الشاعر/ عثمان محي الدين

[محمد هاشم]

الراجل ده كان زميل دراسة من أبناء عووضة ومن أعز أصدقائي كنت بحفظ العديد من أشعاره وكان حريص جدا أنه يسمعني أشعاره لأني كنت بحفظها لكني نستها وبحاول أكتب هنا المتذكره منها

ومن قصايدة الجميلة قصيدة كتبها في ورقة الامتحان لما لكز جاره محمد قسم الله عشان يشففه وأبى ود قسم الله يشففه

والقصيدة بتقول

باين حالي مادايرلو زول يتفرس
غالبني الشغل ومني الحلول تترس
ود قسم الله خوي عثمان أخوك أتجرس
ومن حالته العلي أخيرلو لو كان عرس

[محمد هاشم]

عندو قصيدة تانية كان كاتبها لما جا شاف النتيجة بتاعته وكانت النتيجة تعبانه

قال فيها

جيت لقيت إسمي اخر القائمة
نفسي ضاقت بي للعذاب سايمة
وقلت لازم أقول حتى لو دوبيت او نغم شاشاي
ما الشعر واسي والشعر أنسي والنغم ينسي

***************

ينضربه ناس عثمان قذف بالدانة

وترقى فلانة قفز بالزانة

( فلانة دي كانت أولة دفعتنا ماذكرته إسمها )

نحن ما حاسدين إلا عاجبانا

[محمد هاشم]

بالمناسبة القصايد دي طويلة جدا بس أنا نسيتها وما بتذكر إلا بعض المقاطع

[محمد هاشم]

القصيدة دي كتبها في سمستر ون كان متيم ليه بي زميله في كلية الصيدلة أنا حأقول القصيدة من غير ذكر إسم الزميلة

كترت علي الهموم وبي الصياح إتعالا
بوي قال لي جد وماتخليك زولا عالا
بعد الحالة ديك جيت ساءت علي الحالة
وجيت سميت سمستر ون سمستر فلانة

[محمد هاشم]

بالمناسبة الاخ عثمان عندو برنامج يوم السبت الساعة عشرة صباحا يوميا في إذاعة مدني