النتائج 1 إلى 25 من 169

الموضوع: قصتنا

أدوات الموضوع
- مشاهدة صفحة طباعة الموضوع


	13-09-2009 12:51 PM #1 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 قصتنا هي قصتنا وقصتهم ... هي قصة اتنين من الزمن الجميل ... من الحكايات الخالدة ... من المشاعر الصادقة ... زمن مع النسيم ارسل ليك تحياتي واشواقي ... وكل طائر مرتحل عبر البحر قاصد الاهل ........ من واقعنا ومن حياتنا ... هي قصة والدي ووالدتك جاركم جارتكم ... هي حقيقة وليست خيال .... تابعو معاي قصة " صلاح & سامية " ...... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	13-09-2009 12:52 PM #2 نبض المشاعر رووونة الملف الشخصي مشاهدة المشاركات عضو فعال Array تاريخ التسجيل Jul 2009 الدولة مدني حي اركويت المشاركات 310 مستنينك حمستيني قبل ما اقرا القصة *** Don't Be sAd..... sMiLe AnD tHe LiFe Wil sMiLe 4 u رد مع اقتباس


	13-09-2009 01:06 PM #3 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 سامية صبية صغيرة السن لم تبلغ بعد عامها " الثالث عشر " ... مازالت تلعب مع اقرانها " بالطين " وتتخذ من اقصوصات بواقي الاقمشة عرائس .. تلاعبهم من نسج خيالها الطفولي ... حياتها منحصرة مابين اللعب ومساعدة والدتها في " التكل " بضم التاء ... تجهز لها " مكان العواسة " ... اذا اجتهدت كثيرآ بمساعدة والدتها فانها تقوم بكنس مكان " العواسة " او " الحوش " حياة بسيطة لأسرة بسيطة .. تملك قوت اليوم باليوم ... لايوجد لديها آمال كبيرة او احلام .... تذهب لمدرستها صباحآ تعود لتلقي بكتبها أمام المنزل ... وعلي اللعب فورآ مع اخوتها الصغار ... لايوجد اهتمام كما الآن ... ان الطفل عندما يعود من المدرسة يذهب الي الحمام ويغير ملابسه ... ويكتب واجباته ويراجع دروسه وووووووووووووووو حتي والدتها لاتعرف في اي سنة تدرس لايوجد اهتمام بالتعليم ... لانو في الاخر البنت تذهب الي بيت زوجها وهي اكبر مدرسة وتعليم للفتاة .... بالمناسبة تدور احداث هذه القصة في حقبة السبعينات والستينات .... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	13-09-2009 01:11 PM #4 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 اها قمتى على تقطعك قصتك لى شرائح زى البطاطس تعالى من الاخر نحن ناس امسك لى واقطع ليك يا مااااااااااااااااااااااااااااااااااانجو أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	13-09-2009 01:26 PM #5 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 طبيعة تلك الحقبة الزمنية ... ان الاطفال في مكانهم ... بمعني مافي طفل بيتدخل في كلام " الناس الكبار " يعني كل شخص ومكانتو .... الرجال في " الديوان " بيناقشو مشاكل الاسرة ... الحلة ... الفريق ... موسم المطرة دة كيف نجاح الزراعة ... وشكل المحصول وايام الحصاد ...... والخريف جاء تقيل وبيت ناس منو اتهد والحيطتهم وقعة ... ومساعدات الناس المحتاجين والنقاشات تتعالي مابين مؤيدين لانو يدو لي حاج عمر لانو حالتو تعبانة والسيل جاء شال الحيطة ومابين مايدوهو لانو ولدو مغترب ومارسل حق صندوق " الزاوية " عشان يصلحوها .... و عباس خطب حليمة و" الصفاح " حيكون متين ؟؟؟ اها عباس دة يقومو يقسمو لي من الحوش يدوهو " اوضة " و " ادبخانة " عشان خصوصيتو مع زوجتو .... مشاكل بسيطة كمشاكل اي قرية في ذلك الوقت ..... " سامية " واقرانها .. ومن هم في مثل سنها هدفهم وشغلها الشاغل " اللعب " الي ان يطرق الفتاة بابها زوج .. حتي تقوم الام بتهيئة البنت الي منزل زوجها .... تعليم شؤون المنزل ... وزي مابقولو وصية البت قبل ماتدخل رجلا فوق بيت راجلا ... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	13-09-2009 01:27 PM #6 عزالدين الملف الشخصي مشاهدة المشاركات عضو جديد Array تاريخ التسجيل Jun 2009 المشاركات 95 وحياة الله ما بيغيظنى فى القصص الا شغل القطارة ده ياخى ما تبهيليها كلها وتخلصينا ودى واحترامى بت مارنجان فى انتظار بقية القصة رد مع اقتباس


	13-09-2009 01:30 PM #7 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 تسجيل حضور ومتابعة لاننا من عشاق الواقعية والزمن الجميل أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	13-09-2009 01:43 PM #8 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 المشاركة الأصلية كتبت بواسطة بت مارنجان طبيعة تلك الحقبة الزمنية ... ان الاطفال في مكانهم ... بمعني مافي طفل بيتدخل في كلام " الناس الكبار " يعني كل شخص ومكانتو .... الرجال في " الديوان " بيناقشو مشاكل الاسرة ... الحلة ... الفريق ... موسم المطرة دة كيف نجاح الزراعة ... وشكل المحصول وايام الحصاد ...... والخريف جاء تقيل وبيت ناس منو اتهد والحيطتهم وقعة ... ومساعدات الناس المحتاجين والنقاشات تتعالي مابين مؤيدين لانو يدو لي حاج عمر لانو حالتو تعبانة والسيل جاء شال الحيطة ومابين مايدوهو لانو ولدو مغترب ومارسل حق صندوق " الزاوية " عشان يصلحوها .... و عباس خطب حليمة و" الصفاح " حيكون متين ؟؟؟ اها عباس دة يقومو يقسمو لي من الحوش يدوهو " اوضة " و " ادبخانة " عشان خصوصيتو مع زوجتو .... مشاكل بسيطة كمشاكل اي قرية في ذلك الوقت ..... " سامية " واقرانها .. ومن هم في مثل سنها هدفهم وشغلها الشاغل " اللعب " الي ان يطرق الفتاة بابها زوج .. حتي تقوم الام بتهيئة البنت الي منزل زوجها .... تعليم شؤون المنزل ... وزي مابقولو وصية البت قبل ماتدخل رجلا فوق بيت راجلا ... متابعة وحضور في هذا التشويق الجميل رد مع اقتباس


	13-09-2009 02:26 PM #9 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 صلاح شاب في ال " سابعة والعشرين من العمر " موظف بسيط في احدي المؤسسات التي اصبحت فيما بعد من اضخم المنشآت الاقتصاد ... وذلك بفضل الله سبحانه وتعالي وجهود صلاح ورفقائه في العمل .... هذه المؤسسة اصبحت ارتكاز اساسي للاقتصاد المالي في السودان ... في فترة الستينات كان ذلك وقت الاصلاح في الوطن ... بعد مغادرة المحتل .... كان لابد من وضع اللبنات الاساسية للنهضة واصلاح ماافسده الاستعمار .... نجد النهوض بالانظمة البنكية ... وتقسيم الوزارات ..... وضع البنية التحتية لمشاريع التنمية ... والاستثمارات والمشاريع الزراعية ووووو "صلاح" شاب طموح .... زكي ... درس حتي وصل المرحلة الثانوية " بوادي سيدنا " ... توفيت والدته وهو لم يبلغ الثامنة ...و من عمر التاسعة ذهب الي المدرسة الداخلية ومن وقتها وهو بعيد عن الديار ... يأتيها في وقت العطلات الدراسية او الاعياد .... ويعاود مرة اخري شخصية غريبة جدآآآآآآ ... برغم هذا الاحساس بالجفاف ناحية الاسرة ومعني الحياة الاسرية الا انه كان شاب واضح المعالم في حياته ... يعرف الي اين تسير به خطاه محدد اهداف وخارطة حياته ... مجتهد في اي شئ ... عمله وحتي في دروسه .... ربما حياة الداخلية هي من جعلته يكون بهذا الاحساس بالمسؤلية تجاه نفسو ... ونهضة مستواه الفكري والمعيشي حتي يرتقي بحاية افضل .... التعديل الأخير تم بواسطة بت مارنجان ; 13-11-2009 الساعة 09:38 AM لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	13-09-2009 02:33 PM #10 wad alballal الملف الشخصي مشاهدة المشاركات عضو ذهبي Array تاريخ التسجيل Jun 2009 الدولة مدني -المطار المشاركات 3,193 كلنا حضور وييييييييييين الباقي ... البــــــــ ود ــــــلال احتاج دوزنةً وتراً جديداً لايضيف إلي النشيد سوي النشاذ لغةً تفتش عن أراضٍ خصبةٍ شمساً تغير طعم فاكهة الشتاء رد مع اقتباس


	13-09-2009 02:56 PM #11 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 نبض المشاعر رووونة العاقب " بالله خليك جادي نحنا في الثقافي " عز الدين " ابو مزونة " ود الجعلي ود البلال دخولكم افرحني الي حد الدهشة .... فقط اعزروني .... بجيكم بي رواقة ...باذن الله ....... لنواصل بالمعزة وبالمودة البينا بي اقرب صلات .... وقصتنا .......... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	14-09-2009 12:52 PM #12 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 ملاحظة للاخوة المتداخلين والمتابعين .... هي قصة دامت بين زوجين قرابة الاربعون عامآ ... لذلك استسمحكم في الصبر عند سردي لمجريات الاحداث ... وان تمهلوني ان اضعكم امام شاشة صغيرة لمتابعة ماحدث بينهم ..... ولكم العتبي حتي ترضو ........... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	14-09-2009 01:05 PM #13 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 طبيعة النشاة في القري بالمنطقة " الشمالية " قاسية نوعآ ما ... بمعني انه يوجد نوع من الجدية في التعامل مابين الولد ووالده ... يعني لاتري والد يهظر مع ابنه الا نادرآ .. وخاصة اذا كان والد " صلاح " يعتبر شيخ المنطقة او بالاصح اكبر عائلة في المنطقة .. تمتلك عدد كبير من الاراضي الزراعية والمنازل ... بالرغم من تلك الحياة كان " صلاح " يمتلك قلبآ حنونآ وطيبآ لابعد حد ... مع احتفاظه بالشكل الجدي الذي اكتسبه من طبيعة المنطقة ... صلاح اكبر اخوانه ... كما اسلفت بانه درس الي المرحلة الثانوية كانت " بوادي سيدنا " تلك الفترة الجميلة " من الزمن الجميل " حيث يجلس الطالب بالمدرسة الداخلية وتصرف عليه الدولة حتي ينتهي من تعليمه ... حتي التعليم كان علي اسس علمية ودراسة دقيقة للسلوك البشري ... ليس كتعليم الان من نسج الخيال و" عامل الصدفة " ... ينتهي من يومه الدراسي ويذهبو الي المهجع المخصص للطلبة .. ثم يخرجو مساء الي السينما لمشاهدة اخر افلام " عبد الحليم حافظ " شادية " ... او الذهاب الي مقاهي الخرطوم " اصبح الان السوق العربي " للاستماع الي حفلة " ام كلثوم " في اخر خميس من كل شهر ... حياة مليئة بالاحاسيس والهدوء النفسي ..... اكمل الي المرحلة الثانوية لكنه لم يدخل الجامعة ... حينها لم يستطع الدخول لانه كانت لديه اعباء والتزامات ناحية اسرته ... لانه الاكبر بين اخوته والوحيد الذي بدا يتعلم كان لزاما عليه بان يوفر لي اخوته سبيل الراحة لاكمال دراستهم والمكان الملائم للدراسة ... " لانو كان يمتلك العديد من الاخوة " ..... التحق بالعمل في بداية الستينات بتلك المؤسسة التي كانت في ذلك الوقت منشأة صغيرة تعمل في مجال الحذية ولم تتطور بعد وتغير نشاطها الي ماهي عليه الان ... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	14-09-2009 01:14 PM #14 ايمن عبد الله الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة ودمدني / حي ناصر المشاركات 5,501 إنتهت ولا لسة في صفحة صفحتين ثلاثة .. رد مع اقتباس


	14-09-2009 01:25 PM #15 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 سامية فتاة مرحة نشأت هي واسرتها في منطقة " ود مدني " ... هذه المدينة التي تضج بالحب والفرح والضجيج ... مع ان الجور ايضا من تلك المنطقة " منطقة صلاح " ... الا انها نشات بود مدني ... واتكست من الملامح المدنية الجميلة .... لديها العديد من الصديقات ... كانت تسليتها الوحيدة بان تلهو معاهن ... او الاستماع الي الراديو او مطالعة المجلات ... لديها نهم كبير للاطلاع والمعرفة ... كانت تقول دائمآ لم ناخذ حظنا في القراية كان بقينا علما ودكاترة ... مجلات ذلك الزمن الجميل " الاذاعة والتلفزيون " وكانت تكتب عن الفنانين وحوارات معاهم وعن جديد الفنانين ... وعنوان العمود يحمل دائمآ دردشة مع فنان معين ... ايضآ مجلة " سمر " تسرد قصص ... في حلقات "" مسلسلات "" ... وماننسي " عمك تنقو " .... ايضآ كانت تتابع الراديو بنهم شديد .. تحب الاستماع كثيرا لي " لسان العرب " الذي كان يقدمه العالم الراحل " د/ عبد الله الطيب رحمه الله ... جراب الحاوي .. دنيا دبنقا " محمد سليمان " .... اشراقة الصباح البتقدمو ليلي المغربي واعتقد حمدي بولاد ... وماننسي حقيبة الفن .... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	14-09-2009 02:26 PM #16 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 في يوم صيفي من ايام السنة في اواخر الستينات ... حضر " صلاح " لمدينة ود مدني زيارة الي جده للاطئنان عليه ... وكانت زيارته الاولي للمنطقة .... وعندما وصل بعد السلام والتحية والضيافة من قبل جده ... قال الجد : صلاح ياولدي انت اول مرة تزورنا وعندك اهلك كتار في مدني ... ارحكا نزورهم وتتعرف عليهم ... واصل رحمك ياولدي وماتقطعو ... صلاح : طوالي ياجدي بمشي معاك انا زاتي نفسي اتعرف علي اهلي وهم يعرفوني ... كانت سامية ترش في مكان " العواسة " ... ورش الارض لتثبيت المكان حتي يعطي نضافة وثباتا وهواء جميل من ناحية اخري .... وطبعا هي في هذا التنضيف " وماشاء الله الخلقة سيئة " " لاترتدي شيئا في رجليها وكل " شعرة في راسها عاملة اجتماع مع روحها " .... دخل " صلاح " والجد في منزل والد سامية .... وبدأو بالتصفيقة كعادة الناس ... انتفضت سامية ورفعت راسها وبيدها جردل الماء وهي تسوي مكان العواسة ... " مسحت يدها بطرف فستانها الذي ترتديه لتسلم علي " الجد " عثمان " و "صلاح " كانت تلك شرارة الحب مابين " سامية & صلاح " بالرغم من تلك الهيئة علي " سامية " الا انها دخلت قلب " صلاح " من دون مساحيق تجميلية او شعر مصفف عند اشهر الكوافير ... او متعطرة بالروائح الباريسية ... اعجبته تلك الفتاة الصغيرة السن وهي ممسكة باناء الرش علي مكان عواسة والدتها سألها الجد من والدها ... قالت ليهو ابوي مشي السوق .. بجي هسي خشو خشو اتفضلو ... قال ليها يابتي مابنقدر ... بنجيهو المساء ... سامية ردت مابتجي ياجدي والله الا تشربو موية ... جرت سامية علي الزير وملت الكيزان اشربو ... وفي تلك اللحظة جائة والدة سامية وهي امراة رزيييييينة جدآآآ .... من النساء المحترمات التقيات ... من تشوفها تتمني انك تقعد معاها عمرك كلو ... من زواتي " الشلوخ " ود " الشلوفة " .... امراة جميلة جدآآآآ ... جمال طبيعي ... آية من آيات الله .......... التعديل الأخير تم بواسطة بت مارنجان ; 14-09-2009 الساعة 02:31 PM لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	14-09-2009 05:28 PM #17 محمد الواثق الملف الشخصي مشاهدة المشاركات عضو فضي Array تاريخ التسجيل Jan 2008 الدولة مدني \ودازرق المشاركات 2,986 بت مارنجان تعرفي عجبتني حتة لكم العتبي حتي ترضوا وبالمناسبة بوست مميز جدا وقصة من واقعنا الجميل في حلتنا وفي قريتنا وسرد جميل واختيار موفق وانت تحكي وتعكسي واقعنا بشفافية و صدق تباركت كلماتك وانا من المعجبين والمتابعين الهم اجعلنـــــــــــــي من من يتركــــــــــــون اثارا طيبـــــــــــــة فــــــــــــــــي قـــــــــــــــــــلوب الأخــــــــــرين وفي حيــــــاتهم لا تمحـــــــــــــــــــــــــــــــــي ابــــــــــــــــــــــــــــــــــــــــــــدا رد مع اقتباس


	15-09-2009 12:40 AM #18 المبارك ود إبراهيم الملف الشخصي مشاهدة المشاركات عضو فعال Array تاريخ التسجيل Aug 2009 المشاركات 289 بت مارنجان قصة من الزمن الجميل ونقلتنا من غربتنا لذلك الواقع الذي نستشف منه مستقبلنا وياسلام عندما كانت بناتنا وأخواتنا يمشوا الحواشات مع أهلهم وهن بجمالهن الطبيعي بمسايرهن الطويلة عليها زيت الكركار مش كريمات وياسلام عندما كان عمي دفع الله يمر علي البنت وهي ماسكة طورية بتساعد أبوها وعمي دفع الله يدوبي فوق البنت ويقول ليها: ياسمحة إسمك مين أبوك قال ليكي حشي أبوسته وأبوعشرين جننتينا وأصلوا ما نافعين أوعا تنقري وتملي المساير طين. والنفس كالطفل إن تهمله شب علي حــــــــــــب الرضاع وإن تفطمه ينفطم. رد مع اقتباس


	15-09-2009 12:57 AM #19 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 بت مارنجان جمال القصة فى جمال السرد القريب من منطقة الاحساساقع ومرشوش بواقع حال جميل وبسيط توقفنا عند بداية الشرارة وفى انتظار القادم من القصة وشكل العلاقة بين صلاح زمان وجمسل وبين عواطف على سجيتها حلوة وساامية أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	15-09-2009 03:15 AM #20 ميادة الملف الشخصي مشاهدة المشاركات عضو ذهبي Array تاريخ التسجيل May 2009 المشاركات 3,426 تسجيل حضور غاليتي بتو قمة الروعة في التصوير .. دمتي رد مع اقتباس


	15-09-2009 01:30 PM #21 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 حضرت والدة سامية وهي ترمق ابنتها بنظرة " في مامعناها دة شنو المنظر الواقفة بيه دة مع الناس ... احست سامية بنظرات اللوم في وجه والدتها ... القت الجردل من يدها ودخلت علي الغرفة اليتيمة الوحيدة لابدال ملابسها ... وتسريح شعرها .... رحبت الحجة " آمنة " بالجد " عثمان " وصلاح وتفضلو بالجلوس ... وحلفتهم بالرسول والنبي يشربو الشاي ... ابدلت " سامية " ملابسها .. ومازالت حافية متسخة القدمين ... اسرعت الي " التكل " حتي تعمل الشاي للضيوف ... احضرت سامية الشاي الي الجد وصلاح ... وصلاح ينظر الي " سامية " .... " سامية " احبتي جميلة جدآآآآآآآآآآآ ... تملك عيون من اجمل ماخلق الله سبحانه وتعالي نحييييييييفة جدآآآآآ ... وتمتلك ابتسامة " سبحان من خلقها " ... لاتستعمل مساحيق ولاتضع حتي الكحل في عينيها .. يقوم " الودك " بجميع المهام للوجه والشعر والجسم ... أسرته تلك العيون الناعسة الجميلة التي تغرق فيهما عندما تنظر اليها ... أخذ كوب الشاي من يد " سامية " ودخلت سامية الي الغرفة وتنضم الي اخوتها الصغار في تلك الاثناء يدخل والد سامية " حاج أحمد " وهو يلقي التحية والسلامات الي الجد عثمان .... يا عم عثمان كيفنك صحتك ... يرد الجد الي " عم " احمد " الصحة خلاص يااحمد والعيش وقتين ينجض بيدور الحصاد يرد عليه العم احمد : ياعم عثمان انت لسة شباب ياخي طولت العمر ليك ... انت ياعم عثمان كدي قول ياعرس يمين تقطع رحط بت 14 سنة ... افووو انت هين ياعمي .. وتتعالي الضحكات بينهم ... في هذه الاثناء تنسحب الحجة آمنة من المجلس ... صلاح : انا صلاح ياعم احمد ولد الطيب حماد ... يندهش العم احمد ويهب واقفآ ويسلم مرة تانية علي صلاح بالاحضان القوية ... ياسلام ياصلاح ياولدي انت ولد " زينب " الله يرحمها ... ياحليلك ماشاء الله كبرتا وبقيت راجل ياسـلآم ... وهسي شغال وين ياولدي ولا بتسوي في شنو ؟؟؟ والله ياعمي بعد خلصت وادي سيدنا مشيت اشتغلت في " .... " والحمدلله الامور ماشة كويسة نحمد الله ... ياسـلآم علي الدنيا ياولدي ... والدتك كانت مرة عظيمة ربنا يرحمها والله ... ومازالت الاحاديث عن البلد والزراعة والحواشات " ومترة " ناس فلان الحصل فيها والموسم ماشي كيف ... الا ان اتاهم صوت حجة آمنة تهتف الي الحاج أحمد بان الغداء جهز ... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	15-09-2009 01:52 PM #22 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 اكتملت وجبة الغداء ومازالت الضحكات .. واجترار الزكريات مع صلاح والجد عثمان .... شربو الشاي ... ودع صلاح العم " احمد " بكل حب وحنان علي امل اللقاء قريبآ ... لم يكن يعلم ان القدر سيجمعهم برباط ابدي وسيكون له ولده الذي لم ينجبه .... ماابسطها من اقدار توالف الناس وتجمعهم في لحظات ويفترقو ليكونو علي موعد اكبر ودائم ............. لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	15-09-2009 01:56 PM #23 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة العاقب مصباح اها قمتى على تقطعك قصتك لى شرائح زى البطاطس تعالى من الاخر نحن ناس امسك لى واقطع ليك يا مااااااااااااااااااااااااااااااااااانجو عقبة ياخوي انت كاتب وادري بالكتابة ... فاسمح لي اني اقطعها عشان انا مابقدر اقولا كووووووووووووووولها .... والمثل التحت دة " امسك لي واقطع ليك " ابقي شاطر واعملو لمن تمشي تتقدم لهناية لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	15-09-2009 01:58 PM #24 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة نبض المشاعر رووونة مستنينك حمستيني قبل ما اقرا القصة رووونة بعتذر عن الرد ليك ... ودة ما الا سهيان مني ... يلا اقري القصة واهم شي الاراء .... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	15-09-2009 02:00 PM #25 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة عزالدين وحياة الله ما بيغيظنى فى القصص الا شغل القطارة ده ياخى ما تبهيليها كلها وتخلصينا ودى واحترامى بت مارنجان فى انتظار بقية القصة عزوز والله معليش ... بس اسوي شنو ... كدي انا خليك قريب وانا كل يوم علي قدر ماربنا يديني بكتب ليكم شوية ... واحترامي ليك سيدي الفاضل .... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:36 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني