# الإفطار الجماعي لأعضاء المنتدى بمدينة جدة #

[moh_alnour]

الأخوة : أعضاء المنتدى بمدنية جدة
تحياتي لكم
تعلمون جميعا ً أن شهر رمضان شهر للعبادة و التواصل و التراحم و التلاقي
لذا نتمنى ألاَّ يمر هذا الشهر من دون أن نلقتي بشخوص أحببناهم من خلال تواجدنا معهم عبر هذا الملتقى الطيب
و لمزيد من التواصل و التعارف فنحن بصدد عمل إفطار جماعي لأعضاء المنتدى بمدينة جدة
في واحد من يومي ( الخميس أو الجمعة ) من هذا الأسبوع بالمطار القديم بحي الجامعة
و هذا مقترح من بعض الأعضاء و كل من لديه رأي أو مقترح أخر بشأن الزمان أو المكان
أرجو أن يوافينا به و نتمنى من جميع أعضاء المنتدى بمدينة جدة التفاعل و الحضور من أجل توطيد أواصر الأخوة و المودة بين الجميع
و كل عام و الجميع بألف خير و ربنا يتقبل من الجميع الصيام و القيام و الدُعاء
تفحيطة : عشان مافي زول يقول ود النور دا أستغل المنتدى العام فالبوست دا حيفضل مؤقتا ً بالعام

[محمد حسين (المميز)]

الأخوة : أعضاء المنتدى بمدنية جدة
تحياتي لكم
تعلمون جميعا ً أن شهر رمضان شهر للعبادة و التواصل و التراحم و التلاقي
لذا نتمنى ألاَّ يمر هذا الشهر من دون أن نلقتي بشخوص أحببناهم من خلال تواجدنا معهم عبر هذا الملتقى الطيب
و لمزيد من التواصل و التعارف فنحن بصدد عمل إفطار جماعي لأعضاء المنتدى بمدينة جدة
في واحد من يومي ( الخميس أو الجمعة ) من هذا الأسبوع بالمطار القديم بحي الجامعة
و هذا مقترح من بعض الأعضاء و كل من لديه رأي أو مقترح أخر بشأن الزمان أو المكان
أرجو أن يوافينا به و نتمنى من جميع أعضاء المنتدى بمدينة جدة التفاعل و الحضور من أجل توطيد أواصر الأخوة و المودة بين الجميع
و كل عام و الجميع بألف خير و ربنا يتقبل من الجميع الصيام و القيام و الدُعاء
تفحيطة : عشان مافي زول يقول ود النور دا أستغل المنتدى العام فالبوست دا حيفضل مؤقتا ً بالعام

آآآآآخ يا ود النــور

انتو لقاكم ده صعب كده ماله

ماتجي مناسبه الاّ نكون مافيشين

يعني فطوركم ده ماتجو تفكرو فيهو الاّ الخميس او الجمعه الجايه

اخوك باقي مارق على ام المدائن مدني

يوم الاربعاء بالليل

يعني الخميس ده فاطر في مدني تب انشاءالله

الاّ لو سودانير تستقصدني تاني :d ((سودانير سمحه حلاااتها عشان ماتزعل وتأخرنا))

خـــارج النــص : موضوع السفر ده نظام العيد وكده يعني من ورا المدير وناس الشغل
خلوهو سر في المنتدى يا جماعــــه وياناس مدني في مدني نتــلاقى

اتفقنـــــــــــا

[مازن الجمّال]

تحياتي اخي محمد وللجميع
وكل سنة وانتو طيبين
___
اساسي معاكم ان شاء الله .. بس ياريت لو يكون يوم الجمعة عشان اقدر اجي
لانو اخوكم ولد مكة وكدا وما بفكوني من الشغل يوم الخميس إلا بعد الساعة 2 فجر

وكمان بتمنى انو الناس كلها تجي ونتلاقى

مودتي واحترامي

[ABUZAID]

الاخوة الكرام

رمضان كريم وكل سنة وانتو بالف خير


اكيييييييييييييييييييد جده غير

والف مليون مرحب بالاخ الغالي - مازن الجمال

واظن من ناحية عامة الجمعة احسن واريح للكل


انا . . . .
وللاسف

طافش من السعودية


وتقبلوا مشاركتي المعنوية من الان

ودائما محرومين من لقاء الاحبة

فلكم كل حبي واعتذاري عن الحضور نسبة لسفري والعائلة باذن الله

[معتز الريح]

الجمعة على بركة الله ..
حنفتقدك يا محمد حسين ..
وحنفتقدك يا محمد أبوزيد ..

[بورتبيل]

ربنـــــا يقدرنا على الجمعة دي

[همسة شوق]

جاهزين ونتلاقى يوم الجمعة انشاء الله

[الجندي المجهول]

باذن الله تلقوني قدامكم ومعااااااااااي كل الاشواق


سواء الخميس او الجمعة او اي يوم اخر باذن الله انا معااااااااكم

[faqatar007]

إن الحمد لله، نحمده ونســــتعينه ونستغفره ونســـتهديه

ونعوذ بالله من شـــــرور أنفسنا ومن سيئات أعمالنا، من

يهده الله فلا مضل له، ومـــــن يضلل فلا هــــــــادي لـــــه

وأشهد أن لا إله إلا الله، وأشهد أن محمداً عبده ورسوله

صلى الله عليــه وعلى آله وصحــبه وسلم تســـليماً كثيراً

تقبل الله منا ومنكم صيامنا وقيامنا وجزاكم الله خير الجزاء

دمت نوراً على نور

أخي الحبيب في الله

محمد النور الجاك

ببركة هذا الشهر الكريم المبارك :

أن يختصكم بكل خير ، و يصرف عنكم كل شر ،و أن يقر عينكم

و يسر قلبكم ، و يثلج صدركم ، و يفرج همكم ،و يحقق أملكم

و ينصركم بنصره ،و يجعل التوفيق حليفكم ، و الفلاح طريقكم

ويوفقكم ودائماً مجتمعين متحابين

وإن شــــاء الله دائمـــا لامين غير ناقصين

وكل عـــــام والجميع بخير ...

[ابوخالد]

آآآآآخ يا ود النــور

انتو لقاكم ده صعب كده ماله

ماتجي مناسبه الاّ نكون مافيشين

يعني فطوركم ده ماتجو تفكرو فيهو الاّ الخميس او الجمعه الجايه

اخوك باقي مارق على ام المدائن مدني

يوم الاربعاء بالليل

يعني الخميس ده فاطر في مدني تب انشاءالله

الاّ لو سودانير تستقصدني تاني :d ((سودانير سمحه حلاااتها عشان ماتزعل وتأخرنا))

خـــارج النــص : موضوع السفر ده نظام العيد وكده يعني من ورا المدير وناس الشغل
خلوهو سر في المنتدى يا جماعــــه وياناس مدني في مدني نتــلاقى

اتفقنـــــــــــا

سرك فى بير ....

ما قلتو نوبة ....

وياناس جدة ..... إفطارآ شهيآ ....

ولمة حلوة إن شاء الله ....

يجمعنا الله وإياكم فى أطهر البقاع .....

[abomazeen]

الجمعة على بركة الله ...
حنفتقدك يا محمد حسين ...
وحنفتقدك يا محمد أبوزيد ( جيـش) ...
ومرحب مرتين بكل من جانا وحضر معانا ...

[رضا حسن محمد]

الجمعة على بركة الله ...
حنفتقدك يا محمد حسين ...
وحنفتقدك يا محمد أبوزيد ( جيـش) ...
ومرحب مرتين بكل من جانا وحضر معانا

[خالد 000 ابقرجة]

ان شاء الله
كان ربنا أراد 000
نركب الدرب مخسوس 000
من المدينة 000
عشان نسعد باللمة 000



من تحت العصيدة

ما قلتو لينا عزابة ولا عوائل ( مع الاعتذار لصاحب البوست بمناسبة 9/9/2009 )

[أمير عبداللطيف]

تمام ،، بس ليه المطار القديم ؟ بطلوا الجلدنه وطلعوا الريالات وافطروا فى فندق ، وانا من هنا برسل ليكم مساهمتي باعتبار ما كان هههههههه

[ابوخالد]

تمام ،، بس ليه المطار القديم ؟ بطلوا الجلدنه وطلعوا الريالات وافطروا فى فندق ، وانا من هنا برسل ليكم مساهمتي باعتبار ما كان هههههههه

هلا هلا ود عبداللطيف ...

أب خيرآ جوة وبرة ...



إتكاءة :

ياناس جدة المطار القديم ده كيفنو ....
صقيعة ساااااااااااااااااااى والا شنو ...
أكان وقعت فيكم طيارة ....
بتعملوا شنو ...

[محمد عبد الله عبدالقادر]

محمد نور سلامات

والله دي فكرة رائعه
ويوم الجمعه يوم مناسب للجميع
معاكم معاكم معاكم
كيف الترتيبات
وهل هي عوائل ولا عزابه ساي

[moh_alnour]

ما قلتو لينا عزابة ولا عوائل ( مع الاعتذار لصاحب البوست بمناسبة 9/9/2009 )

حقو الواحد يعقد يوم الأربعاء عُرفي و يجيكم عشان لسانكم الطويل دا
همسة : تشرف يا هندسة و يا ريت نشوفك إن شاء الله
مشاققة : الأخوين العزيزين ( محمد حسين المميز و محمد عبد الله أبو زيد ) ح نفقدكم و الله
و أمنياتنا لكم بسلامة الوصول إلى أرض الوطن و قضاء إجازة سعيدة في رحاب الأهل و الأصدقاء

وهل هي عوائل ولا عزابه ساي

ياخي هو إفطار ولا إستقدام ما تجي بس وما تنسى تجيب معاك عمود مدنكل

[مهيد ود السفاح]

هنيئاً لكم والله ..

واتمنى لكم قضاء اسعد الاوقات ..

وياناس هوي ما تنسونا من الدعاء ..


وكتروا من العصايد

التوقيع : واحد حاسدكم على اللمه الحلوه دي

[بدر الدين احمد الطائف]

الأخوة : أعضاء المنتدى بمدنية جدة
تحياتي لكم
تعلمون جميعا ً أن شهر رمضان شهر للعبادة و التواصل و التراحم و التلاقي
لذا نتمنى ألاَّ يمر هذا الشهر من دون أن نلقتي بشخوص أحببناهم من خلال تواجدنا معهم عبر هذا الملتقى الطيب
و لمزيد من التواصل و التعارف فنحن بصدد عمل إفطار جماعي لأعضاء المنتدى بمدينة جدة
في واحد من يومي ( الخميس أو الجمعة ) من هذا الأسبوع بالمطار القديم بحي الجامعة
و هذا مقترح من بعض الأعضاء و كل من لديه رأي أو مقترح أخر بشأن الزمان أو المكان
أرجو أن يوافينا به و نتمنى من جميع أعضاء المنتدى بمدينة جدة التفاعل و الحضور من أجل توطيد أواصر الأخوة و المودة بين الجميع
و كل عام و الجميع بألف خير و ربنا يتقبل من الجميع الصيام و القيام و الدُعاء
تفحيطة : عشان مافي زول يقول ود النور دا أستغل المنتدى العام فالبوست دا حيفضل مؤقتا ً بالعام

محمدالنور رمضان كريم
جاينكم جاينكم
جهزوا العصيدة والتقليه
واهم شى شعوركم
بس حددوا لينا متين ووين
عشان نحنا حاجزين طيران وكده
ده باعتبار اننا من جده بالانتساب

[خالد 000 ابقرجة]

ود العمدة من مدني الآن
ومن موبايل شيكو

يوم الجمعة وصوله لمطار جدة باذن الله
بلغته بالإفطار 000

قال ان شاء الله

من المطار الجديد 000
للمطار القديم 000

[معتزودمدنى]

باذن الله تلقوني قدامكم ومعااااااااااي كل الاشواق

سواء الخميس او الجمعة او اي يوم اخر باذن الله انا معااااااااكم

لو دايرين موضوع الفطور يتم
طلعوا الجندى دة من الموضوع
قبل فترة ياجندى
قلت لينا فى يوم مفتوح
وتعالوا والضلع من السودة
والكسرة بالملوخية من مطعم الخرطوم.
لاشفنا ضلع
لاشفنا كسرة بملوخية
ولاشفنا يوم مفتوح
ولاشفنا يوم مقفول
ولة تكون عملت يومك دة من ورانا ياجندى ؟؟؟؟؟
على اى حال
انا حأقاطع اى تجمع لبورداب جدة
مالم تتم محاسبة الجندى المجهول
واجباره على دعوتى لفطور كاااااااااااارب بمطعم الدار البيضاء.
على سبيل التعويض.
شفت ياجندى, ما كان اخير ليك السودة؟
الاخ محمد النور
كان الود والله
اللقاء باطيب واحن بشر على وجه الارض ولكن
يوم الخميس والجمعة انا ماعندى اى طريقة
واكيد مافى شى بيعلا على لقاء زى دة
لكن اقسم بالله ظروف خارجة عن ارادتى.
وما تنسوا تسيبوا لى نصيبى من العصيدة والقراصة والآبرى
دة طبعاً لو الموضوع فيه عوائل
اما اذا الدعوة خاصة بالعزابة
فولكم اكلوه براااااااااااكم.
وانشاءالله نلتقى قريباً
لكم جميعاً مودتى بلاحدود

[admin]

تمام ،، بس ليه المطار القديم ؟ بطلوا الجلدنه وطلعوا الريالات وافطروا فى فندق ، وانا من هنا برسل ليكم مساهمتي باعتبار ما كان هههههههه

ياحليل الفنادق وايام الفنادق ياسعادتك .. وأمن القنصليات ههههههههههه .. والبوفيهات المفتوحة والمقفولة على قول معتز ودمدني.

الأخوة : أعضاء المنتدى بمدنية جدة
تحياتي لكم
تعلمون جميعا ً أن شهر رمضان شهر للعبادة و التواصل و التراحم و التلاقي
لذا نتمنى ألاَّ يمر هذا الشهر من دون أن نلقتي بشخوص أحببناهم من خلال تواجدنا معهم عبر هذا الملتقى الطيب
و لمزيد من التواصل و التعارف فنحن بصدد عمل إفطار جماعي لأعضاء المنتدى بمدينة جدة
في واحد من يومي ( الخميس أو الجمعة ) من هذا الأسبوع بالمطار القديم بحي الجامعة
و هذا مقترح من بعض الأعضاء و كل من لديه رأي أو مقترح أخر بشأن الزمان أو المكان
أرجو أن يوافينا به و نتمنى من جميع أعضاء المنتدى بمدينة جدة التفاعل و الحضور من أجل توطيد أواصر الأخوة و المودة بين الجميع
و كل عام و الجميع بألف خير و ربنا يتقبل من الجميع الصيام و القيام و الدُعاء
تفحيطة : عشان مافي زول يقول ود النور دا أستغل المنتدى العام فالبوست دا حيفضل مؤقتا ً بالعام

والله الزول يتمني ان تعود تلك الايام الجميلة والتقي بكم جميعا مرة اخرى كما كنا في الاماكن والفنادق والمطارات (الجديدة والقديمة) .. اكثر ما يفتقده الانسان هو هذه اللقاءات فارجوكم ان تحافظوا عليها وتكثروا منها حتى تقوى العلاقات والمحبة بينكم.

وكل عام وانتم بخير مقدما

[الجندي المجهول]

لو دايرين موضوع الفطور يتم
طلعوا الجندى دة من الموضوع
قبل فترة ياجندى
قلت لينا فى يوم مفتوح
وتعالوا والضلع من السودة
والكسرة بالملوخية من مطعم الخرطوم.
لاشفنا ضلع
لاشفنا كسرة بملوخية
ولاشفنا يوم مفتوح
ولاشفنا يوم مقفول
ولة تكون عملت يومك دة من ورانا ياجندى ؟؟؟؟؟
على اى حال
انا حأقاطع اى تجمع لبورداب جدة
مالم تتم محاسبة الجندى المجهول
واجباره على دعوتى لفطور كاااااااااااارب بمطعم الدار البيضاء.
على سبيل التعويض.
شفت ياجندى, ما كان اخير ليك السودة؟
الاخ محمد النور
كان الود والله
اللقاء باطيب واحن بشر على وجه الارض ولكن
يوم الخميس والجمعة انا ماعندى اى طريقة
واكيد مافى شى بيعلا على لقاء زى دة
لكن اقسم بالله ظروف خارجة عن ارادتى.
وما تنسوا تسيبوا لى نصيبى من العصيدة والقراصة والآبرى
دة طبعاً لو الموضوع فيه عوائل
اما اذا الدعوة خاصة بالعزابة
فولكم اكلوه براااااااااااكم.
وانشاءالله نلتقى قريباً
لكم جميعاً مودتى بلاحدود

يا معتز ود مدني
تأكد تماماً انه لي الشرف بعزومتك بس كيف الم فيك لا تلفون ولا عارف ليك اي عنوان ومن الان العزومة اعتبرني قدمتها ( الوم انت اتكلمت عنه المفتوح كان مجرد اقتراح لكن لم يحرك احد ساكنا ) ومع ذلك باذن الله في العيد يكون لينا لمة تاني وسنحددها في الافطار يوم الجمعة .....

تخريمة :
الدار البيضاء يعني قصدك كازابلانكا ولا شنو ؟ ( وش متمني يشوفك باسرع فرصة)

[moh_alnour]

الأخ : معتز ود مدني
أولا ً عميق أسفي و أعتذاري لأنه لا علم لي بأنك مقيم في مدينة جدة
و كل المنى بأن نلتقيك في وقت أخر و أعذارك عندنا مقبولة يا غنوتنا يا بهجتنا يا مسا عيونا المبهورة

الريس : أو بكر الأدمن
في الليلة الظلماء يُفتقد البدرُ و في جلسات جدة نفتقد وجود أبو بكر المبارك ( الأدمن ) و أمن السفارات ( جنابو أمير عبد اللطيف )

خريمة :
الدار البيضاء يعني قصدك كازابلانكا ولا شنو ؟ ( وش متمني يشوفك باسرع فرصة)

ما تعمل رايح الزول دا قاصد ليك ( فندق الدار البيضاء ) في حي السلامة في شارع صقر قريش من بداية طريق المدينة
رمية تماس : نحن تحت الخدمة دائما ً عشان نحمش النيران و نرجع الرايحين و الطاشين شبكة
قال كازبلانكا قال الكلام دا قولوا لي زول ( ما إندو هديدة )

[أمير عبداللطيف]

[quote=moh_alnour;395088]

["]الأخ : معتز ود مدني

ما تعمل رايح الزول دا قاصد ليك ( فندق الدار البيضاء ) في حي السلامة في شارع صقر قريش من بداية طريق المدينة
]

[/quote


طيب مادام بتعرف توصف الفنادق كويييييييييييس كده مالك عملت نائم من كلامى الفوق داك ههههههههه ،، نتمنى ان يجتمع الكل لقضاء وقت جميل ولو فى كبري الببسي هههههههه