) والله من وراء القصد .... تقبل الله صيامكم وقيامكم ..

[حمدالنيل دفع الله]

يابت شياطين شنو وجن شنو ، لو عايزا قلبك يقوي عليك بقراءة القران مع التدبر اكرر مع التدبر

[المبارك ود إبراهيم]

يا بنتي تصومي وتفطري علي خير
حاولي قرآءة القرآن بكثرة.
ويوميا قبل النوم ( قولي أعوذ بكلمات الله التامة من كل عين لامة ومن كل شيطان وهامة)
وكمان الإخلاص والفلق والناس وإن شاء الله تاني ما تشوفي هلاويس وبإذن الله نرجع ليك بعد رمضان.

[فخرالدين عباس احمدون]

رمضان كريم يابتنا الجزيره زاخرا بوالياالله الصالحين عليك بمقبلة احد شيوخنا وانشاالله ببركاتهم وبركات الشهر الكريم تزول منك الوساويس- فخرى ودراوه

[عباس الدسيس]

اها نسمه منتظرين وينك مع الجنون فنون والشواطين طين يلا واصلي

[hadi salih]

بسم الله الرحمن الرحيم يعنى الواحد يا نسمة عشان اخش البوست بتاعك لازم اقراء الاخلاص والمعوزتين !!!

[عزيز عيسى]

بسم الله الرحمن الرحيم يعنى الواحد يا نسمة عشان اخش البوست بتاعك لازم اقراء الاخلاص والمعوزتين !!!

سورة الإخلاص والمعوذتين وكمان معاها آية الكرسي يا أبو صفية.

يا نسمة لقيتي الجماعة مكبلين قلتي تفتحي الموضوع..
عندك فرصة أقل من شهر تفتيهو قبل ما يطلق سراحهم
ويجوا يلخبطوا ليك بوستيك دا ذاتو!

عليك بقرآة القرآن وقرأته ستدفع عنك شر الدنيا وبلاويها وينور طريقك.

[نسمة صباح]

سؤال شرير جدا

انتي حاليا جاية تحكي لانك مطمئنة انه الجماعة (شعب شوشو ) موقوفين من الخدمة مؤقتا ؟

بالله يالملكه لو ما رمضان والوقف المؤقت كان قدرت اتفاصح واسل لساني في الموضوع

اعوذ بالله
دمت بود

[نسمة صباح]

يا نسمة لا تؤخز الدنيا بالتمني
اجدتهدي وثابري وكابري
تقبلي مروري .............

وربنا يقدرنا ان شاء الله على الاجتهاده

وقل لا يصيبنا الا ماكتب الله لنا

مشكور على مرورك

[نسمة صباح]

والله يا النسيمة قصص الخوف كتيرة جدا

خلى رمضان دا يفوت واجى احكى ليك

يالعاقب انا بعد رمضان وبعد الافراج ناويه احرق البوست دا واخفيه تماما





يسعدني تشريفك للبوست مره تانيه